Man Spirit Esie odu ye Mbufo

Ndito eka mi irenowo ye iban, mmenem esit ke ukeme nyenede mfin nditing iko nno mbufo mbanga Sabbath Obong Jesus, ke akwa mbono umbufok-Abasi Esie, ke ini Easter emi, Mmokom Ete nyin ke Heaven ke eno Edima Eyen Esie, emi ekenyimede ndidi ererimbot man edi Andifak nyin. Ami mmenem esit ndidiongo nte ke Enye ama ekpe utip ndudue nyin onyung eset ke mkpa. Kpukpru usen mmobo eridiong ke ndidiongo nte, ke ntak Erisio-isop Esie, usen kiet ami nyedemere man nkodu ke nsinsi ke edima umbufokemana.

Mmodiongo mme nkpo oro nto ukem usung owo nyin ekededi ekemede ndidiongo mmo. Edisana Spirit eting ono esit mi ke mmo edi akpaniko—idige ini kiet edi ediwak ini. Mma nyom nka-iso ndongesit oro. Kpukpru nyin imeyene afanikong emi anamde iyom ndongesit otode Spirit. Mma nnyene usen kiet nkadade ye ete mi ke umbufok ibok. Ima ise nte eka mi etimede ndikot ibifik—ndien enye akpa. Adangante isede enye,enye akasasak ke ini ubiak okpongde. Ekpri ini ama ekebe, ete mi ama ebemiso eting iko. Enye ete, “Ekpri eyen anwan onyong aka ebiet idung.”

Enye eketing sung-sung. Eketie nte enye obo emem. Enye eketing abanga nkpo enye odiongode ke edi akpaniko. Ke idop enye ama otongo nditang mkpoduoho Eka mi. Onyung asanga oduk esit umbufok-ibok man okom nurses ye doctors emi ekesobode enye idem ke mme usen oro.

Ete mi ama enyene ada-nsanga Edisana Spirit ada enyene ntuk, odiongo, onyung anam se enye akanamde usen oro. Enye ama obo enwongo nte ediwak ebode: “Man mmo enyene Spirit esie ye mmo” (D&C 20:79).

Idorenyin mi mfin edi ndimenere udong ye ukeme mbufo ndibo Edisana Spirit. Ti, ke Enye edi oyoho mbak ita ke otu ibout mme Abasi. Ete ye Eyen edi ndisana uduot. Edisana Spirit edi owo ukpong. (Se ke D&C 130:22.) Edi unyime mbufo edimek mme eyebo Enye ke esit ye ekikere mbufo.

Enam idiongo anwa-anwa mme nkpo anade inam man inyene eridiong heaven oro ke iko etingde kpukpru urua emi ke ediwak ini nyin isiboho isin ke esit ye ekikere nyin. Man eno Spirit edidu ye nyin ana “isop nditi” Andinyanga inyung inim mbet esie” (D&C 20:77).

Ini ntem ke isua anwam nyin nditi nwa-idem Andinyanga ye edidemere ke udi nte edisana uduot. Ediwak nyin man inyene man eno Spirit esie edidu ye nyin ana iti Andinyanga kpukpru ini inyung inim mbet esie. Ini kiet mma nda ye nwan mi ke anwa itiat-udi ke Jerusalem Ediwak owo enim ke enye edi itiat-udi oro Andinyanga ekewotde okotode oworo nte edisana ye odu-uwem Abasi.

Eti ada-usung usen oro ama anyan ubok onyung odoho nyin, “Edi, Edikut ukpok udi.”

Ima inuho iduk. Ima ikut ifum-itie eberede ke ibibene. Edi ndise efen ama oduk esit mi,ukem ikikutde kpasuk usen oro. Akabanga Mary, emi Apostle ekekpongde ke mben udi. Oro edi se Spirit akanamde nkut nyung nkop ke esit mi, inwang-inwang nte mma ndu do:

“Edi Mary osuk ada ekpere udi atua eyet. Ntre nte enye atuade, enye onuoho, onyungo esit udi.

“Onyung okut angel iba ye afia edisine-nkpo, etiede, kiet ke ibot-ibot, kiet ke ukot-ukot, ke oto emi okpo Jesus akanade do.

“Ndien mmo ete enye, Nwan, nsinam atuade? Enye ete mmo, Ekemen Obong mi efep, ndien mfiokke ebiet eke ekenimde Enye do.

“Ke ama eketing ntem, enye owongode idem, onyung okut Jesus adade do idiongoke ete edi Jesus.

“Jesus ete enye, Nwan, nsinam atuade? Oyom anie? Mary ese ete edi ekpeme inwang, onyung oboro enye ete, Obong, edieke ekemende okpo efep, sian mi ebiet eke okonimde enye, ndien ami ndibiom enye nyong.

“Jesus ete enye, Mary. Enye onwongore ada okot Enye ke usem Hebrew ete, Rabboni; oro edi, Andikpep.

