11. Tzuul Olivos
Li jalam-uuch a’in naxk’ut li Tzuul Olivos chi ilb’il sa’ releb’aal li saq’e. Li kab’l jwal nach’ wi’chik sa’ li jalam-uuch naxjayali b’ar wi’ maare kiwan li Awimq Getsemani. Sa’ 24 Octubre 1841, Li Elder Orson Hyde re lix Molameb’ li Kab’laju chi Apostol kitaqsink sa’ li Tzuul Olivos ut kixye jun li profeetil tij re rosob’tesinkil li ch’och’ choq’ re lix sutq’ijikeb’ li ralal xk’ajol laj Abraham ut lix kab’lankil li santil ochoch.
K’a’ru kik’ulman: Li tenamit Roma kixsach Jerusalen sa’ 70 chihab’ chirix li Kristo, jo’ kixye chaq chi junxilaj li Kolonel sa’ li Tzuul Olivos (chi’ilmanq JS—M 1:23). Li Kolonel toj taaxaqliiq sa’ li Tzuul Olivos rub’elaj naq taak’utunq chiru chixjunil li ruchich’och’. (Chi’ilmanq Sak. 14:3–5; Tz. ut S. 45:48–53; 133:19–20; K’UTUL RAQAL: Olivos, li tzuul.)