21. Ru Taq’a Jisrehel
Yoo chi ilok sa’ xtz’e ut sa’ rokeb’aal li saq’e chalen sa’ xb’een li tzuul Tabor, toj chiru jun raqal li ru taq’a Jisrehel, li nawb’il ajwi’ ru jo’ li Helhookil Ch’och’ Esdraelon. Us ta wan naq k’oxlanb’il naq li ru taq’a Jisrehel a’an jun ajwi’ nimla ru taq’a, aran wan junjunq li ru taq’a li neke’xjunaji li helhookil ch’och’ Ako rik’in li ru taq’a Jordan ut lix ch’och’il li Palaw re Galilea. Qayehaq, li ru taq’a Mejido wan sa’ li jun raqal re li ru taq’a a’in li wan sa’ rokeb’aal li saq’e. Li ru taq’a Jisrehel a’an li b’e sa’ li Santil Ch’och’ li naxik chalen sa’ li Palaw Mediterraneo sa’ rokeb’aal li saq’e toj sa’ li ru taq’a Jordan sa’ releb’aal li saq’e.
K’a’ru kik’ulman: Li nimb’e chalen Egipto toj Mesopotamia nanume’ chiru li ru taq’a a’in, ut k’iila ninqi pleet ke’wan arin (Jue. 1:22–27; 5:19; 2 Rey. 23:29–30). Li nimla pleet sa’ li ch’och’ a’in sa’ roso’jik taatiklaaq rik’in li pleet re Armagedon, li taapleetimanq ka’ch’in rub’elaj li xkab’ xk’ulunik li Kolonel; a’an naxk’ul xk’ab’a’ rik’in li aatin Har Megiddon, li naraj naxye li Tzuul Mejido (Esek. 38; Joel 3:9–14; Sak. 14:2–5; Apok. 16:14–16).