दैवी रुपमा प्रेरित हाम्रो संविधानको रक्षा गर्दै

संविधान भनेको सरकारको आधार हो। यसले सरकारी शक्तिको अभ्यासका लागि संरचना र सीमा प्रदान गर्दछ। संयुक्त राज्य अमेरिकाको संविधान आजसम्म पनि लागू भएको सबैभन्दा पुरानो लिखित संविधान हो। यद्यपि केवल थोरै कालोनीहरूले मात्र अपनाए तापनि मूलतः यो चाँडै नै विश्वव्यापी रुपमा नमूना बन्यो। तीन बाहेक आज, सबै राष्ट्रले लिखित संविधान अपनाएका छन्। ^१

यी मन्तव्यहरूमा म कुनै राजनीतिक पार्टी वा अन्य समूहका बारेमा बोल्दिन। म संयुक्त राज्यको संविधानका बारेमा बोल्छु, जुन मैले ६० वर्ष भन्दा बढी समयदेखि अध्ययन गरेको छु। म संयुक्त राज्य अमेरिकाको सर्वोच्च अदालतको मुख्य न्यायाधीशका लागि कानून सहयोगीका रुपमा मेरो पहिलो कानूनी जागिरको अनुभवबाट बोल्छु। म १५ वर्षदेखि विभिन्न कानून स्कूलहरूमा कानून प्रोफेसरका रुपमा र साँढे तीन वर्ष यूटा सर्वोच्च अदालतमा न्यायाधिसका रुपमा काम गरेको कुराबाट बोल्छु। सबैभन्दा महत्त्वपूर्ण कुरा, ३७ वर्षदेखि म पुनर्स्थापित चर्चको काममा उपयोग हुने संयुक्त राज्य अमेरिकाको संविधानको अर्थ अध्ययन गर्न जिम्मेवार येशू ख्रीष्टको प्रेरितका रुपमा बोल्छु।

संयुक्त राज्य अमेरिकाको संविधान अद्वितीय छ किनकि परमेश्वरले यो प्रकट गर्नुभयो कि उहाँले यसलाई “स्थापना गर्नुभयो” (सिद्धान्त र करार १०१:८०)”सबै प्राणीहरूको अधिकार र सुरक्षाका लागि” (सिद्धान्त र करार १०१:७७)। त्यसकारण यो संविधान विश्वभरका पछिल्ला दिनका सन्तहरूको येशू ख्रीष्टको चर्चका लागि विशेष चासोको विषय हो। गर्ने कि नगर्ने वा यसका सिद्धान्तहरू विश्वका अन्य राष्ट्रहरूमा कसरी लागू गर्ने भन्ने निर्णय उनीहरूका विषय हुन्।

संयुक्त राज्य अमेरिकाको संविधान स्थापना गर्न परमेश्वरको उद्देश्य के थियो ? हामी यसलाई नैतिक छनौटको शिक्षाकामा हेर्न सक्छौं। पूनर्स्थापित चर्चको पहिलो दशकमा पश्चिमी सिमानामा पछिल्ला दिनका सन्तहरूले व्यक्तिगत र सामाजिक सतावट भोगिरहेका थिए। आंशिक रूपमा यो संयुक्त राज्य अमेरिकामा अवस्थित त्यो मानव दासत्वको विरोधका कारण थियो। यी परिस्थितिहरूमा, अगमवक्ताले जोसेफ स्मिथ मार्फत उहाँका शिक्षाहरूका बारेमा अनन्त सत्य प्रकट गर्नुभयो।

