Dmolech e Diak a Ulebengelel Bult el mora Chedam er a Babeluades me a Rubak el Jesus Kristo

A miting er a Ikelesia sel Sandei a mo tal sikang a temel a sacrament er a bek el Sandei, el moktek a bedul a Osobel, me a chedaol ruoll er a sacrament, me a chedaol klumech. Aikel temel a bebil ra klas, e a rechedal a Ikelesia a mo ngara klas el okeim el bung el kaititeboid er a bek el Sandei:

• A Sandei Skuul a di morngii er sel kot me a ongedei el Sandei.

• A chelchad er a Priesthood, Relief Society, me a Young Women a ngarngii sel ongerung me a ongeua el Sandei.

• Aikel miting era ongeim el Sandei a mo ultuil er a bisop.

A primary a ngarngii er a bek el sandei el okeim el bung a temel luldimukl er ngii omengitakl me a omesuub.

siasing/Llecheklel

Aikel morngii sel Sandei

Ngultuil er a temel a miting sel Sandei, e a remeklou el mengeteklel a Ikelesia a meketeketa el rak lodengei el kmo a rebebil er a rechedal a ikelesia, a meringel er tir el kiei ledei el sikang er a bel el Sandei er a Ikelesia. Tia kmal merang el mo er a roungalek er a remekekrei el ngalek, me a rengalek er a Primary, remechuodel, me a rebeches el mla obult, me a lmuut el bebil.²

Eng di ngarngii a lmuut el ngara chelsel tial omengedeb a temel a miting sel Sandei. A President Nelson a mla chotii lokiu omereng el saul el kmo ng betook a mla mekedmokl lokiu a blakereng er kemiu er a ikel mla momerek longit. Ngii me a cherengelel omerredel er a Ikelesia a sorir nguu a ngarbab el deureng—er a ebangkelio el mo er a roungalek, rengalek, rengeasek, remesobil, remechuodel, rebeches el mla obult, me tirkel chad el misionari olisechakl er tir lokiu osisechakl—er a blai, me a ngesou er a Ikelesia el ngara tabesuul lomeruul. A moktek me a klengeltengat lobengkel tial beches el teletael a uldimukl er ngii a:

• Mo dmolech a beltir a rechad el mo er a Chedam er a Babeluades me a Rubak el Jesus Kristo e melisiich er a klaumerang er kid er Tir.

• Melisiich er a dersta el chad me a telungalek lokiu osisechakl er a blai, lultuil er a ngeso er a Ikelesia el uchul a deureng er a ebangkelio.

• Mengull er a Chedaol sils, loba moktek el kirel a chedaol ruoll er a sacrament.

• Olngeseu er a rokui el ngelekel a Chedam er a Babeluades er a ikal eru el beluulechad lokiu a ureror er a misionari me a ngeiul chedaol ruoll me a telbiil me a klengeltengat er a templo.

Tial beches el teletael a le Sandei a mo uchul a klou el taem el kirel a ongdibel er a telungalek me a omesubel ebangkelio er a blai sel Sandei a lechub a kuk ngodech el taem el rechad me a telungalek a ngmilt. A omilil er a telungalek a sebechel ngarngii sel Kot lureor malechub a kuk ngodech el taem. Tiaikdi a uchul, e a remengeteklel a ikelesia a kirir melemolem el diak loruula miting me a kuk bebil er a omeruul sel kebesengei er a Kot el ureor. E ng di, a temel ongdibel er a telungalek, omesubel ebangkelio me a omilil a dersta el chad me a telugnalek a sebechel mekedmokl lultuil er a dersta el chad.

siasing/Llecheklel

Come, Follow Me—Mora derta el chad me a Telungalek

A omesubel ebangkelio er a dersta el chad me a blai a kmal mo klou a ultutelel loltirakl er a curriculum me a beches el Come, Follow Me klekedall mora derta el chad me a telungalek el osisiu ngii me a ikel mla mosisechakl er a Sandei Skuul me a Primary.³ A Kot el buil, e a klas er a Sandei Skuul me a Primary er a rengeasek er a Ikelesia me a remeklou el chad a mo mesuub er a Beches el Renged. Sel beches el osisechakl er a blai el Come, Follow Me klekedall el mora derta el chad me a telungalek— a dirrek el kirel a Beches el Renged—a mla mekedmokl el ngosuterir a rechedal a ikelesia el mo mesuub er a ebangkelio er a rekeblirir. Ng smodii: “Tial teletael a mo er a dersta el chad me a telungalek er a Ikeelsia. Ng mla mekedmokl el mo [ngosukid] el mo ungil mesuub er a ebangkelio—a di le kid el mesuub malechub e dosuub er ngii el telungalek. … A beldeklel tial [beches] el teletael er a omesuub a chelderoder el kirel a … a bek el sandei.”⁴

