Ukuwa kuka-Adamu no-Eva

Yindlela okwenzeka ngayo ukuba abantu babe ngabafayo kulomhlaba. Ngesikhathi u-Adamu kanye no-Eva bedla isithelo esasenqatshelwe, baba ngabafayo, okungukuthi, baba ngaphansi kwesono kanye nokufa. U-Adamu waba “yinyama yokuqala” emhlabeni (Mose 3:7). Isambulo sezinsuku zokugcina siyakucacisa ukuthi ukuWa kuyisibusiso futhi nokuthi u-Adamu kanye no-Eva kufanele bahlonishwe njengabazali bokuqala babo bonke abantu.

UkuWa kwaba yinqubeko edingekile ekuqhubekeleni phambili komuntu. Ngenxa yokuthi uNkulunkulu wayazi ukuthi ukuWa kwakuzokwenzeka, wayehlelele umSindisi empilweni eyandulela eyasemhlabeni. UJesu Kristu weza esikhathini esimaphakathi ukuze azohlawulela ukuWa kuka-Adamu futhi nezono zabantu ngabanye uma umuntu ephenduka.

Bonke abantu babesesimweni sokulahleka kanye nesokuwa, 1 Nefi 10:6.
Indlela ilungisiwe kusuka ekuweni komuntu, 2 Nefi 2:4.
Emva kokuba u-Adamu kanye no-Eva sebesidlile isithelo esingavunyelwe, bakhishelwa ngaphandle kweNsimu yase-Edene, 2 Nefi 2:19.
U-Adamu wawa ukuze abantu babekhona, 2 Nefi 2:15–26.
Umuntu wemvelo uyisitha kuNkulunkulu, futhi selokhu aba yiso kusukela ngokuwa kuka-Adamu, Mosiya 3:19.
U-Aroni wafundisa ubaba kaLamoni ngokuWa, Alima 22:12–14.
Kufanele kube nenhlawulo eyenziwayo uma kungenjalo bonke abantu bawile futhi balahlekile, Alima 34:9.
Abazali bethu bokuqala basuswa ngokomzimba nangokomoya lapho kukhona khona iNkosi, Alima 42:2–15 (Hel. 14:16).
Ngenxa yokuWa imvelo yethu isibe nobubi, Etere 3:2.