Diyin Binahagha’ Éí Áyóó’ó’óó’ní Dóó T’áá’aniihii Át’é
Shił bee hózin díí Diyin binahagha’ éí adinidíín, t’áá’anii dóó áyóo’ó’óó’ní éí nahasdzáan bikáági hólǫ́ diishjí.
Gamaali biyiin, “Hark, All Ye Nations!“ Diyin binahágha haanaalyah ayóó bąąh hazhǫ́ dóó nahasdzáan bikagóó dine’é bich’į́ hanaalyah. Díí sin éí:
Ał’ąądine’é, Da’íísinółts’ą́ą́’! Yá’aashdę́ę́’ binaa’ da yinołts’ąąh
T’áá ałtso keyah bikaagi nihił da hózhǫ́!
Diyin God binaal’a’í dah hat’ałgo hadahdoolghaazhgo ádaaní:
T’áá’aniihii hanaal yah!1
Louis F. Monch, Béesh Bicha’ii Gamaaliijí ádííyahgoo díí sin áyíílaah, tó wónanídi Switzerlandi tsékee nilíígo na’nitin yaadą́ą́’.2 Bąąh hózhǫ́ díí sin Diyin binahágha hanaalyahígíí nahasdzáan bikaagoo díí saadígíí nidanhííłnah:
Ch’ééh cháhałheełdi nidashnitá, áko ał’ąądine’é dahjichá;
Hayoołkááłjí dasdeesį́į́’, chééh bibá’.
Kad éí t’áá’ałtso bił dah hózhǫ́; nizaadgóó cha’hałheeł yaah éí asdįįd.
T’áá’aniihii yaah nahasdzáan bikaagi naahódlǫ́ doo!3
Ahéhee’ 200 naahai yaahdą́ą́’, “Diyin binahagha’ éí adinídiin, t’áá’anii dóó ayóó’ó’óó’ní“ hanaal yah4k’ad éí nahasdzáan bikaagí nizhónígo bik’izdiidíín. Diyin God éí, “bił hadlee’go índa doo ak’idhá’ááhgo“ éí Joseph Smith dóó miil áneeląąhgo diné yídah hoołąą’.5
Diyin bisodin ałtsoh hadiiyaahgo. Bóhóníihii Joseph Smith yich’į́ haadziihgo ba’ałchíní ayóó’á’yó’níígo kódiiniid:
Shí Bóhólníihii, shił bee hozin, diné bich’į́nahwiinąą doo, shánaal’á’ Joseph Smith yá’aashdę́ę́’ bich’į́ haasdziih dóó shibee haz’ąąnii baa níniil;
“Tsídá hooląągóó ahadesidiit’ą́ hasht’edoolnííł dóó nádoolyeeł;
“Tsídá t’áá’ałtsoh shi binahagha’ doo bidziilígíí dóó doo iłtá’ígíí diné éí nahasdzáan yich’į́ Sháyaah hódoolné.“6
Ałtsoh hach’į́ Diyin bizaad yee haadzííhgo, diné na’nitinii ał’ąądine’é bikeyahgóó nida’notin doo dah bidooniid. Nephi t’áá bitséedi diyin binahagha’ ninadooyeeł dóó nahasdzáan bikaagi “ałąądine’é bee bich’į́ shinąąhat’a’ bąąh dahołne’.“7
1830 yaahdą́ą́’ keyah New Yorkdi Diyin bisodizin, “The Church of Jesus Christ of Latter-day Saints hadiilyaah kin yazhi biyí’di.
Hastą́ą́ jilt’eehgo bee haalwod, 117 naahaigo táá’ dimiil silééh 1947 yaadą́ą́’. 1837 yaadą́ą́’ diné na’nitinii Bitsį’ yishtłizhii bikeyahdi dóó Canadadi dóó tó wonanigóó Englandgoo ahdahjiishkaigo nidanohtin doo. Ła’í nidanitinii éí Indiagoo dóó Pacific Islandgoo ajiishkai.