परमेश्वरले आफ्ना सन्ततिहरूलाई नैतिक छनौट - निर्णय र कार्य गर्ने शक्ति दिनुभएको छ। त्यो स्वन्त्रताको अभ्यास गर्नका लागि सबै भन्दा वाञ्छनीय अवस्था भनेको व्यक्तिले आफ्नो व्यक्तिगत छनौट अनुसार निर्णय गर्न र कार्यगर्न अधिकतम स्वतन्त्रता पाउनु हो। यो स्वतन्त्रतासँगै आएको परिणाम भनेको जवाफदेहिता हो, प्रकाशले बताउँछ, “ताकी हरेक मानिस न्यायको दिनमा आफ्नै पापका लागि उत्तरदायी हुन्” (सिद्धान्त र करार १०१:७८)। “तसर्थ,” परमप्रभुले प्रकट गर्नुभयो, “यो ठीक होइन कि कोही पनि एक अर्कोको दास हुनुपर्छ” (सिद्धान्त र करार १०१:७९)। यसको स्पष्ट अर्थ मानव दासत्व गलत छ। यसको स्पष्ट अर्थ मानव दासत्व गलत हो र यही सिद्धान्त अनुसार शासकहरुको छनौट वा कानून बनाउने क्रममा आवाज नहुनु नागरिकहरुका लागि गलत हो।

संयुक्त राज्य अमेरिकाको संविधान दैवी प्रेरणाबाट आएको हो भन्ने हाम्रो विश्वासको अर्थ दैवी प्रकाशले प्रत्येक शब्द र वाक्यांशलाई परिभाषित गर्‍यो भन्ने चाँहि होइन, जस्तै प्रत्येक राज्यबाट प्रतिनिधित्व गर्ने व्यक्तिको सङ्ख्या वा प्रत्येकको न्यूनतम उमेर। ^२ संविधान “पूर्णरुपमा विकसित भएको दस्तावेज होइन” भनेर राष्ट्रपति जे रुबेन क्लार्कले भने। “यसको ठीक उल्टो,” उनले वर्णन गरे, “हामी विश्वास गर्दछौं कि विकासोन्मुख संसारको बदलिदै गरेको आवश्यकताहरू पूर्ति गर्न यो बढ्विन र कसित हुनैपर्छ ।”^३ उदाहरणका लागि, प्रेरणादायी संशोधनहरुले दासत्व समाप्त परे र महिलाहरुलाई भोटको अधिकार दिए। हामी सर्वोच्च अदालतको प्रत्येक निर्णयमा तुलनात्मक रुपमा यसको व्याख्या गरेको देख्दैनौं।

संयुक्त राज्यको संविधानले कम्तिमा पनि पाँच दैवी प्रेरित सिद्धान्तहरु समावेश गर्दछ भनेर म विश्वास गर्दछु। ^४

सर्वप्रथम सरकारको शक्तिको स्रोत भनेको जनता नै हो भन्ने सिद्धान्त हो। सार्वभौम शक्ति राजाको दैवी अधिकार वा सैन्य शक्तिबाट आउछ भन्ने विश्वव्यापी मान्यताको समयमा, जनताहरूलाई सार्वभौम श्क्तिको श्रेय दिनु क्रान्तिकारी थियो। दार्शनिकहरूले यसको वकालत गरेका थिए, तर संयुक्त राज्य अमेरिकाको संविधान यसलाई प्रयोग गर्ने पहिलो थियो। जनतामा सार्वभौम शक्ति भन्नाले हूल हड्ताल वा व्यक्तिहरूको अन्य समूहले सरकारलाई कारवाही गर्न वा बाध्य पार्न वा तर्साउन हस्तक्षेप गर्न सक्दछ भन्ने होइन। अमेरिकी संविधानले एक संवैधानिक लोकतान्त्रिक गणतन्त्र स्थापना गर्‍यो, जहाँ जनताले उनीहरुका चुनिएका प्रतिनिधिहरु मार्फत आफ्नो शक्ति प्रयोग गर्दछन्।

