1 Kunantaj ñoqa, nefi, mana unay tatasniypa mirayninkuta willanichu kay escribisqaypi. Manataj jayk’ajpis kay planchas patapi, mayqenkunatachus escribishani, mana kaykunapi chayta willasajchu, imaraykuchus tatayqa chayta willan escribisqasnimpi, chayrayku mana chayta escribinichu kay ruwanapi.

2 Bastalla kanman Josej mirayninmanta kasqaykuta ninaypaj.

3 Manataj anchata importawanchu tukuy tataypa ruwasqasninta escribinaypaj, imaraykuchus mana kay planchas patapi escribisqa kayta atinkuchu, kay planchaspi campo Diospa cosasninmanta escribinaypaj munasqayrayku.

4 Imaraykuchus ñoqaj tukuy munayniy runasta pusay Abrahampa Diosninman, Isaacpa Diosninman, Jacobpa Diosninmanwan salvasqas kanankupaj.

5 Chayrayku mundota kusichinapaj mana escribinichu, astawanqa Diosta, mana kay mundopi kajkunata, kusichinapaj escribini.

6 Chayrayku wawasniyman kamachisaj mana kay planchaspi escribinankuta, imatachus mana allinniyojchu kanman runaspa wawasninkupaj, chayta.