Wase 33
Tamata Via Vakatui veisa kei na Tamata Galala
Era vinakata eso na Nifaiti vua na turaganilewa levu, o Paorani, me veisautaka eso na lawa.
Ni besetaka o Paorani, era sa cudru na tamata ka vinakata mera vagalalataki Paorani mai na turaganilewa levu. Era sa via vaka tui, sega ni vaka turaganilewa.
Ni ra vakatokai me tamata via vakatui, era nuitaka ni na dua vei ira ena yaco me tui ka vakatulewa vei ira na tamata.
Era sa vakatokai me tamata galala o ira na Nifaiti ka vinakata me nodra turaganilewa levu o Paorani. Era vinakata na bula galala me ra tiko ka sokalou voli me vaka na nodra gagadre.
Era digidigi na tamata ena vuku ni tamata galala kei na tamata via vakatui. E levu vei ira e digitaka na tamata galala.
Ena gauna vata oya, sa vakasoqona voli o Amalikaia e dua na mataivalu levu ni Leimanaiti mera valuti ira na Nifaiti.
Ni ra rogoca na tamata via vakatui na nodra lako tiko mai na Leimanaiti, era sa marau ka cata ni veivuke mera taqomaka na nodra vanua.
Sa cudruvi ira na tamata via vakatui o Kavetani Moronai ni ra sega ni vala. A cakacaka vakaukauwa o koya me vagalalataki ira na Nifaiti.
A kere kaukauwa vua na kovana o koya me vakavuna na nodra ravuti na Leimanaiti mai vei ira na tamata via vakatui se mera vakamatei.
Ni sa solia na kovana, o Paorani, na kaukauwa oqo vei Moronai, sa liutaki ira na nona mataivalu o Moronai me saqati ira na tamata via vakatui.
Era sa vakamatei e vuqa na tamata via vakatui; eso era biu ki na vale ni veivesu. Era sa vakadonuya na kena vo mera taqomaka na nodra vanua mai vei ira na Leimanaiti.