दोस्रो प्रेरित सिद्धान्त भनेको देश र यसको सहायक राज्यहरू बीच शक्ति विभाजन हो। हाम्रो संघीय प्रणालीमा यस अभूतपूर्व सिद्धान्तलाई कहिलेकाँही प्रेरणादायी संशोधनहरूले परिवर्तन गरे, अघि उल्लेख गरिए जस्तै दासत्व अन्त्य गर्ने र महिलालाई मतदान गर्ने अधिकार विस्तार गर्ने जस्ता कुरा । महत्वपूर्ण कुरा के छ भने संयुक्त राज्यको संविधानले राष्ट्रिय सरकारलाई स्पष्ट रुपमा वा निहितबाट प्रदान गरेको अधिकारको प्रयोगमा सीमित गर्दछ, र यसले अरू सबै सरकारी शक्तिहरु “क्रमशः राज्यहरु वा जनतामा राख्छ।” ^५

अर्को प्रेरणादायी सिद्धान्त शक्तिको पृथकीकरण हो। हाम्रो सन्‌ १७८७ को संवैधानिक अधिवेशन हुनुभन्दा सय वर्ष पहिला, अङ्ग्रेजी संसदले राजाबाट केही अधिकार लिएको बेला व्यवस्थापिका र कार्यकारी अधिकारलाई छुट्याएर अघि बढायो। अमेरिकी अधिवेशनको प्रेरणाले स्वतन्त्र कार्यकारी, विधायिका र न्यायिक शक्तिको प्रदान गर्नु थियो ताकि यी तीन शाखाले एक अर्काको परीक्षण गर्न सकुन्।

चौथो प्रेरणादायी सिद्धान्त भनेको अधिकार विधेयकमा व्यक्तिगत अधिकारहरु र सरकारी अधिकारमा सीमितताको महत्वपूर्ण समूह सीमाको सुनिश्चितता हो, जुन संविधान लागु भएको तीन वर्ष पछि नै लागू भयो। अधिकारको विधयेक नयाँ थिएन। यहाँको प्रेरणा म्याग्ना कार्टाबाट सुरु भएको इङ्ल्याण्डमा प्रतिपादित अग्रगामी सिद्धान्तहरूको व्यावहारिक कार्यान्वयन थियो। संविधानका लेखकहरू यससँग परिचित थिए किनकि केही औपनिवेशिक घोषणापत्रहरूको त्यस्तो सुनिश्चितता थियो।

अधिकार विधेयक नभएको भए अमेरिकाले सुसमाचारको पुनर्स्थापनाका लागि सुरुवात गर्ने राष्ट्रका रुपमा सेवा दिन सक्दैनथ्यो, जुन तीन दशक पछि शुरू भयो। मूल प्रावधानमा दैवी प्रेरणा थियो कि सार्वजनिक कार्यालयका लागि कुनै धार्मिक परीक्षा हुनु हुँदैन, ^६तर पहिलो संशोधनमा धार्मिक स्वतन्त्रता र संस्थापन बिरोधि सुनिश्चितताहरू थप महत्त्वका थिए। हामी पहिलो संशोधनका वाक र प्रेस स्वतन्त्रता अनि आपराधिक अभियोगहरु जस्ता अन्य संशोधनहरुमा संलग्न व्यक्तिगत संरक्षणमा दैवी प्रेरणा पनि देख्छौं।

छवि

हामी मानव

पाँचौं र अन्तमा, म सम्पूर्ण संविधानको महत्त्वपूर्ण उद्देश्यमा दैवी प्रेरणा देख्छु। हामी कानून द्वारा शासित हुनुपर्दछ र व्यक्ति, द्वारा होइन, र हाम्रो वफादारी संविधान र यसको सिद्धान्त र प्रक्रियाहरूमा छ, कुनै कार्यालयमा रहेको होइन। यस तरिकाले, सबै व्यक्तिहरू कानून समक्ष बराबर हुनुपर्दछ। यी सिद्धान्तहरूले निरंकुश महत्वाकांक्षाको विरोध गर्छन्, जसले केही देशहरूमा प्रजातन्त्रलाई भ्रष्ट पारेको छ। उनीहरुको अर्थ यो पनि छ कि सरकारका तीन शाखाहरु मध्ये कुनै एक अर्को माथि हावी हुनु हुँदैन वा आफ्नो संवैधानिक कार्य गर्न एकले अर्कोलाई परिक्षण गर्न रोक्नु हुँदैन।

