Tufa’a 80
E heheura’a tei hōro’ahia mai nā roto ia Iosepha Semita te peropheta, ia Stephen Burnett i Hiram, i Ohio, i te ’āva’e 7 nō Māti 1832.
1–5, ’Ua pi’ihia Stephen Burnett ’e Eden Smith ’ia poro i te ’evanelia i te vāhi tā rāua e mā’iti.
1 ’Oia mau, tē nā ’ō mai ra te Fatu ia ’oe e tō’u tāvini, e Stephen Burnett : ’A haere ’oe, ’a haere ’oe nā te ao nei ’e ’a poro haere i te ’evanelia i te mau ta’ata ato’a ’o tē fa’aro’o i tō ’oe na reo.
2 ’E nō te mea ’ua hina’aro ’oe i te hō’ē hoa, e hōro’a atu vau ia ’oe tō’u tāvini ra ia Eden Smith.
3 Nō reira, ’a haere atu ’ōrua ’e ’a poro haere i tā’u ’evanelia, i te apato’erau ’e ’aore rā i te apato’a, i te hiti’a o te rā ’e ’aore rā i te tō’o’a o te rā, ’aita e pe’ape’a, nō te mea e’ita roa ’ōrua e hape i te ’ē’a.
4 Nō reira, ’a poro haere i te mau mea tā ’ōrua i fa’aro’o, ’e i ti’aturi pāpū roa ho’i, ’e i ’ite ho’i ē e parau mau.
5 Inaha, ’o teie te hina’aro nōna ’o tei pi’i ia ’ōrua, tō ’ōrua Tāra’ehara, ’oia ’o Iesu Mesia. ’Āmene.