A beches el suobel er a Primary el Come, Follow Me el mla mosisechakl er a ikelesia a oltirakl er a osisiu el teletael. A klas er a remeklou el chad me a rengeasek er a Sandei Skuul er sel kot me a ongedei el Sandei a mo osisiu meng sebechir el ngmai a ngesou er sel Come, Follow Me el teletael er a omesuub er a blai. Sel ongerung me a ongeua el Sandei, e a Priesthood me a Relief Society a melemolem el mesuub a osischeklir a remengeteklel a Ikeelsia, lultuil er sel beches el klumech er a reprofet er chelechal taem.⁵ A Rengeasek el dil me a rengeasek el sechal er a Aaronic Priesthood a mo mesuub a suobel er a ebangkelio er a ikaikid el Sandei.

Aikal beches el klekedall er a omesuub er a blai a msa “Uldasou a Telungalek a Omesubel Chedaol Llechukl me a Ongdibel er a Telungalek.”⁶ A beldeklel a suobel er a bek el sandei a ngarngii a ungil uldasou me a omeruul el mo er a dersta el chad me a telungalek. Sel Come, Follow Me klekedall el mora derta el chad ma telungalek a dirrek el ngarngii a betook el sunga el ngoseuir omesubel a chad me a telungalek, oumesingd a rengalek.⁷ Tial beches el teletael a mo modars el mo e ra bek el telungalek er a Ongeteruich me a ongeru el buil er chelechal rak.

A President Nelson, er sel kot el cheldechedechal mo er a rechedal a Ikelesia er a Kot el buil, a orremellid el mo mengedmokl er kid el kirel Ongeru Lemei a Jesus Kristo el mo merael er a rolel a telbiil.⁸

A teletael er a beluulechad a mla rullid el kirel mo dmolech a belted el mo melisiich a klaumera er kid er a Chedam er a Babeluades me a Jesus Kristo me a Tngakireng er Ngii. A Rubak a mla kudmeklid, loudersesei lomeskid, el kirel tial meringel taem el dechelbangel er ngii. Aika el mereko el rak, e a Rubak a mla omekrael er kemam el mo smaod a meklou a belkul tekoi luldimukl a:

• Mengull er a Chedaol sils me a chedaol ruoll er a sacrament el ngii a mla mesaod er a ikal mereko el edei el rak.

• Ngara cheungel omerredel er a bisop, a mla mo mesisiich el elders quorum me a Relief Society a ultuil er a moktek er a Ikelesia⁹ e olngeseu er a rechedal a ikelesia el meruul e otirakl a chedaol telbiil.

• Olngeseu er a lmuut el ngarbab e chedaol teletael a dengara deureng e oltirakl er ngii.

• Ultuil er a ikel moktek er kid er a uchelel, e a telbiil er a templo me a reksi er a telungalek a mla mo telengtengil a rael er a telbiil.

A beches el teletael el dirk mluchais er chelechal tutau a dirrek el tara okesiu err a ulekrael el kirel a ringel el dengara chelsel er chelechal taem.

Sel dimla teletael er a Ikelesia a oumesingd el melutk aikel duubech er a Ikelesia sel Sandei. Kede medengei el uase sel ungil osisechakl me a rechad el ngara klas lekeltmokl, e ngungil a omesuub er a Ikelesia sel Sandei. Kede ngeltengat el Chedaol Reng a smisichii a belted sel dengara ikal mitelengel a Ikelesia.

