Nighango Anáhóot’i’ Béénílniih
Jesus Christ’s haałt’éego nihá hoo’ááłgo bikéé’ yiikah, áádóó Diyin hool’áágóó bił honiidlǫ́ bich’į’ néíkahgo Bina’nitinígíí, Be’iina’, dóó Niháti’hooznii’go nihádaaztsánígíí bee bídeinííghah doo.
1946 yę́ę́dą́ą́’, Arthur Hasler tsíłkéí naanishdi na’ałkaahii ashkii nilį́į́go bighanę́ędi dziłdéé’ tó nílį́ yibąąh yigááłgó ts’ídá ílį́įgo bik’í oodzai bił ííshją́ą́ ályaa éí hait’áo łóó’ dabidizhchį́įgo tó nilį́ háadeinitą́.
Dzilł yąąh yigááłgo, ákondi tó naalį́ áłchíní nilį́įdą́ą́’ bił yá’át’ééh, Hasler t’áá hooshch’į’ bééjoolnii’. Kóní, “Hoozk’azígó ních’ih, ch’ilátahózhóón daditłéé’ nahalingo halchin, dahyiskid binaagóó bee hahodít’é, díí tó naalį́ dóó dził bits’į́įgi haz’ą́ shíni’ biyi’di yiiłtsą́.”1
Dził dahalchinígíí ałchíní jílinéedą́ą́’ígíí bééjoolnii’ dóó haghan haz’ą́ bééjoolnii’.
Háchį́į́ yiłchinígíí ééhwiiłnííhgo, yaantsékeesgo eishį́į́ salmon da’ałchingo, tó nteeldi na’ałkǫ́ǫgo lą’í nadááhai ndi, bi’dizchinée nda’doołkǫ́ǫłgo n’doołchííł.
Díí bił áhoodzaa’ígíí bik’ehgo, Hasler, dóó yił nda’ałkaahígíí, salmon da’ałchin’yę́ę́ yéédaalniihgo azhą́ dimííl bilááhgóó tsinsitą́ą ndi dabighanyę́ęjį’ nda’doolłkǫ́ǫ́ł.
Díí hane’ binahjį’ baa ntséskees ts’ídá alááhdi nihe’iina bii’ ła’ diilníilii éí NihiTaa’ Diyin God bich’į’ anáhóót’i’ béédiilnih dóó baa ákodiniizįįł dóó da’iiniidlą́ągo dóó nihił dahózhǫ́ǫgo danihidziilgo néikah doo.
Dį́į́go binahjį’ énéílniih doo choiniil’į́ dóó áłahjį’ nihe’iina’ bii’ ádeel’į́įgo, yá’ąąsh nihighan yę́ę béédadiilnih.
Áłtsé, Diyin God Ba’áłchíní Daniidlį́įgo Béédeilniih Doo
Diyingo niháhaz’ą́. Diyin God be’awéé’ niidlį́įgo dóó bił nááhoniidlǫ́ǫ doo nihónínígíí ałtsé ádadiilníłígíí át’é nihighan hodiyingóó ńdiikahgo.
Díí niháhaz’ánígíí béndaałnih. Ii’sizíinii k’ehgo bee nohłdzil doo’ígíí t’áá ahąąh ándaal’įįh Diyin Bóhólníihii yee nihik’ihojishdli’ béédaałniihgo. Nihoolóós nihá neiyizlahígíí bada’íínóhłí, t’áadoo nahasdzáándéé’ bee hiinóhná dóó bee ndoohdáłígíí bada’íínóhłíhí.
T’áá ániid shik’éí azee’ál’į́įdi sidáago baaníyá. Azee’ ál’į́įdi jiztį́įgo hoł áhoot’é yaa hoolne’, háida “Diyin God Be’awéé’ Nishłį́” t’éiyá yee sháhodootałę́ę nizin. Éígi’ át’áo ntsáháhkees, k’é bił naazti’go sheinílá ti’hooshníihgo, ní.
Háí ánít’į́ nił bééhózingo haanoht’ée doogoo’ígíí dóó haadoohníłígíí łahgo áyił’įįh.
T’áá aníigo ádééhonílzinígíí éí hózhǫ́ bee hasht’e’ádidíílnííł yá’ąąshdi nihighan nił bééhodoozįįł dóó béédíílnih dóó aadi naasháá doo nínízingo.
Naaki, Bitł’ááh siléí Nihaa’áhalyanígíí Béédiilnih
Diyin k’ehgo deinííkaahgo, t’áá aníínii deiyíníitą’go, dóó NihiTaa’ Yá’ąąshdi Hólóonii dóó Jesus Christ deiyiniidlą́ągo adziilii nihee hólǫ́ǫ doo, azhą́ lą’ída Diyin bibeehaz’áanii dóó Yisdá’iildeehii bee na’nitin doo yik’eh dahółį́į́go ndi.2
Naaltsoos Mormon Wolyéí biyi’, Helaman biye’ Jesus Christ bikáá’dóó atł’áá siléí dadoohtł’įįł béénilniih áko ch’į́į́di yi’oołkąąh bich’į’ nidziil doo biniyé yidííniid. Ch’į́į́dii ts’ídá nihik’ihjį’ nilį́į, ndi doo nihik’ih bidziil da dooleeł hasih haz’ą́ baa da’iiníídlíigo—éí Nihánina’nídléí baa da’ííníídlíigo.3
Bii’ nséyáhígíí biniinaa shił bééhózin Bízhí yínílts’áá’ dóó Bikéé’ yiidááłjígo ndiilyáago, nihiká’adoolwoł. Hózhǫ́ ntsaago nihił ahoot’éhígíí baa ákodíníizįįł dóó biniyé da’iiná bik’e’didiit’įįł. Diyingo na’iiłná nihił hólǫ́ǫ hooghangóó nánihidoolóós.
