Pejeporekajey ko libro-peguáre; ha pekonfia Ñandejárare
Pehechápa ko Mormón Kuatiañe’ẽ ha’eha pende piedra clave, ha’eha pene centro de fortaleza espiritual?
Mary Elizabeth Rollins
Che akãme a’imaghina generación pyahu pe pu’ãva pemañá térã pehendúva hína ko sesión de conferencia algún lugar del mundo. Che akompartisemi peteĩ historia verdadera penendive, peteĩ historia ikatúva ha’e ehemplo ha lección. Ikatúva ohechuka mba’éichapa peñembojavéta Ñandejárare ha pereko tuichave pu’aka opa aña jeipy’ara’ã pembohovái hag̃ua.
Kóva ha’e peteĩ mitãkuña oikova’ekue Nueva York-pe historia; itúva ho’ávo ibarco-gui peteĩ lago guasúpe omano, ha’e orekorõ guare tres años. Ha’e, isy, hi’hermano mayor ha hi’hermana michĩva ova táva pyahu, ambue estado-pe, oiko hağua itía ha itío ndive. Upe familia ova riremi, misionero ha miembro-kuéra peteĩ religión oñe’organiza ramóva ou ipúeblope oguerúvo umi gloriosa novedad restauración del evangelio rehegua. Omombe’u hikuái peteĩ ángel ome’ẽva’ekue registro antiguo peteĩ mitãrusu hérava José Smith-pe; registro péva ombohasa va’ekue Ñandejára pu’aka rupive. Mokõi umi visitante, Oliver Cowdery ha John Whitmer, añetehápe ohecha hesa rupive pe página de metal jehaipyre upe registro antiguo rehegua; ha Whitmer otestifika oreko hague ipópe umi pláncha oroguigua. Kóva ko registro nda’aréi ojepublika hague, ha hermano Whitmer ogueru pe libro hendive. Pe libro réra, ha’éva por supuesto, pe Mormón Kuatiañe’ẽ.
Mary, orekova’ekue 12 años ohendúrõ guare umi misionero ombo’e pe libro-re, oñandu peteĩ mba’e especial ikorasõme. Mormón Kuatiañe’ẽ iñanambusu ha heta ipáginarõ jepe, Mary oleeseterei. Hermano Whitmer oho rire, ome’ẽ peteĩ preciado ejemplar del libro Hermano Isaac Morley-pe, ha’éva Mary tio amigo ha peteĩ líder local pe Iglesia pyahúpe.
Mary upe rire ohai: “Aha [Hermano Morley] rógape… ha aporandu chupe ahecha hag̃ua pe libro; [ha’e] omoĩ che pópe, ha amañávo hese añandu aleesetereiha, ha ndaikatúi ajejoko ajerure chupe agueraha che rógape ha alee hag̃ua… Ha’e he’i… ha’e apéna oreko hague tiempo olee hag̃ua peteĩ capítulo, ha mbovy hermano ohechámava pe libro, ha katu ajerure’asy rire chupe, finalmente he’i: ‘Jovencita, eguerujeýramo ko libro ko’erõ pyhareve arambosa mboyve, ikatúta egueraha’”.
Mary pya’e oho hógape; ha iñakãrakuetégui pe líbrore, aimete ohasa opa pyharekue oleévo. Ko’ẽ rire, ogueraha jeývo pe libro, hermano Morley he’i, “Chéveramo guarã sa’i eleé pe libro” ha “Ndaroviamo’ãi erénepa chéve una palabra oĩva ko libro-pe”. Mary oñembo’y porã ha orrepeti de memoria primer versículo Mormón Kuatiañe’ẽmegua; upéi katu omombe’u chupe profeta Nefi historia. Mary upe rire ohai: “Omaña che rehe sorprendido ha he’i: ‘Che rajy, egueraha ko libro nde rógape ha eleepa, che aha’arõkuaa’”.
Tiempo ohasa riremi, Mary oleepa pe libro ha ha’ékuri pe primera persona ipuéblope oleeva’ekue pe libro entéro. Ha’e oikuaa porã ha’eha añetegua ha ouha Padre Celestial-gui. Ha’e ojeporekajeývo ko libro-peguáre, okonfiákuri Ñandejárare.