Tial beches el teletael er a osisechakl er a blai me a ngeso er a Ikelesia a kirel kmal mo mesisiich loldubech a tekingel a klechelid ra telungalek me a dertsa el chad. Kede medengelii a klisichel a chedaol tekoi me a dmolech e diak a ulebengelel bult el sebechel dubech er a blai. Sesei el rak ra memong, a omesuub a ulterkeklii el kmo a rengeasek el sechal me a redil e a mesisiich el odbechel Chedaol Reng a kirel lobengkel a omesubel chedaol llechukl me a nglunguuch er a blai. A moktek er kid a remuul el mo tabesul a Ikelesia me a blai er sel teletael el ngii a mo smisichii a klaumerang me a tekingel a reng, me a dmolech el bult el mora Chedam er a Babeluades me a Rubak el Jesus Kristo.

A denguu ra blai, e a ngesou ra Ikelesia el kriel tial teletael, e ngarngii a semechekel a dersta el chad ma telungalek el mo ngara nglunguuch el kmo ng mekerang e oingerang et emo oltaut. Okesiu, ng uaisei el tia kmal mo omekngeltengat a rokui el telungalek, er a ikel usbechellir, eng di kmal melutk el kirir a rengeasek el mesobil, me a remesobil mekiklou el chad, mesobil chedam me a rechedil, me kuk di bitang a chedal a ikeelsia el telungalek, me a rebeches el chedal a ikelesia,¹⁰ me a rebebil el mo kldibel sel bol merek a ongdibel er a Sandei el kuk di chadecheduch a tekingel a klechad el melisiich er tir el dmak el mesuub er tial beches el teletael omesuub ra telungalek, lobengkel a ngesou er a Ikelesia. Tia sebechel mekedmokl er tirkel semeriar el mo meruul er ngii.

Betok el basio ra beluuelchad, e a rechad a kiei ra ikelesia ruriul a bol merek a Sandei el chadecheduch a kuk di tekingel a klechad. Ng diak a ngera el mo tomall aikal ungil teletael er a cheldecheduch.

A ngosuterir a rechedal a ikeelsia el krie Chedaol sils, a bebil ra ward a mla odurokl a tekoi lokiu a email, text, malechub a social media er a melengel a sandei. Sel domes er tial teletael, a ki kmal lolsiich er tiaikid el teletael er a cheldecheduch. Tial ongit a mo omeklatk ra rechad ra ikelesia ra ikel miting ra Sandei, luldimukl aikel suobel el morngii, e olngeseu ra osischakl ra ebangkelio ra blai. Osisiu, a miting ra remeklou el chad sel Sandei a dirrek el mo ouchais aikal teletael ma ikelesia me a blai a ngara omesuub ra bek el sandei.

A miting ra sacrament ma temel a klas a kirel ngarngii a nglunguuch el kirel me luchul aikel chedaol meklou abelkul tekoi bol mutaut. Okesiul tiang, a rua subed a sebechel mekedmokl er a mitil a sandei lokiu ongit malechub eng llehcukl el prokuram. Ng uaisei el miting ra sacrament a kirel ngarngii a chelitakl ma nglunguuch, ng di sel ongerung el miting a di ngarngii a nglunguuch el mo mengesimer.¹¹

Ng uaikel mla medung ruchei, a beches el teletael ra Sandei a diak lomuchel el molmuut er a January 2019. Ngarngii a bebil er a uchul tiang. Aikel eru el meklou abelkul a, kot, morngii a taem el derusii sel Come, Follow Me klekedall el mora derta el chad me a telungalek ea, ongerung, mesterir a taem a remerredel a stakes ma rebisop el sumechokl a temel a miting loba moktek el kmo ng mo betook el ward a sebechel morngii sel mellomes.

A roungerachel a mla osiik chedaol ocholt, e ngmai a ulekrael ra ikal mereko el tela el rak el mo melisiich a miting ra sacrament, mengull ra Chedaol sils, e melisiich e olngeseu er a roungalek me a dersta el chad el mo remuul a rekeblirir el mo uchul a chedaol klisiich me a klou el klaumerang—e basio er a deureng.

