Wase 25
Sa Vakatavulica na Tamai Tui Lamonai o Eroni
Sa tukuna vua na tui o Eroni ni taci Amoni. E a vakananuma tu na tui na yalovinaka i Amoni kei na ka a tukuna vua o Amoni.
A taroga na tui o Eroni kevaka e vakadinata na Kalou. A kaya na tui ni sega ni matata vua ia e kaya ni na vakadinata kevaka e tukuna o Eroni ni tiko na Kalou. A vakadeitaka o Eroni vua na tui ni bula tiko na Kalou.
Sa wilika na ivolanikalou o Eroni kivua na tui. A vakatavulici koya me baleta na Buli ni vuravura, na Lutu i Atama, kei na ilesilesi i Jisu Karisito.
A taroga na tui na cava me na cakava me rawata kina Yalo Tabu ka vakarau tu me laki bula vata kei na Kalou. E sa tu vakarau na tui me cakava e dua ga na ka, kevaka sara mada ga me solia nona matanitu.
A kaya o Eroni vua na tui ni sa gadrevi me na veivutunitaka taucoko na nona ivalavala ca. Sa gadrevi me na masu ka vakabauta na Kalou.
Sa masulaka na tui me kila ke tiko dina na Kalou. A kaya o koya ni na biuta vakadua na nona ivalavala ca.
Sa bale ki na qele na tui ka vaka ni sa mate. Ni sa raici koya na ranadi, e nanuma ni sa vakamatei koya o Eroni kei ira na nona itokani.
Sa vakaroti ira na nona tamata na ranadi me ra vakamatei Eroni kei ira na nona itokani, ia era sa rere ni cakava vakakina na tamata. A talai ira o koya me ra qara mai eso tale na tamata e rawa ni ra vakayacora.
Ni bera ni ra vakasoqoni vata e dua na ilala levu ka vakatubu ca, a taura na liga ni tui o Eroni ka tukuna vua me tucake. Sa tucake na tui.
A vakamalumutaki watina kei ira na nona italai domobula na tui ka qai vakatavulici ira ena kosipeli. Era sa vakabauti Jisu Karisito taucoko.