Un mes ohasa rire, peteĩ visitante especial ou hógape. Ko’ã mba’e Mary ohái va’ekue upe momento inolvidable upe árape: “ [José Smith] che rechávo omaña porã che rehe. … Ohasa rire un minuto o dos… ome’ẽ chéve bendición iporãva… ha orregalá chéve pe libro ha he’i chéve ome’ẽtaha Hermano Morley-pe otra [ejemplar]. … Opavave roñandu ha’e ha’eha peteĩ hombre de Dios, ha’e oñe’ẽgui con poder, ha peteĩ persona autorida orekóvaicha”.
Upe mitãkuña, Mary Elizabeth Rollins, ohecha heta otro milagro hekovépe ha siempre oreko itestimónio Mormón Kuatiañe’ẽ-re1. Upe relato oreko significado especial chéve guarã porque ha’e che tiá abuela cuarta generación-pe. Mary ehemplo rupive, ha ambue experiencia che rekovépe, a’aprendékuri nunca se es demasiado joven jaheka ha jarrecibi hag̃ua testimónio personal Mormón Kuatiañe’ẽ rehegua.
Pe piedra clave netestimónio rehegua
Oĩ peteĩ lección individual peẽme guarã Mary historia-pe. Opa peẽ, mitãkuimba’e, mitãkuña ha mitã, ikatúta peguereko sentimiento ha’e oreko va’ekueichagua. Peleévo pe Mormón Kuatiañe’ẽ ha peñembo’erõ peikuaaségui ha’épa añetegua, ikatu avei perrecibí misma impresión pene korasõme Mary orrecibí haguéicha; peẽ avei petopakuaa pepu’ãramo ha petestifika ko Mormón Kuatiañe’ẽ-re, peñandúta el mismo espíritu de confirmación. Pe Espíritu Santo oñe’ẽta pene korasõme. Péicha avei, peñandúta pe mismo espíritu de confirmación pehendu jave ambue tapicha okomparti itestimónio Mormón Kuatiañe’ẽre. Cada uno ko’ã testimonio espiritual ikatu pendereraha pe Mormón Kuatiañe’ẽ ha’e hağua pe piedra clave pene testimónio rehegua.
Tamombe’umi peẽme. Profeta José Smith, ombojereva’ekue Mormón Kuatiañe’ẽ Tupã don ha poder rupive, odescribi pe Mormón Kuatiañe’ẽ “ojejapoha hekoietépe opaite ambue kuatiañe’ẽ oĩva yvy’ape árigui, ha piedra clave ñane religión rehegua”2.
Mormón Kuatiañe’ẽ oñe’imprimi guive 1830-pe, más de 174 milliones de copias ojepublica, 110 idioma-pe, ohechukáva ko Mormón Kuatiañe’ẽ ha’egueteriha piedra clave ñane religión rehegua; ha katu, mba’e he’ise ko’ã mba’e ñandéve guarã?
Término arquitectónico-pe, piedra clave ha’e pe elemento principal ojokóva pe arco de entrada pegua; ha’e pe ita orekóva forma de cuña, pe arco centroitépe yvate gotyo; ha’e pe ita iñimportantevéva, ojokógui pe arco hendag̃uame ha ani ho’a. Ha’e avei, pe elemento estructural o’aseguráva ojehasa hağua pe entrada térã pe oje’abríva iguýgotyo rupi.
Evanhelio ñe’ẽme, ha’e peteĩ Ñandejára don ha bendición pe ñane religión piedra clave ha’eha peteĩ mba’e ikatúvare japoko ha jajagarra, pe Mormón Kuatiañe’ẽicha, ha peteĩ mba’e ikatúva jareko ñande pópe ha jalee. Pehechápa pe Mormón Kuatiañe’ẽ como una piedra clave, pene centro de fortaleza espiritual-ramo?
Presidente Ezra Taft Benson omohesakãve ko José Smith ombo’e va’ekue. Ha’e he’i: “Oĩ tres manera ko Mormón kuatiañe’ẽ ha’e piedra clave de nuestra religión. Ha’e piedra clave ñane testimonio Jesucristo-gui; ha’e piedra clave ñane doctrina-gui, ha ha’e piedra clave pe testimónio-gui.”
Presidente Benson ombo’e avei: “Mormón Kuatiañe’ẽ ñanembo’e añetegua [ha] otestifiká Cristo-re. … [Ha katu] oĩ algo más. Oĩ poder ko libro-pe oñepyrũtava ogueru pende rekovépe upe momento peñepyrũvo pestudiá seriamente ko libro. Petopáta poder tuichavéva pembohovái hag̃ua tentación. … petopáta poder peguata hag̃ua pe tape ipo’i ha ikarẽ’ỹvare”3.
