1 Lee, otu a ka Onye-nwe Chineke unu kwuru nye unu, O unu ndị-okenye nke Nzukọ-nsọ m, n̄aa nụ ntị ma nara, ma nata nụ uche m gbasara unu.

2 N’ihi na n’ezie a sị m unu, a chọrọ m ka unu merie ụwa; ya mere a ga m enwe ọmiko nye unu.

3 Ọ dị ndị nọ n’etiti unu ndị mehieworo; mana n’ezie a sị m, n’otu ugboro a, n’ihi otuto nke m, ma n’ihi nzọpụta nke mkpụrụ-obi nile, a gbaghaworo m unu mmehie unu nile.

4 A ga m enwe obi ebere nye unu, n’ihi na e nyewo m unu ala-eze ahụ.

5 Ma ọtụghe ụzọ nke ihe omimi nile nke ala-eze agaghị abụ ihe a napụrụ site n’aka nwa odibo m Joseph Smith, Nta, site n’ụzọ nke m họpụtara, ka ọ na-adị ndụ, ma ọ bụrụraa na ọ na-edebe emume-nsọ m nile.

6 E nwere ndị chọworo ohere imegide ya n’enweghi ihe kpatara ya;

7 Otu osila dị, o mehiewo; mana n’ezie a sị m unu, mụ, Onye-nwe, na-agbaghara mmehie nile nye ndị kwupụtara mmehie ha n’iru m ma rịọ mgbaghara, bụ ndị n’emeghị mmehie ruo ọnwụ.

8 Ndị na-eso-ụzọ m, n’ụbọchị mgbe ochie, chọrọ ohere imegide onwe ha ma ha agbagharaghị onwe ha n’ime obi ha nile; ma n’ihi ihe ọjọọ nke a a tara ha ahụhụ ma e nyere ha mkpagbu ma taa ha ahụhụ nnukwu.

9 Ya mere, a sị m unu, na unu kwesịrị ịgbaghara ibe unu; n’ihi na onye n’agbagharaghị nwanne ya mmehie ya ka ikpe mara n’iru Onye-nwe; n’ihi n’ime ya ka mmehie dị ukwuu fọdụrụ karịa.

10 Mụ, Onye-nwe, ga agbaghara onye m chọrọ ị gbaghara, mana nye unu a chọrọ ka unu gbaghara mmadụ nile.

11 Ma unu kwesịrị ikwu n’ime obi unu nile—ka Chineke kpee ikpe n’etiti mụ na gị, ma nye gị ụgwọ-ọrụ gị dịka ọrụ gị nile siri dị.

12 Ma onye ahụ nke n’echegharịghị site na mmehie ya nile, ma ekwupụtaghị ha, unu ga-akpọpụta n’iru nzukọ-nsọ, ma meso ya dịka akwụkwọ-nsọ kwuru nye unu, ma-ọbụ site n’iwu-nsọ ma-ọbụ mkpughe.

13 Ma nke a ka unu ga-eme ka Chineke nara otutu—ọ bụghị n’ihi na unu anaghị agbaghara, enweghi ọmiko, mana ka unu nwere nkwado ziri-ezi n’anya nile nke iwu, ka unu ghara ịmehie ya onye nke bụ onye na-enye unu iwu—

14 N’ezie a sị m, n’ihi nke a unu ga-eme ihe ndị a nile.

15 Lee, mụ, Onye-nwe, weworo iwe megide onye bụụrụ odibo m Ezra Booth, na kwa nwa odibo m Isaac Morley, n’ihi na ha e debeghị iwu ahụ ma-ọbụ iwu-nsọ ahụ;

16 Ha chọrọ ihe ọjọọ n’ime obi ha, ma mụ, Onye-nwe, jichiri Mụọ m. Ha mara ikpe dịka ihe ọjọọ ihe ahụ nke n’enweghị ihe ọjọọ dị n’ime ya, otu o sila dị a gbagbarawo m nwa odibo m Isaac Morley.

17 Ma kwa nwa odibo m Edward Partridge, lee, o mehiewo, ma Setan na-achọ ibibi mkpụrụ-obi ya; mana mgbe a ga-eme ka ha mata ihe ndị a nile, ma ha e si n’ihe ọjọọ nke ahụ chegharịa, a ga-agbaghara ha.

18 Ma ugbụ a, n’ezie a sị m na ọ dị m mkpa na nwa odibo m Sidney Gilbert, mgbe ntakịrị izu-ụka gasịrị, ga-alota n’ọrụ ya, na kwa na nnọchịta anya ya n’ala nke Zaịọn;

19 Ma ihe nke ahụ nke ọ hụworo ma nụwọ nwere ike ịpụta ìhè nye ndị na-eso ụzọ m, ka ha ghara ịla n’iyi. Ma n’ihi nke a ka m kwuworo ihe ndị a nile.

20 Ma ọzọ, a sị m unu, ka nwa odibo m Isaac Morley ghara ị bụ onye a nwara karịa ihe o nwere ike ịnagide, ma nye ndụmọdụ ọjọọ nke ga-emerụ unu arụ, e nyere m iwu-nsọ ka e ree ubi ya.

21 Ekwetaghị m ka nwa odibo m Frederick G. Williams ree ubi ya, n’ihi na mụ, Onye-nwe, chọrọ ka e dota ebe mgbaba siri ike n’ala nke Kirltand, n’oge dịka afọ ise, n’ime nke mụ n’agaghị akwatu ndị ajọọ-mmadụ, ka site na nke a a hatara m ịzọpụta ụfọdụ.

