Manatu Mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“E Le ni o le Lalolagi,” itulau e 56: Mafaufau e faitau le aafiaga a Elder Perry o le filifili e uu se ipu susu i faatasiga faapisinisi. (Mo le tusitaiala o lana tala, tagai i le itulau 57.) Ia talanoaina o se aiga ni auala e i ai i le lalolagi ae le ni o le lalolagi. Mo se faataitaiga, o le a se mea e mafai ona e faia pe afai e filifili se vaega o uo e matamata se ata tifaga e le talafeagai pe matamata foi i ponokalafi? E mafai faapefea ona e tali atu i se tasi e ta’ufaatauvaaina ou talitonuga e uiga ia Iosefa Samita, faaipoipoga, po o le tulafono o le ola mama? A o e tali i nei fesili nei o se aiga, ia manatua le faataitaiga a Keriso.
Agavale: Ua Folasia Atu e Keriso le Faamanatuga i le Au Aposetolo, saunia e Del Parson; taumatau: faamatalaga mai le O Iesu Keriso, saunia e Harry Anderson; Faatusa o Keriso, saunia e Heinrich Hofmann, faaaloaloga a C. Harrison Conroy Co., Inc.
“O se Lagona Fou,” itulau 78: A uma ona faitau faatasi le tusiga, e mafai ona outou talanoaina pe faapefea ona talanoa mai le Agaga Paia ia i tatou. Faaaoga mau e pei o le Kalatia 5:22-23 (tuuina mai lagona o le alofa, olioli, filemu, onosai, agamalu, agalelei, faatuatua, faamoemoe); Ioane 14:26 (e aoao mai ai le upumoni ma manatua ai); Alema 19:6 (e suia le pogisa i le malamalama); Moronae 10:5 (e faaalia mea moni); MF & F 6:14-15 (faamalamalamaina le mafaufau); 8:2-3 (e maua ai ni manatu i le mafaufau, lagona i le loto). Mafaufau e faasoa atu ni aafiaga patino pe o anafea na e lagonaina ai le Agaga Paia.