Iesu Kristo inanon ana Boki Moomon

Tamnei

E karaoa ana mwakuri n ibuobuoki Iesu Kristo nakoia aomata i Amerika

Antai ae ko kona n taekinna bwa ngaia te moan kakawaki n aomata n ana Boki Moomon? Ngkai tabeman a na taekinna Nibwaai, Aramwa, ke Moomon, ma ngaia bon Iesu Kristo bon te boto raoi ni koaua. E koroboki Nibwaai:

“Bwa ti kakorakoraira ni koroboki, n anai nanoia natira … ni kakoaua iroun Kristo. …

“Ao ti kaakarabakauakina Kristo, ao ti kimwareirei iroun Kristo, ao ti tataekina Kristo, ao ti taetae ni burabeti ibukin Kristo” (2 Nibwaai 25: 23, 26).

Inanon te ririki, 1978, e boretiia ana rongorongo Susan Ward Easton ni kaineti ma mwaake iaon te aba, ni kaotii waare iaona bwa bonIesu Kristo bon ngaia boton te karaki inanon ana Boki Moomon. E kamataatai aara are e aranaki Iesu Kristo iai aika kakaokoro are E taekinakiman arana ke nakoana 3,925 te tai inanon ana Boki Moomon, are ikotana bon 1.7 inanon kiibu.¹

Te kamatebwai aio e bon kaotia bwa te Tia Kamaiu bon ngaia te boto n ana Boki Moomon; e ngae n anne, e kakawaki bwa warekan te tai are mwaneweaki iai aran Kristo e bon aki karinaki ke warekaki iai katonuana ake e bon kaineti Nakoina.

Kabaneana, te ware ibukin kakoauaan Iesu Kristo bon tiaki te bwai ae rang kakawaki ibukin karekean reireiara man ana Boki Moomon, e ngae n anne, kakoaua ni kabane Ibukina e kona atatai ibukin Arona ae mai ieta ao ana mition. Ti karaurau ni karaoa te kakae iaon ana Boki Moomon, n noori ni kabane mwanewean aran Iesu Kristo, n ikotaki ma aara ake e aranaki iai nakoana ao katonuana. Ti kunea bwa 7,452 te ikota ibukin kakoauaana—te ikota ae riaon teuana te kakoaua n teuana te kibu.² Bon 50 te katebubua te kakaoaua ibukin Nakoan Kristo inanon ana Boki Moomon, ma nikirana are a roko man katonuana ake e kaineta Iesu Kristo.

Kakaeakin Iesu Kristo e bon katauraoa te kawai ae onoti ibukira bwa ti na reiakina Arona. Iangoia bwa e kanga kiibu aika ni katuruturua Arona: “Moanna ni kakoaua Natin te Atua, bwa e na roko ni kabooia ana botanaomata, ao bwa e na maraki ma ni mate bwa e na karaoa te mwakuri ni kamaiu ibukin aia bure; ao bwa e na mangauti riki man te mate, ae e na kakoroa bukin te mangauti, bwa aomata ni kabane a na tei i matana, bwa a na motikaki taekaia n te kabanea ni bong ni motikitaeka, ni kaineti ma aia mwakuri.”(Aramwa 33:22; e kairaki ma katuruturuana).

Inanon ana moan kamatebwai Titita Easton, ao te kibu aio e anaaki naba bwa teuana te kakoaua iroun Kristo man arana ae “Natin te Atua.” E ngae n anne, e mwaneweaki nimaua riki te tai te Tia Kamaiu. Te kibu aio e bon tii kaotia ae Iesu Kristo bon Natin te Atua ma bon ngaia naba ae kabooira rinanon ana Mwakuri ni Kamaiu ao manga Utina ao n riki bwa ara tia motiki taekara.

Ma ae mwakaroiroi riki, bwa Kristo e bon kaineti Nakoina inanon ana Boki Moomon. Te katooto, ngkana ti wareka ana taeka te Tia Kamaiu, “Ngkana a roko aomata nakoiu N na kaota nakoia mamaaraia. I anganiia aomata mamaaraia bwa aonga n nanorinano; ao e tau au akoi nakoia aomata ni kabane ake a karinanoia i matau; bwa ngkana a karinanoia i matau man onimakinai, ao ngkanne N na karaoi baika mamaara bwa a na riki bwa korakoraia” (Ita 12:27; e kairaki ma katuruturuana). E ngae ngke akea ni kaoti aran Kristo n te kibu aei, ma waniua te tai ae kainetaki iai te Tia Kamaiu. E na kamatataaki raoi tabena ngkana ti ukera te Tia Kamaiu n te rongorongo aio.

Kiibu ake imwiina a na bon kaota ana namakin te Tia Kamaiu are karekea irouia n tatabemaniia ao tera te namakin are a karekea mairouna:

Teirake ao nakomai nakoiu, bwa kam na karin baimi i rarikiu, ao bwa kam aonga naba n namakina mwin te nera i baiu ao i waeu, bwa kam aonga n ataia bwa bon ngai Atuan Iteraera, ao Atuan aonnaba ae bwanin, ao I a tia n tiringaki ibukin buren aonaba.

“… A mwananga aomata ake a uanao, ma ni karin baia I rarikina, ao a namakina mwiin te neera I baina ao I waena” (3 Nibwaai 11:14–15; e kairaki ma katuruturuana).

E ngae ngke ti tiaki kona ni riingi mwiin ikoakina, ma ti kona ni kananoa ara kakoaua i nanora iroun Iesu Kristo rinanon ana Boki Moomon.

Te tai ma kakoaua ibukin te Uea n ana Boki Moomon e bon buokiira n noora kakawakin Ana Mwakuri aika tabu. Ataakin te Tia Kamaiu n ana Boki Moomon: Kakoauan Taekan Iesu Kristo bon te kawai ae mwakaroiroi ibukin kaaniakira Nakoina.