”1963 yaahdą́ą́’ éí naaki dimiiltsoh Gamaalii silį́į́’ áádóó 16 naahaigo indá táá’ dimiiltsoh silį́į́’.“8
President Russell M. Nelson ani, “Diishjiidi éí Gamaaliidine’é Bóhóníihii binaanish yaanídaalnishgo tsį́į́lgo naasgóó yilwoł. Diyin bisodzin ts’ídá doo beełt’éé da doo náasdi tsį́į́go yilwoł.“9
Jesus Christ binahagha’ t’áá’at’é hanaalyahígíí éí nahadzáan bikáági ninalyah dóó Diyin God bibee’ádziil bee nihik’idhodzisdli’go nahasdzáan bikáági t’áá’ ałtso diné Diyin bibee’adziilii bąąh doolyeeł. “Diyin God k’ehgo adziil,“ éí Diyin God bił ahadasidiit’ą́ áko diyin k’ehji átiingóó yiidaal doo.10 Diyin Bibee’ó’ool’įįłdi danihcheiyę́ę dóó t’áá dahinanígíí, ba’nideelnishgo, áko Ísrel dine’é ałha’áłneeh ałdó baaneenishgo Hasda’íiniiłii ni’náánádzáago biniyeh hast’é adahdiilneeh.
T’ááchil 1973 yaadą́ą́’ nihi keyah Argentinadi Shimá, shizhée dóó shí Diyin Bibee’ó’ool’įįłdi nisííkai áádi niha sohodoozin hool’áágóó Diyin God bił kéédahwiit’į́į́’ doo biniyeh. Íídą́ą́’ nihinąągóó Diyin Bighan Nitsaa’ígíí ádin nt’ę́ę́’ áko 6,000 dimiil tsinsit’ąągo nihiłit’ah, Salt Lake Diyin Bibee’ó’ool’įįłdi. Nizhónígo shį́į́h nihik’id nahayah, azhá naaki shinaaháí ndi táá́ shił ádzaahígíí tádii benaashnį́į́h.
Ałtsé éíyá chidínaat’a’í bitsésǫ’dę́ę́’ k’os łigai nihi yaadi nidaaldoh.
K’os nizhónígo bénaashnį́į́h, jooł nidk’ą́’í nidahalin.
Los Angelesdi ńda’ííyéésdi naaldlooshii ła ánitíígo yiłtsaahgo bénaashnį́į́h. Doo bąąh jooneehgi át’éii da.
Ndi alaahdi bitsa’dinidiingo éí:
Salt Lake Temple gone’ éí Diyin God amá, azhe’e dóó ba’ałchíní básohodizingo hool’áágóó iiná Diyin God yił kéédahat’į́į́’ doo. Bikáá’nááiiniih nizhóníyeeh dóó tsésǫ’dę́ę́’ sháńdíín bee bits’adinídíín. Áádi Diyin binahagha’ éí adinídíín, t’áá’anii dóó áyóó’ó’óó’ní nasiisnąą’ éí t’ahdii bénaashnį́į́h.
20 naaháí yaahdą́ą́’ Shí dóó She’esdzáán doołleełígíí Diyin Bighan Nitsaa’ígíí niha sohodoozin díí holzishgóó dóó hool’áágóó ísííge’. K’ad éíyá t’áá’ayidígo Buenos Aires Argentina Templedi niha sohodoozin, éí Diyin Bighan hadiilyaah dóó bee’aashdlish áko doo nizaagoo nishíít’ąąsh da.
22 naaháí yaahdą́ą́’ shitsi’ dóó nihich’é’e’ Buenos Aires Argentina Templedi hool’áágóó nihich’é’e’ bił kééhonít’į́į dooleeł.
Bąąh nisékeesgo Dooládo’ bee shił hózhǫǫn da, díí diyin k’ehji’ nihikínahayah yaadą́ą́’. Dooládo’ NihZhe’e ayóó’an’hó’nį́į́’ da, nihi ch’į́nahwiinánígíí dóó nihijéí biyídę́ę́’ niidzinígíí bee bił bee hózin.
