Wase 53
Ko Moronai kei na Nona iVakavuvuli
A kila tu o Moronai ni dua na siga na peleti koula ena kau tani mai na qele.
Na veivosa ena peleti koula e tukuni Jisu Karisito. Era wasea na ivakadinadina ka vakavulici ira na tamata ena sala ni bula dodonu.
O ira na Leimanaiti dau caka ca a vakamatei ira kecega na Nifaiti era sega ni cakitaki Jisu Karisito.
O Moronai ena sega vakadua ni cakitaki Jisu Karisito. A veilakoyaki o koya, ni vuni voli mai vei ira na Leimanaiti.
A vola o Moronai eso tale na ka ena peleti koula, vakabibi vei ira na Leimanaiti ni veisiga mai muri.
A vola o koya e vuqa na ka bibi, oka kina na vosa ni masu ni sakaramede.
A vola o Moronai ni tamata duadua ga e rawa ni papitaisotaki sai ira era sa lomasoli me ra veivutunitaka na nodra ivalavala ca, ka qaravi Jisu Karisito.
O Moronai a vinakata na tamata kecega me vakabauti Jisu Karisito ka yaco me kilai koya. A kaya o koya ni veika vinaka kecega sa mai vei Karisito.
A vola o Moronai ni kevaka era tamata sa lomana na Kalou ka muri koya, era na rawa ni yaco mera vinaka sara.
A kila tu o Moronai ni oti na nona mate ena tucaketale ka na bula vata kei na Tamada Vakalomalagi kei Jisu Karisito.