Wase 50
Na Jeretaiti era sa Biuti Pepeli
E vuqa vei ira na tamata e Pepeli era ivalavala ca. Era a tara e dua na vale cecere me yaco ki lomalagi. E a cudru na Turaga ka vakasesea na nodra vosa.
O Jereti e a kerei tuakana me masu ka kerea na Turaga me kua ni vakasesea na vosa ni nodra matavuvale kei na itokani.
A masu na tuakai Jereti, ka a sauma na Turaga na nona masu. O Jereti, na tuakana, kei na nodra matavuvale kei na itokani era veikilai vosa tikoga.
A kaya na Turaga vua na tuakai Jereti me vakasoqona na nona matavuvale kei na itokani ka biuta na vanua. Era a kauta vata kei ira na nodra manumanu kei na veimataqali sore ni kau.
A kaya na Turaga ni o koya ena kauti ira na Jeretaiti ki na vanua yalataki.
E ra a toboka na manumanu vuka kei na ika na Jeretaiti me kauta yani.
Era a kauta na qele ni oni.
Era a lako yani na Jeretaiti ena loma ni lekutu. Na Turaga a vosa vei rau mai na dua na o ka tukuna mai na sala mera muria.
A kaya na Turaga ni o ira na tamata era bula ena vanua yalataki e dodonu me qarava na Kalou se era na vakarusai.
Ni ra a yaco na Jeretaiti ki matasawa, era a birika cake na nodra vale laca. Era a tiko ena matasawa me va na yabaki.