Israel dine’é Bóhólníihii yich’į́ haadziih, “Shi beehasąąnii nihijéí bikáági yik’e’da’doołchiił; dóó haDiyin God nishłį́į doo índa shidine’é dajílį́į doo.“11 Yéígo bąąh ahéhee’ nisin tsełkee nishłíígo Bóhóníinii bibee haząąnii shijéí biyidi silį́į́’ díí bąąh hastį́go Diyin Bighandi bee sháhodoozin. Díínihił bee hozin nihi Diyin God jilį́ , dóó nihi éí ba’ałchíní niidlį́, áko nihich’į’nahwiinąągo, Diyin ba’ííniidlííhgo dóó bił ahadasidiit’ąą bik’ehgo yiidaalgo Diyin ayóó’an’hóníígo bigaan yeeh niho’t’ą́ doo.12
Ghąąji 2019 yaahdą́ą́’ Saanii áłah nilį́di President Nelson ani, “Nida’ahiníítingo diyin bizaad bąąh dahwiine’, t’áá nihí hast’é hadaałt’éii bąąh neelnish, dóó danihicheiyę́ę ba’na’anish éí Templedi ahínéikah.“13
President Nelson yee nánitin: “Jó alaadi alį́’hígíí éí Diyin Binahagha’ Hanaalyahígíí éí Diyin biTemple. Ákone’ éí bił ahadasidiit’ą́ dóó bee’óhoolį́į́hii binahji diné Naakiigone’ Hasda’íiniiłii nadah biba’ hast’e’ adahdoolzin doo.“14
Diyin Binahagha’ Hanaalyahígíí bina’anish biniinaa Diyin biTemple ádaalne’ dóó tsiiłgo aají yilwoł. Tsídá alaahgo nihee’iina’ Diyin Bibee’ó’ool’įįł Bá Hooghandi t’áá’ałahjí danihicheiyę́ę ba’ neelnishgo—éí Bóhóníihii biDine’é yaah naalnishgo áko éí bił ahadasidiit’ą́ dine’é niidlíí doo.
Nahat’áii bikáá dóó dah sidáii ayóó át’éiigo sią́.
Áádóó Diyin Binahagha’ éí adinidíín. t’áá’anii dóó áyóó’ó’óó’ní adinidíín!
Jóhonaa’éí nahlingo bits’dinidíín
T’áá’at’é keyah yik’idíniłdíín diishjį́.15
Shił bee hózin díí Diyin binahagha’ éí adinidíín, t’áá’anii dóó áyóo’ó’óó’ní éí nahasdzáan bikáági hólǫ́ diishjí. Díí álileejí óonish dóó ayóó’anoolnín’ii éí Diyin Ya’halne’í Isaiah yaa holné16 dóó Nephi yiyeełtsą́17 tsį́į́łgo Diyin binaanish naasyilwoł, azhá nihich’į́ nidahonitł’a ndi. Joseph Smith Diyin yá’yałt’į́go aní: “T’áá’aniinii át’éii yiilzį́; tsídá diyin binaanish doo alah needootł’ah da … áádi indá Diyin Jehovah áyóó’at’éii naanish ałtso didóóniił.“18
Shik’is dóó shilah, t’anit’ę́ę́’ nihi diishjídi bił kéédahot’íinii Diyin God binaa’ yííniilts’ąą’ doo, háálá éí Hasda’íiniiłii binaa’ át’é. T’ánit’ę́ę́’ Diyin bił ahadasidiit’ą́ígíí bik’ehgo yiidaal doo áko Diyin God bighangóó nidiidaał, dóó nihik’idhójidli díí Diyin binahagha’ adinidíín dóó t’áá’aniihii bee bąąh áheeniidzin doo. Jesus Christ bízhi’ binahjį’, áámen