Che testimonio personal
En mi caso, Mormón Kuatiañe’ẽ ha’ékuri pe piedra clave che testimonio-pe heta áño ha experiencia ahasávo. Peteĩ experiencia tuicháva oforma che testimonio ha’érõ guare joven misionero ha aservi che primer área-pe: Kumamoto, Japón-pe. Che compañero ndive roho casa por casa rombo’e hag̃ua ha rotopa peteĩ abuela amablemente ore invitáva roike hag̃ua hógape, oñehenóiva genkan japonés-pe. Ha’e ore’invita peteĩ bebida fría upe ára haku jave. Nda’aréi aime hague Japón-pe; nda’aréi che aleépa hague Mormón Kuatiañe’ẽ ha añembo’ékuri aikóvo aikuaaporã hag̃ua ha’eha añetegua.
Che aime ramógui Japón-pe, apenami añe’ẽ japonés. De hecho, ko kuñakarai nontende guasúi la ha’eva’ekue chupe. Añepyrũ ambo’e chupe Mormón Kuatiañe’ẽ-re ha adescribi mba’éichapa José Smith orrecibí peteĩ ángel-gui registro antiguo ojehaíva pláncha ári, ha mba’éichapa ombojere Tupã pu’aka rupive.
Ame’ẽvo chupe che testimónio Mormón Kuatiañe’ẽ ha’eha Tupã ñe’ẽ ha ambue testamento Jesucristo rehegua, arrecibí peteĩ fuerte impresion, oúva ndive peteĩ sentimiento hakuvo’asýva de consuelo ha serenidad che pecho ryepýpe añandúva, Escritura-kuéra odescribíva “nde pyti’ápe reñandúta nde [rapývaicha]”4. Kóva ko sentimiento orreafirma mbarete chéve pe Mormón Kuatiañe’ẽ ha’eha añeteguápe Tupã ñe’ẽ. Upe momento-pe, che sentimiento imbarete tereígui, tesay osẽ che reságui añe’ẽvo ko kuñakarai japonesa ndive. Araka’eve ndacheresarái ko sentimiento especial upe ára añanduva’ekue.
Nde testimonio personal
Cada uno ikatu avei pe rrecibí testimonio personal ko libro rehegua! Peñeme’ẽpa en cuenta ko Mormón Kuatiñe’ẽ ojehaiva’ekue peẽme ğuarã ha ñande árape ğuarã? Kóva ha’e peteĩ bendición javivi hağua ko ñahenóiva dispensación de cumplimiento de los tiempos. Aunque pe Mormón Kuatiañe’ẽ ohaiva’ekue autores inspirados antigüedad-gua —heta ko’ã ha’ékuri profeta—, ha’ekuéra ha umi gente hi’arapegua ndorekóikuri pe beneficio oipuru hag̃ua ko libro entero. Ko’áğa peẽ pereko cómodamente pene alcance-pe umi registro sagrado profeta, sacerdote ha rreikuéra o’atesora, ohecha ramo ha oñongatu porãva’ekue. Pereko pe beneficio pejagarra hağua pe Mormón Kuatiañe’ẽ completo pende pópe. Curiosamente, peteĩ umi profeta Mormón Kuatiañe’ẽme, Moroni, ohecha ñande ára; pende ára. Ha’e avei pende recha visión-pe peẽme jepe, hetaiterei áño ohasa mboyve! Moroni ohaiva’ekue:
“Péina ápe, Ñandejára ohechaukákuri chéve mba’e tuicháva ha hechapyrãva umi…upe ára ou vove ko’ã mba’e pende apytépe” (péva he’ise, pe Mormón Kuatiañe’ẽ).
“Péina ápe, che añe’ẽ peẽme peimẽramoguáicha, ha katu, napeiméi. Ha katu péina ápe, Jesucristo penderechaukákuri chéve, ha aikuaa pene rembiapo”5.
