Wase 32
O Kavetani Moronai kei na Drotini ni Bula Galala
A vinakata o Amalikaia e dua na tamata dukadukali me nodra tui na Nifaiti. Era sa biuta e vuqa na Nifaiti na Lotu ka muri koya.
Kevaka e sa tui o Amalikaia, ena saga o koya me vakarusa na Lotu ni Kalou ka kauta tani na bula galala ni tamata.
Ni sa rogoca o Kavetani Moronai, na iliuliu ni mataivalu ni Nifaiti, na ituvatuva i Amalikaia me tui, sa cudru sara o koya.
A dresuka o Moronai na nona kote me cakava e dua na kuila. E a vola kina e dua na itukutuku me vakananumi ira na tamata me ra taqomaka na nodra lotu, galala, kei na tiko sautu.
A biuta o Moronai na kuila ena dua na kau balavu ka vakatoka me drotini ni bula galala. Ni vakaisulu tu vakaivalu, e a tekiduru ka masu.
A kerea vua na Kalou me taqomaki ira era vakabauti Jisu Karisito ka masulaka na tiko sautu ena vanua, ni vakayacana na vanua ni bula galala.
Sa lako voli ena kedra maliwa na tamata o Moronai. Ni yalovaka tu na drotini ni bula galala, sa kacivi ira o koya mera lako mai ka vukea na taqomaki ni nodra galala.
Era lako mai na veivanua kecega na tamata. Era sa yalataka me ra talairawarawa ki na ivunau ni Kalou ka valataka na nodra galala.
Ni raica o Amalikaia na iwiliwili ni Nifaiti e sa tomani Moronai, Ka sa rere sara o koya. A biubiu o koya kei na nona imuri mera tomani ira na Leimanaiti.
A saga o Moronai kei na nona mataivalu me tarovi ira, ia a mani dro o Amalikaia kei na vica na nona tamata.
Sa biuta o Moronai e dua na drotini ni bula galala ena veivale cere ni nodra vanua na Nifaiti. Era sa taqomaka na nodra tiko sautu na Nifaiti ka kune vakacegu tale.