“Jesus ete enye, kutuk mi; koro ndokke kanga ntiene Ete; edi bine ndito Ete mi kodoho mmo ete, Mmong ndidok ntiene Ete mi ye Ete mbufo” (John 20:11–17).

Mbong akam yak ami nyene ekpri ntuk nte Mary ekenyenede ke udi oro ye ntuk mbet iba ekenyenede ke usung ekade Emmaus nte mmo esangade ye nsana-mma Andinyanga, edi eda enye nte edi esen ke Jerusalem:

“Edi mmo eyire Enye ete, Dang ye nyin: koro ke ekpere mbubreyo, ndien eyo omong okut. Enye oduk akadang ye mmo.

“Ekem ke ini Enye etiede ye mmo ke itie-udia, Enye emen uyo, odiong, obung, ayak ono mmo.

“Enyin mmo etara, mmo enyung ediongo Enye; Enye onyung osop mmo ke enyin.

“Ndien mmo edoho kiet eken ete, Nte esit ikofiopke nyin, ke ini Enye enemede nneme ye nyin ke usung, onyung asiakde iko Abasi ono nyin?” (Luke 24:29–32).

Ndusuk iko oro ema efiak eting ke meeting udia-Obong nkodukde ke nwak-nkan isua 70 ebede. Ke ini oro ekenim meeting udia-Obong ke mbubreyo.Ekim ama odu ke anwa. Otu-owo ema ekwo nkani iko emi. Mmokop mmo ediwak ini. Edi se nketide ke ata anyan ini edi ntuk nkenyenede okoneyo kiet. Anam nsik mkpere Andiyanga. Ekeme ndidi mma nting iko oro ke ibot ediwak owo eyeti:

Enye emi ombufonde akan editi mme nkpontibe edi editi eke Edisana Spirit odude ke owong-esit nyin onyung akade iso osongo akpaniko. Ombufonde akan edikut ke enyin, mme editi iko etingde mme ekotde, edi editi ntuk oro asangade ke sung-sung uyo eke Spirit. Ke ekpri ifet, mokop enye ukem-ukem nte mme aka-isong ke usung akade Emmaus ekekopde — nte mmem-mmem ufiop ke esit. Ediwak ini, enye edi ntuk unwana ye idorenyin.

Imenyene anana-ekom-urua enwongo Edisana Spirit nte edide ada-nsanaga nte inyenede nko nnen-nnen nda usung ke nte idibode eno. Anditing iko emi edi isung-utom Obong nyin Jesus Christ ye ubok esie ke ibot nyin: “Ebo Edisana Spirit.” Ke ini oro, ambufo ye ami imenyene idorenyin ke eyeno Enye edi. Edi, ibiong utom nyin edi ndiyime ndiberede esit nyin man ibo nda-usung eke Spirit ofuri eyo uwem nyin.

Mme nkpo Prophet Joseph Smith okokutde enyeno nyin nda-usung. Enye ama otongo onyung aka-iso ke utom Abasi ye mkpe-mbiere ke Ifiok esie ikemke ndida ndiongo usung Enye akade. Enye ama emek ndisuhore idem ke iso Abasi.

Udiana, Joseph ama ebiere ndibenge Abasi. Enye ekebenge ye mbuotidem ke Abasi eyeyere. Iboro ama edi ke ini enye ekedide ekpri eyen eren. Mme etop oro ekedi ke-ini enye okoyemde ndidiongo nte Abasi edisiakde umbufok Abasi Esie. Edisana Spirit ama odongesit onyung ada enye usung ke ofuri uwem esie.

Enye ama okop uyo Abasi, ke ini okosongde eti. Nte uwutnkpo, ama obo nda-usung ndidong mbet duopeba eka England ke ini enye ekenehede oyom mmo. Enye ama odong mmo.

Enye ama okop ntono ye ndongesit oto Spiirt ke ini ekekobide enye, ekenyung efikde Latterday Saints. Ama onyung osuk-ibot ke ini enye akasangde aka obio Cartage okposuk nte enye okodiongode ke iyekpa.

Prophet Joseph edi uwut-nkpo ono nyin nte ikemede ndinyene nka-iso nda-usung eke Spirit ye ndongesit otode Edisana Spirit.

Akpa mbumek enye akanamde ekedi ndisuhore-idem ke iso Abasi.

Anam iba ekedi ndibong akam ye mbuotidem ke Obong Jesus Christ.

Anam ita ekedi ndikop item nnen-nnen. Nkop-item ekeme ndiworo ndidaha usop-usop. Ekeme ndiworo nditim-idem. Midige oworo ndibet ke ime ada obo nda-usung Abasi.

Ndien anam inang edi ndibong akam man ediongo mfina ye esit mbon efen ye nte edinwamde mmo ino Obong Abasi. Joseph ama obong akam ono Latter-day Saints edude ke nnan-enyin ke-ini okodude ke umbufok-mkpokobi. Edi ukeme mmi ndikut mme prophet Abasi adangante mmo ebongde akam, ebenge eyom uduak Abasi,ebode nda-usung, enyung enamde utom ye mmo.