संयुक्त राज्य अमेरिकाको संविधानमा दैवी प्रेरित सिद्धान्तहरूको हुँदाहुँदै पनि, जब अपरिपक्व मानिसद्वारा प्रयोग गरिन्छ तब तिनीहरूका प्रभावहरूको अभिप्राय सँधै प्राप्त भएका हुँदैनन्। पारिवारिक सम्बन्धलाई नियन्त्रण गर्ने केही कानून जस्ता कानून निर्माण गर्ने महत्वपूर्ण विषयहरू संघीय सरकारले राज्य सरकारहरूबाट लिएको छ। अलोकप्रिय भाषणका दमनद्वारा पहिलो संशोधनको सुनिश्चितता कहिलेकाँही ओझेलमा परेको छ। सरकारको एक शाखाको अर्को शाखालाई प्रयोग गर्ने अधिकारको प्रयोग वा अवरोधको प्रवाहका कारण शक्ति विभाजनको सिद्धान्त सधैं दबाबमा परेको छ।

त्यहाँ अन्य चुनौतीहरू छन् जसले संयुक्त राज्यको संविधानको प्रेरित सिद्धान्तहरूलाई हानी गर्दछ। स्वतन्त्रता र स्वायत्त सरकारको सट्टामा वर्तमान सामाजिक प्रवृत्तिहरू स्थापना गर्ने प्रयासका कारण संविधानको महत्त्व कम हुँदै गएको छ। यसका सिद्धान्तहरू बेवास्ता गर्ने उम्मेद्वार वा अधिकारीहरूले संविधानको अधिकारलाई तुच्छ पार्छन्। संविधानको मर्यादा र शक्ति कम गर्नेहरूले यसलाई वफादारी परीक्षा वा राजनैतिक नाराका रुपमा दर्शाउँछन्, बरु यसको उच्च ओहदालाई प्राधिकरणको स्रोतका रुपमा र सरकारी अख्तियारको सीमाका रुपमा लिदैनन्।

दैवी प्रेरणामाथिको हाम्रो आस्थाले पछिल्ला दिनका सन्तहरूलाई संयुक्त राज्य अमेरिकाको संविधान र संवैधानिकताका सिद्धान्तहरूको रक्षा गर्न र जहाँसुकै बसे पनि त्यसको रक्षा गर्न अनुपम जिम्मेवारी दिन्छ। हामीले परमप्रभुमा भरोसा राख्नुपर्दछ र आस्था गर्नुपर्दछ अनि यो देशको भविष्यका बारेमा सकारात्मक हुनुपर्दछ।

अरू के गर्नका लागि पछिल्ला दिनका आस्थावान सन्तहरू छन्? सम्पूर्ण राष्ट्रहरू र तिनीहरूका नेताहरूलाई अगुवाइ गर्न र आशीर्वाद दिन हामीले परमप्रभुसँग प्रार्थना गर्नै पर्छ। यो हाम्रो आस्थाका बूँदाको एक अंश हो। राष्ट्रपति वा शासकहरूको अधीनमा रहँदा ^८ अवश्य पनि हाम्रो विरोधी व्यक्तिगत कानून वा नीतिहरूमा कुनै अवरोध हुँदैन। यसको अर्थ यो कि हामीले आफ्ना प्रभावहरू शिष्टतापूर्वक र शान्तिपूर्वक प्रयोग गर्नु पर्दछ, हाम्रो संविधान र लागू ऐनका ढाँचा भित्र रहेर। विवादित विषयहरूमा हामीले मध्यस्थ गर्नुपर्छ र एकताबद्ध गर्न प्रयास गर्नुपर्छ।

