29. Atenas
Li jalam-uuch a’in, li isinb’il chaq sa’ Areopago (Tzuul re Marte), naxk’ut li Acropolis re Atenas, b’ar wi’ wankeb’ li muheb’aal choq’ re junjunqeb’ lix dios laj Griego. Sa’ xkutankileb’ li najter aj Griego, kiwan Atenas choq’ jolomil tenamit re Atika ut sa’ xkutankil li Ak’ Chaq’rab’ kiwan sa’ li jun raqal ch’och’ reheb’ laj Romano Akaya yeeb’il re. Kik’eeman xk’ab’a’ jo’ chanru li xAtenea, li ixqi dios reheb’ laj Griego. Sa’ xkutankil li Ak’ Chaq’rab’, ak oso’jenaq naab’al lix nimal ru ut lix loq’al Atenas, a’ut toj wan chaq aran naab’al li yiib’anb’il jalam-uuch ut ch’utleb’aal re k’iila yiib’anb’il dios teelom ut ixq, jo’ “li dios ink’a’ nawb’il ru” (Hech. 17:23).
K’a’ru kik’ulman: Li Apostol Pablo kirula’ani li tenamit ut kixjultika li raatin chirix li “dios ink’a’ nawb’il ru” sa’ li Tzuul Marte (Hech. 17:15–34). Eb’ laj k’amol aatin ke’taqlaak chalen chaq Atenas toj sa’ jalaneb’ chik li na’ajej re Grecia (1 Tes. 3:1–2).