Wase 40
Sa Tukuni Jisu Karisito o Samuela na Leimanaiti
Sa lako ki Saraemala o Samuela, e dua na parofita ni Leimanaiti, me laki vunau vei ira na Nifaiti dukadukali. Sa tukuna vei ira me ra veivutuni.
Era kolotaki Samuela tani mai na koro na Nifaiti, ka sa tekivu lesu tale ki na nona vanua.
Ia sa kaya na Turaga vei Samuela me lesu tale ki Saraemala ka tukuna vei ira na tamata na veika ena tikora ki na lomana.
Era sega ni vakatarai Samuela lesu tale ki na koro na Nifaiti, sa qai kaba ki na dela ni lalaga ni koro o koya ka vunau mai kina.
Sa parofisaitaka o koya ni ra na vakarusai na Nifaiti ena 400 na yabaki vakavo ke ra sa veivutuni na tamata ka vakabauti Jisu Karisito.
A tukuna vei ira na Nifaiti o Samuela ni na sucu o Jisu Karisito ena lima na yabaki ka na vakabulai ira taucoko ka vakabauti koya.
Sa tukuna vei ira o Samuela baleta na ivakatakilakila ni sucu i Jisu. Ena basika e dua na kalokalo vou, ka na sega ni buto na bogi ni se bera ni sucu ko Jisu.
Sa qai tukuna vei ira o Samuela na ivakatakilakila ni mate i Jisu. Ena tolu na siga ni buto taucoko—ka na sega ni cila na matanisiga, na vula kei na kalokalo.
Ena yaco talega na kurukuru kei na livaliva kei na tavuki ni vanua. Ena kasura na veiulunivanua, ka na vakarusai e vuqa na koro.
Era vakabauti Samuela eso na Nifaiti ka veivutunitaka na nodra ivalavala ca. Era laki vakasaqarai Nifai, e dua na Nifaiti yalododonu ka rawa ni papitaisotaki ira.
Era sega ni vakabauti Samuela na vo ni Nifaiti. Era vakaviriki koya ena vatu ka vanalaki koya ena dakaititi. Ia sa taqomaki koya na Turaga, ka sega ni lauti koya e dua na vatu se dakaititi.
Ni ra raica na tamata ni sa sega ni laugasau rawa, e levu sa vakabauti koya ka gole vei Nifai me papitaisotaki.
A vakavulici ira talega na tamata o Nifai me baleti Jisu. A vinakata o koya mera vakabauti Jisu, veivutuni, ka papitaisotaki.
Ia, e levu vei ira na Nifaiti, a sega ni vakabauti Samuela. Era a tovolea mera toboki koya.
A lade sobu mai na lalaga o Samuela ka cici ki na nona vanua.
Sa tekivu vakavulici ira na Lemanaiti o Samuela. Sa sega tale ni qai rogo o koya ena kedra maliwa na Nifaiti.