22 Ma ụbọchị ahụ gasịa, mụ, Onye-nwe, agaghị agụ onye ọbụla dịka onye ikpe mara bụ onye ga-eji obi dị ọcha jee n’ala nke Zaịọn; n’ihi na mụ, Onye-nwe, chọrọ mkpụrụ-obi nile nke ụmụ nke mmadụ.

23 Lee, ugbụ a a na-akpọ ya taa ruo n’ọbịbịa ahụ nke Ọkpara nke Mmadụ, na n’ezie ọ bụ ụbọchị nke ịchụ-aja, na ụbọchị nke ịkwụ otu ụzọ n’ụzọ iri nke ndị m; n’ihi na onye ahụ nke na-akwụ otu ụzọ n’ụzọ iri ya ka a na-agaghị erepịa n’ọkụ n’ọbịbịa ya.

24 N’ihi na mgbe taa gasịrị ka nrepịa ga-abịa—nke bụ ikwu dịka n’ụzọ nke Onye-nwe n’ihi n’ezie a sị m, echi ndị mpako na ndị na-eme ajọọ omume ga-adị dịka ahịhịa kpọrọ nkụ; ma a ga m erepịa ha, n’ihi na a bụ m Onye-nwe nke usuu nile nke ndị-agha; ma a gaghị m ahapụ onye ọbụla nke fọdụrụ na Babịlọn.

25 Ya mere, ọbụrụ na unu kwere na mụ, unu ga-arụ ọrụ mgbe a na-akpọ ya taa.

26 Ma ọ dịghị mma na ụmụ odibo m, Newel K. Whitney na Sidney Gilbert, ga-ere ụlọ-akụ ha na ihe-onwunwe ha nile ebe a; n’ihi na nke a abụghị amamihe ruo mgbe ụfọdụ ndị Nzukọ-nsọ, nke fọdụrụ n’ebe a, ga-aga ruo n’ala nke Zaịọn.

27 Lee, e kwuru ya n’iwu m nile, ma-ọbụ, ihe a na-asọ nsọ, iji ndị iro gị nile ụgwọ;

28 Mana lee, ekwughị ya n’oge ọbụla na Onye-nwe agaghị ewere mgbe ọ masịrị ya, ma kwụọ ụgwọ dịka ọ dị ya mma.

29 Ya mere, n’ihi na unu bụ ndị na-anọchi-anya, unu nọ n’ozi nke Onye-nwe; ma ihe ọbụla unu mere dịka uche nke Onye-nwe siri dị bụ ọrụ nke Onye-nwe.

30 Ma Ọ họpụtara unu ịrọpụtara ndị-nsọ ya n’ụbọchị ikpeazụ ndị a nile, ka ha wee nweta ihe nketa n’ala nke Zaịọn.

31 Ma lee, mụ, Onye-nwe, na-ekwupụta nye unu, ma okwu m nile bụ ezie ma ha agaghị ada, ka ha wee nweta ya.

32 Mana ihe nile garịrị emezu n’oge ha.

33 Ya mere, ike agwụla unu n’obi n’ime ihe ọma, n’ihi na unu na-atọ ntọ-ala nke oke ọrụ. Ma site n’ihe nta nile ka oke ihe si apụta.

34 Lee, Onye-nwe, chọrọ obi na echiche dị na njikere, ma ndị dị na njikere na ndị na-erube isi ga-eri ihe ọma nke ala nke Zaịọn n’ụbọchị ikpeazụ ndịa.

35 Ma ndị nnupụ-isi ka a ga-ebepụ site n’ala nke Zaịọn, ma a ga-achụpụ kwa ma ha agaghị eketa ala ahụ.

36 N’ihi na, n’ezie a sị m na ndị nnupụ-isi abụghị nke ọbara nke Efraim, ya mere a ga-aghọpụ ha.

37 Lee, mụ, Onye-nwe emewo nzukọ-nsọ m n’ụbọchị ikpeazụ ndịa dịka Onye-ikpe nọdụrụ-ala n’elu ugwu, ma-ọbụ n’ebe dị elu ikpe mba nile ikpe.

38 N’ihi na ọ ga-eru mgbe ndị nile bị na Zaịọn ga-ekpe ikpe ihe nile metụtara Zaịọn.

39 Ma ndị ụgha nile na ndị iru-abụọ ka ha ga-anwapụta ma ndị ahụ n’abụghị ndị-ozi na ndị-amụma ka a ga-ama.

40 Ma ọbụna ụkọchukwu, onye bụ onye-ikpe, na ndị ndụmọdụ ya, ọbụrụ na ha ekwesighị ntụkwasị-obi n’ọkwa-ọrụ ha a ga-ama ha ikpe, ma ndị ọzọ ga-anọchi n’ọnọdụ ha.

41 N’ihi na, lee, a sị m unu na Zaịọn ga-aba ụba, ma ebube nke Onye-nwe ga-adakwasị ya;

42 Ma ọ ga-abu ihe nlere-anya nye ndị mmadụ, ma ga-abịakwute ya site na mba ọbụla nke nọ n’okpuru elu-igwe.

43 Ma ụbọchị ahụ ga-abịa mgbe mba nile nke ụwa ga-ama jijiji site ya, ma ga-atụ egwu n’ihi ndị ya dị egwu. Onye-nwe ekwuwo ya. Amen.