Isigaba 36
Isambulo esanikwa ngoJoseph Smith umPhrofethi ku-Edward Partridge, eduze naseFayette, eNew York, ngomhlaka 9 Disemba 1830 (bheka isihloko sesigaba 35). Umlando ka Joseph Smith uthi u-Edward Partridge “wayeyisibonelo sokukhuthazela ukukhonza uNkulunkulu, nomunye wamadoda athandeka kakhulu eNkosi.”
1–3, INkosi ibeka isandla Sayo ku-Edward Partridge ngesandla sikaSidney Rigdon; 4–8, Yonke indoda eyamukela ivangeli nobuphristi kufanele ibizelwe ukuhamba iyoshumayela.
1 Isho kanje isho iNkosi uNkulunkulu, oMkhulu ka-Israyeli: Bheka, ngithi kuwe, nceku yami u-Edward, ukuthi ubusisiwe, futhi nezono zakho zithethelelwe, futhi ubizelwe ukushumayela ivangeli lami njengephimbo lecilongo;
2 Futhi ngizobeka isandla sami phezu kwakho ngesandla senceku yami uSidney Rigdon, futhi uyothola uMoya wami, uMoya oNgcwele, ngisho uMduduzi, ozokufundisa izinto zomoya wokuthula zombuso;
3 Futhi uyokumemezela ngephimbo eliphakeme, uthi: Hosana, libusisiwe igama likaNkulunkulu ophakeme kakhulu.
4 Manje lolu bizo nomyalelo ngikunika kona ngokuphathelene nabo bonke abantu—
5 Ukuthi abayoza ngobuningi phambi kwezinceku zami uSidney Rigdon noJoseph Smith, omNcane, bemukela lolubizo nomyalelo, bazogcotshwa futhi bathunyelwe ukuyoshumayela ivangeli laphakade phakathi kwezizwe—
6 Beshumayela ngokuphendula, bethi: Zisindiseni kulesi sizukulwane esihluphayo, futhi niphume emlilweni, nizonda ngisho izingubo ezichaphazelwe ngenyama.
7 Futhi lomyalelo uyonikwa amagosa ebandla lami, ukuze wonke umuntu ozowamukela ngobunye benhliziyo agcotshwe futhi athunyelwe ahambe, ngisho njengoba sengikhulumile.
8 NginguJesu Kristu, iNdodana kaNkulunkulu; ngalokho-ke, bophani izinkalo zenu futhi ngokuzumayo ngizokuza ethempelini lami. Ngisho kanjalo. Amen.