Mmokut ke ediwak ini nte akam mmo abangade mbon mmo emade enyung esede ebanga. Ekikere mmo ke abanga mbon efen atat esit mmo eda ebo nda-usung Abasi. Oro edi akpaniko.

Nda-usung eyenwam nyin ise ibanga mbon eken ino Obong Jesus. Ambufo omodiongo ntre, nte ami. Bishop mi okodoho mi ini kiet —Ke ini nwan mi ekenyenede okposong mmem-idem ke uwem esie — “Kpukpru ini edohode mi ebanga owo ke ward emi emi oyomde unwam, mma nka ndinwam, modiongo ke nwan mbufo esibem mi iso. Enye esinam didie?”

Enye etie nte kpukpru mmo oro edide ikpo mme anam utom ke umbufok Abasi. Etie nte nkpo iba ke mmo esinam. Ikpo mmanam uto Abasi enyene unen ndinyene Edisana Spirit nte ada-usung. Enyung enyene unen ndinyene eno mmbufon ido, emi edide ata ima Christ. Mme eno oro ekori ke idem mmo adangante mmo edade mmo ke ndinam utom oto ke ima mmo enyenede eno Obong Jesus.

Emen ewut usung emi akam,nda-usung, ye ima Abasi edianade kiet ke utom nyin eno mi nnen-nnen ke mme iko emi:

“Edieke mbufo ebengede nkpo ke enying mi, nyenam.

“Mbufo ema ema mi, eyenim mbet mi.

“Nyenyung mbenge Ete, ndien Enye eyeno mbufo iberedem efen, man Enye edidu ye mbufo ke nsinsi;

“Kpa Spirit akpaniko; emi ererimbot mikemeke ndida, koro mmo mikwe Enye minyung idiongoke Enye; edi mbufo emediongo Enye, koro Enye ododung ye mbufo, enyeyung odu mbufo ke esit.

“Ndikpongke mbufo nte ndito-akpa: Mafiak ntiene mbufo.

“Osuk esisit, ndien ererimbot idikwe mi aba, edi mbufo ke ekut mi; Sia Ami ndude uwem, mbufo eyedu uwem nko.

“Adangaoro mbufo eyefiok ete Ami ndu ke Ete mi, mbufo enyung edu ke Ami, Ami nyung ndu mbufo ke idem.

“Owo eke enyenede mbet mi, onyung onimde mmo, enye edi owo eke amade Mi: ndien owo eke amade mi, Ete mi eyema enye, Ami nyenyung mma enye, nnyung nyarare idem mi nno enye.” (John 14:14–21).

Ami mmono iko ntiense mi nte ke Ete, ke ini emi odiongo fi, ekikere mbufo, mfina eke Spirit ye eke obuk-idem kpukpru owo odude ye ambufo. Mmono iko ntiense nte ke Ete ye Eyen eyeno Edisana Spirit esok kpukpru owo ekebode eno Edisana Spirit, yom edidiong oro, yom odot ndibo enye. Idige Ete, mme Eyen, mme Edisana Spirit edibop Idem-mmo isin ke uwem nyin. Nyin imenyene unen ndimek. Obong Jesus odoho kpukpru owo:

“Sese, ndada ke usung ntuak: edieke owo okopde uyo mi onyung osiode usung, nyeduk ntiene enye, ndia nkpo ye enye, enye onyung adia nkpo ye Ami.

“Owo eke akande, nyeno enye nditie ye Ami ke ebekpo mi, kpa nte Ami nkakande, nyung nsuhore ntie ye Ete mi ke ebekpo Esie.

“Yak owo ekenyenede, utong okop se Spirit odohode” (Eriyarare 3:20–22).

Mmebenge ke ofuri esit nte ambufo okop uyo Spirit, eke enode fi ke ntat-ubok. Nnyung mbenge nte ambufo akpang utong kpukpru ini ono Enye. Edieke obupde ke esit akpaniko onyung enyene mbuotidem ke Jesus Christ eyeno nda-usung, eyebo ke usung Abasi ye ini Esie. Abasi ama anam ono ekpri Joseph Smith. Enye anam mfin ono odu-uwem prophet nyin, President Rusell M. Nelson. Enye onim mbufo ke usung-isang ndito Esie eke anade anwam ono Enye. Mmodiongo ke idige mme nkpo nkutde ke enyin mi kpot edi ke ata odudu akpan oto ke se Spirit etingde ono esit mi.

Mmokop ntuk ima Ete ye eke Edima Eyen Esie nno kpukpru ndito Abasi ke ofuri ererimbot ye ndito Esie ke ererimbot mme Spirit. Mmokop ndongesit ye nda-usung otode Edisana Spirit. Mmebenge nte yak mbufo ekop idaresit ke ndinyene Spirit ye mbufo nte ada-usung. Ke enying Jesus Christ, amen.