Ikatu hag̃uáicha pe Mormón Kuatiañe’ẽ ha’e piedra clave pene testimonio rehegua, aofrecéta peẽme peteĩ invitación. Che nda’aréi ahendu heta ambue tetã ko mundo-pe, mitãrusukuéra ohasaha en promedio siete horas omañávo tele, computadora ha celular inteligente-re6. Kóvare ñapensávo, ikatúnepa pekambia michimi? Ikatúnepa pemohendague upe ára pantalla-kuéra renondépe pehasáva —en particular pededikáva redes sociales, internet, juego terã télepe —peleé hağua Mormón Kuatiañe’ẽ? Umi estudio estadístico che amencioná va’ekue oĩporãro, ikatúta fácilmente petopa tiempo pende estudio diario del Libro de Mormón-ra, aunque sea diez minutos al día. Ha ikatu pestudia peteĩ forma opermitíva pedisfruta ha pentende; ya sea pende aparato tecnológico terã libro formato-pe. Presidente Russell M. Nelson nda’aréi ñanembo’e hague: “Mormón Kuatiañe’ẽ jeleé ndaha’eiva’erã mba’e ijetu’úva, ku ñamokõroguáicha pohã iróva pya’e pya’e ha upei jahai jajapóma hague”7.
Oĩ pende apytépe, imitãvéva, ikatúva peleé pende tuvakuéra, abuelo terã umi pehayhúva ndive. Peteĩ capítulo, versículo terã michĩmi ijetu’úramo peẽme peleé hag̃ua, pehasa ambuévape, ha péicha peho hese. Añe’imahina peseguívo Mary ehemplo; po’imahina vy’ápe petopa tiempo ha peteĩ lugar pelee hag̃ua Mormón Kuatiañe’ẽ. Pohecha pejuhúvo respuestas, peñandúvo guía ha pe ganávo pene testimonio Mormón Kuatiañe’ẽgui, ha péicha avei testimonio Jesucristo-gui. Pejeporekajeývo ko libro-peguáre, pe konfiavéta Ñandejárare.
Peleé mbeguekatúvo petopáta ko preciado libro pasáhepe pende Salvador pehayhúva, Ñandejára Jesucristo-pe, haimete cada página-pe. Oĩ estimación, pe Héra ojetopataha, en promedio, una vez cada 1,7 versículo8. Incluso, Cristo mismo otestifika ha’eha añetegua ko’ã ára pahápe, he’ívo: “Ñandejára ha pene Tupã oikove háicha, ha’e añeteguaha”9.
Che aguyje pe invitación ha promesa Ñandejára ome’ẽakuére profeta Moroni rupive opavave peẽme guarã, ha opa oleévape Mormón Kuatiañe’ẽ. Ambopaháta aleévo ko invitación ha promesa ha amoĩ che testimonio: “Ha pehupyty vove ko’ã mba’e [Mormón Kuatiañe’ẽ], che ha’ese peẽme, peporandu haĝua Tupã, pe Túva Ijapyra’ỹvape, Cristo rérape, añeteguápa ko’ã mba’e; ha pejeruréramo korasõ añetépe, peipotáramo añetehápe, peguerekóvo jerovia Cristo rehe, ha’e ohechaukáta peẽme ko’ãva añeteguaha, Espíritu Santo pu’aka rupive”10.
Aheja che testimonio de la Restauración del evangelio ko ára pahápe, ha Mormón Kuatiañe’ẽ ha’eha prueba tangible de dicha Restauración. Ko libro-pegua ñe’ẽ oinspirá haguéicha peteĩ mitãkuña de 12 áño-pe, o’añuávo ko Iglesia rrestaurada de Jesucristo, ojapo haimete dos siglos, umi añetegua petopátava ipype, penemopu’ãta ha pene’inspiráta péicha avei; omombaretéta pende jerovia, omyenyhẽta pene ánga tesape reheve ha pende preparáta peteĩ futuro peẽ apéna perekóva capacida pe comprende hag̃ua.
Kóva ko libro página-pe, pedescubríta Tupã amor infinito ha pe isupréma gracia. Peñeha’ãrõ pesegui ko’ã enseñanza petopátava ipype, hetavéta pende vy’a, pene entendimiento okakuaáta ha pe respuesta pehekáva ko’ã heta dificultad vida mortal-pegua ojerreveláta peẽme. Pejeporekajeývo ko libro-peguáre, pekonfia Ñandejárare. Mormón Kuatiañe’ẽ ha’e Tupã ñe’ẽ ojerreveláva. Ko’ã mba’ére che atestifika che korasõ ha che ánga mbyte guive, Jesucristo rérape. Amén.