Ngera belkul aikal omelodech el mora rechedal a Ikelesia er a Jesus Kristo er a Uriul-klebesei el Santo? Aki mui el medengei el uase a rechedal a ikelesia a kmal mo ngeltengat. A Sandei a mo sils er a omesubel ebangkelio me a osisechakl er a ikelesia me a blai. A dersta el chad me a telungalek sel blak a rengrir el chadecheduch el telungalek, loruul a reksi er a telungalek, oldingel, mesiou, ngara omengull, me a ungil omilil er a telungalek, e a Chedaol sils a kmal mo deureng.

siasing/Llecheklel

Telungalek er a Carvalho

A tal telungalek er a Brazil a chedal a stake el tial beches el Come, Follow Me a mle skeng er ngii. A chedam, el Fernando, el mla mesiou el misionari, ngii me a bechil, er a Nancy, a oungalek er a teua el mekekerei el ngalek, e uluchais: “Sera louchais er tial Come, Follow Me el prokuram ra stake er kemam, e a kmal mle semeriar, e ulemdasou el kmo ‘a teletael ra omesubam ra chedaol llechukl ra blai a mo mengodech.’ Ng meral ngarngii a rirelii er a delengcheklek, e ngak el oungerachel er a Ikelesia e dirrek el milsa el ngarngii a relii er a bebil er a obliil. … Ng meral ngosukemam el mo mesaod chedaol llechukl er a rekeblimam. A bechik me a ngak a mlo dmolech a klemedengei er kemam ra suobel el ki mosuub. … Ngilsukemam … e choisosis a klemedengei er kemam er a ebangkelio e smisiich a klaumerang er kemam. … A kuchais el uase … ak medengei el kmo ng mlukrael er a Rubak el uchul e a blechebech e ungil omesuub ra suobel me a osisechakl el ngara chedaol llechukl a smisichii a klaumerang, me a , llomes er a telungalek … er tial di merael mo ngeldengodech el beluulechad.”¹²

Aikel stakes el mle skeng er tial teletael er a beluulechad el rokir, eng mle betook a sorir tial beches Come, Follow Meel suobel ra blai. Betok a uluchais el kmo ng kmal ungil omengiuir ra chedaol llechukl e meral mesuub a chedaol llechukl. Te dirrek el mlo omelchesiu el uase tial teletael a melisiich a klaumerang e kmal klou ungil a rirelii ra chelsel a ward.¹³

A moktek ra ikal ngodech el teletael a mo nguu a dmolech e diak a ulebengelel bult er a remeklou el chad me a merael mei el telcheroll. Sel kot el omesodel kirel a dersta el chad ma telungalek a kmo: “A moktek ra rokui el omesubel ebangkelio me a osischeklel a mo smisichii a bult e ngosukid el mo uaia Jesus Kristo. … Tia belkul a kmo kede ultuil er a Kristo el melodecha rengud.”¹⁴ Tia ultuil er a ngesou “lengelakl er a ikel meruul ra chelsel a klas el mora rengul a chad me a blai. Ng kirel blechebech, e ultuil ra blakereng ra bek el sils el mo medengei e oltirakl ra ebangkelio. A meral bult a ultuil er a odbechel Chedaol Reng.”¹⁵

Sel kot el ngaruchei el moktek e ngarbab el klengeltengat er a dmolech e diak a ulebengelel bult a sel mo klikiid el mo ngmai a telbiil me a chedaol ruoll el ngara rolel a telbiil.¹⁶

Aki oumerang el uase komo chadecheduch e osiik chedoal ocholt el kire otutel aikel tekoi—el diak kum sal mo chengelakl malechub e morrimel a ngerchelel a telungalek el meruul. A lmuut el bebil ra tekoi a mo mocholt er a merael mei el cheldecheduch, lobengkel a babier er a First Presidency.

A kuchais er kemiu el kmo a cheldecheduch er a Council er a First Presidency me a Chelechad er a Teruich me a terung el Apostol er a templo, ma uriul ra profet er kid lolengit ocholt er a Rubak el kirel aikal ngeldechel a teletael, e a mesisiich el oterkeklel a mlei er kemam el rokui. A Russell M. Nelson a ngar el Merredel e profet. Aikal tekoi el mluchais er chelechal sils a mo uchul a meklou el klengeltengat el mortirkel semeriar el kirel e osiik a ulekrael er a Chedaol Reng. Ked emo kmeed er a Chedam er a Babeluades me a Rubak e Osobel, el Jesus Kristo, el ngii a ngak a sioning el kirel. El ngara ngklel a Jesus Kristo, amen.