Umi Principio ha promesa
Ñañatendéke ñande retére ha ñane apyty’ũre ñaneñe’ẽrendúvo umi principios jatopáva Palabra de Sabiduría-pe, peteĩ plan yvagágui oñeme’ẽva’ekue.
Ko pyharépe, che hermano-kuéra, ajerure guía de nuestro Padre Celestial akompartívo che mensaje penendive.
Ñandejára orrevela profeta José Smith-pe, ary 1833-pe, peteĩ plan ñande rekove resãi hag̃ua. Kóva ko plan rehegua oĩ sección 89 Doctrina y Convenios-pe ha ojeikuaa Palabra de Sabiduría ramo. Ome’ẽ indicasiõ específica umi tembi’u ja’úvare, ha oprohibi jaipuru umi mba’e ikatúva ojapovai ñande retére.
Umi iñe’ẽrendúvape Ñandejára mandamiento-kuérare ha fielmente iñe’ẽrendúva Palabra de Sabiduría-re, oñe’promete bendición especial, umíva apytépe, tesãi ha fortaleza física1.
Nda’aréi alee peteĩ rreláto añeteguáva, peteĩ dramática manifestación ko’ã promesa rehegua. Peteĩ fiel miembro de la Iglesia, John A. Larsen, oservi Segunda Guerra Mundial aja, servicio de guardacostas de los Estados Unidos, barco USS Cambria-pe. Peteĩ batalla jave Filipinas-pe, oje’avisa ouha peteĩ escuadrón de bombarderos ha aviõkuéra de combate kamikaze térã suicida. Osẽ orden inmediata evacuación-rã. Pe USS Cambria oho rire, John ha mbohapy iñirũ ojagarra i’cosakuéra ha pya’e oho hikuái playa-pe, oha’arõvo ogueraha hağua chupekuéra peteĩ barco osẽva. Por fortuna, peteĩ barcaza ohupi chupekuéra ha pya’e ojedirihi pe último barco ohejáva pe bahía. Umi kuimba’e upe barco-gua, oñeha’ãvo osẽmba pya’e pya’e, omba’apo hikuái en la cubierta ha apéna oreko tiempo omombo hag̃ua soga umi cuatro kuimba’épe, oha’arõva ojupitaha cubierta-pe.
John, ogueraháva i’lómore peteĩ radio pohýi, ojetopa osaingóvo peteĩ soga de 12 metros púntare, upe barco costado-pe, ohóva mar abierto gotyo. Ojupi ohóvo ikatuháicha, mano sobre mano, oikuaaporãvo ndojejagarra porãirõ, añete omanotaha. Ojupi rire un tercio del tramo, ijyva oñepyrũ hasyeterei. Ikangypaitégui he’i ipy’ápe noaguantamo’ãiha.
Ikangypávo, opensavaite jave idestino-re, kirirĩháme John oñembo’e Ñandejárape, he’ívo ichupe ha’e akóinte iñe’ẽrendu Palabra de Sabiduría-re ha ovivi hague vida recta, ha ko’áğa desesperadamente oikotevẽha umi bendición prometida.
Ha upéi, John omombe’u oñembo’epávo oñepyrũ hague imbareteve. Ha oñepyrũ ojupi jey ha pya’eve pe soga-re. Oguahẽvo cubierta-pe, orrespira normalmente, ikane’õ’ỹre. Pe bendición tesãive ha vigor, oñeprometéva Palabra de Sabiduría-pe, oñeme’ẽkuri chupe. Ome’ẽ aguyje Padre Celestial-pe upe momento ha oikove puku aja, pe respuesta ohupityakuére oñembo’érõ guare desesperado oheka hağua ayuda2.
Hermanokuéra, tañañatendéke ñande retére ha ñane apytu’ũre ñaneñe’ẽrendúvo umi principio oĩvare Palabra de Sabiduría-pe, peteĩ plan oñeme’ẽva yvágagui. Che py’a ha ángaite guive, atestifika umi gloriosas bendiciones ñanera’arõva jajapóramo ko’ã mba`e. Ta’upéicha, ajerure Ñandejára ñande Salvador Jesucristo rérape. Amén.