T’áá, Sodizin Bénéílniih Doo
Díí nihił hoolzhish bii’ bił adidiilchił dóó ha’doodzihgo, ndiilkahígíí ndiilkahgo nihił ééhodoozįįł, łą’ígo bééhodoozįįł hasht’e’naaznil dóó béésh ntékeesí biyi’ hazho’ó hasht’edaalyaa.
Lahjígo éí, na’alkaah doo nanitł’agóó yá’ąąshdéé’ nihił hodoonihgo haz’ą́. T’áá ahąąh sodadoołzin, dóó Ii’sizį́ Diyinii nihił hólǫ́ǫ doo.” Diyin Bóhólníihii ání, “dóó áyóó át’áo nik’ihoozhdoodliił—aoo’, nahasdzáán bikáá’gi da’ílíinii bilááh áneilą́ągo.”4
Ła’í niidzį́įgo nihił áhoot’éhígíí t’áá át’é bił bééhózin dóó nihisodizin yididoots’įįłgo hasht’e’ádólzin. Sodizin bénéílnihgo, be’ayóó’o’óní dina’ígíí bik’íídááh, dóó hózhǫ́ NihiTaa’ Diyin God Christ bízhi’ binahjį’ sodiilzingo, hózhǫ́ Yisdá’iiníiłii bééhoniilzįįh dóó hózhǫ́ yá’ąąshdi nihighan bich’į’ bééhózin áyilaa’ígíí baa ákodíníidzįįł.
Dį́į́’, Háida Bíká Ánéijahgo Béneilniih Doo
Jesus Christ bikéé’ yiidááłgo háida bíká anéíjah dóó hazhó’ó báyeelti’go, nahasdzáán bikáá’ yá’áhoot’éehgo ádiilnííł.
Áká’anéíjahgo nihinaagóó’ígíí be’iina’ dóó t’áá nihí nihe’iina’ ałdó’ bik’ihozhdoodliił. Í’iilaa dóó bá’a’ályaa’ígíí ayóó’ó’óní bee áka’adoowoł bee iiná biniyéi bił bééhodoozįįł.
Háida yá’át’ééhii bił dahólǫ́ǫ doogo ádoohłííłgo t’áadoo a’ohgo ádaantsókeesí, aká’oołyeedo dóó nihi’dinél’į́į́go áká’oołyeedgo t’áá áłah.
Ayóó’ó’óní bee áká’adoołwoł diyingo nihaghan bich’į’ atiingóó nanihoolóós doo—Yisdá’iiníiłii diidleeł nahalingo atiin.
1975 yę́ędáá’, da’ahijooghą́ą́’go, Arnaldo dóó Eugenia Teles Grilo dóó ba’áłchíní bighan dóó ndaalnishgo hasht’e’ ndeyiznil yę́ę t’áá ákǫ́ǫgo dah dazhdiiná. Hakéyah Portugaldi, Brother dóó Sister Teles Grilo t’áá át’é hweenáhodoodleełgo binizhdeeshnish. Lą’í naahai, Jesus Christ Bisodizin Dííjį́į́di Yá Naazinígíí yidii’áázhgo, ání, “T’áa ałtsóní nihaanáádiilyá, ákondi nihá yá’át’ééhgo háálá hool’áago ak’ihojídli íiyisíí ilį́į́go baa ákoniidzį́į́’.”5
Nahasdzáán bikáá’gi haghan nahjį’ kólyaa, ákondi yá’ąąshdi hooghanígíí bich’į’ na’oodááłgo hadazhneeztą́ą́’.
T’áá áłtso t’áá ákǫ́ǫ́ baadanihíne’go ndashiijaa’ígíí hoghangóó neikahígíí náásdi doo ach’į’nahwiilnáa da doo.
Jesus Christ’s haałt’éego nihá hoo’ááłgo bikéé’ yiikah, áádóó Diyin hool’áágóó bił honiidlǫ́ bich’į’ néíkahgo Bina’nitinígíí, Be’iina’, dóó Niháti’hooznii’ígíí—Nihádaaztsánígíí dóó Naahii’na’ígíí bee bídeinííghah doo.
Diyin God be’áwéé’ danidlį́įgo baa hózhónígíí bééhániihgo hágó nihidideeshniił dóó ayóó aniho’nínígíí biniinaa BiYe’ nihich’į’ ayiił’a’6bikáá’ oodááł nihich’į’ kwíídoolííł biniyé. Oodlą’ chodeinoł’íi doogo béédaałniih, Yisdá’iinííłii bikéé’ deinóhkááh dóó danóóhsééh. Nááhkahgo sodizin béé daołniih dóó ákǫ́ǫ́ wohkahgo áka’andaahjah.
Shik’is dóó shilahkéí danohłíinii, dií Damóogo Jesus Bééhániihgo, Jesus Christ t’áá áníí Nina’nídléii dóó Yisdá’iiníiłii nilį́įgo shił bééhózin. Bí éí bikáá’ adání iiná baa hózhǫ́ǫjį’ anhidoo’ish dóó yiidałígóó nihoolóós doo. Béédeilniih dóó hooghangóó bikéé’ néíkah doo. Jesus Christ bízhi’ bináhjį’, amen.