त्यहाँ प्रेरित संविधानलाई समर्थन गर्ने अन्य कर्तव्यहरू पनि छन्। हामीले संविधानका प्रेरित सिद्धान्तहरू सिक्नु र वकालत गर्नु आवश्यक छ। हामीले वुद्धिमान र असल व्यक्तिहरूको खोजी र समर्थन गर्नुपर्नेछ जसले तिनीहरूको सार्वजनिक कार्यहरूमा ती सिद्धान्तहरूलाई समर्थन गर्दछन्। ^८ यी कर्तव्यहरुले हामीलाई विद्धिमत्ता नागरिक वन्न प्रतिवद्ध बनाउँछन् जो नागरिक मामिलाहरूमा हाम्रो प्रभाव महसुस गराउन सक्रिय छन्।

संयुक्त राज्य अमेरिका र अन्य लोकत्रन्त्रमा वर्तमान परिस्थितिमा कार्यालयका लागि दौडेर (जसलाई हामी प्रोत्साहित गर्छौं), मतदान गरेर, आर्थिक सहयोग गरेर, राजनीतिक दलमा सदस्यता लिएर र सेवाद्वारा, अधिकारीहरू, पार्टीहरू, अनि उम्मेदवारहरूसँग निरन्तर सञ्चार मार्फत राजनीतिक प्रभावको अभ्यास गरिन्छ। राम्रोसँग कार्य गर्न, प्रजातन्त्रलाई यी सबैको आवश्यकता छ, तर कुनै पनि सचेत नागरिकले व्यक्तिगत रुपमा ती सबै प्रदान गर्नु आवश्यक छैन।

त्यहाँ धेरै राजनीतिक मुद्दाहरू छन्, र कुनै पनि पार्टी, कुनै पनि प्लेटफर्म, अनि कुनै पनि व्यक्तिगत उम्मेद्वारले सबै व्यक्तिगत प्राथमिकताहरू पूरा गर्न सक्दैनन्। यसर्थ प्रत्येक नागरिकले निर्णय गर्नुपर्दछ कि कुन विषय ऊ वा उनका लागि कुनै खास समयमा सबैभन्दा महत्त्वपूर्ण छन्। त्यस पछि सदस्यहरूले आफ्नो व्यक्तिगत प्राथमिकताका आधारमा कसरी मतदान गर्ने र अन्य समर्थनमा ध्यान केन्द्रित गर्ने बारे प्रेरणा लिनु आवश्यक छ। यो प्रक्रिया सजिलो हुने छैन। यसका लागि एक चुनावबाट अर्को चुनावमा पार्टी समर्थन वा उम्मेदवार छनौटहरूमा परिवर्तन गर्न आवश्यक पर्न सक्छ।

यसले कहिलेकाँही मतदातालाई उम्मेद्वार वा राजनैतिक दल वा प्लेटफर्महरू समर्थन गर्न आवश्यक पर्दछ जसका अन्य पदहरू उनीहरूले अनुमोदन गर्न सक्दैनन्। ^९ यो नै एउटा कारण हो जसले गर्दा हामी हाम्रा सदस्यहरूलाई राजनीतिक मामिलामा एक अर्काको आलोचना गर्नबाट अलग रहन सिकाउँछौं। हामीले कहिले पनि यो जोड दिनु हुँदैन कि एक आस्थावान पछिल्ला दिनका सन्तहरूको येशू ख्रीष्टको चर्चको सदस्यल कुनै खास पार्टीको हुन सक्दैन वा कुनै खास उम्मेदवारलाई भोट दिन सक्दैन। हामी सही सिद्धान्तहरू सिकाउँछौं र समय-समयमा प्रस्तुत गरिएका विषयहरूमा ती सिद्धान्तहरूलाई कसरी प्राथमिकता दिने र लागू गर्ने भनेर छनौट गर्न हाम्रा सदस्यहरूलाई छोडिदिन्छौं। हामी हाम्रा स्थानीय अगुवाहरुलाई दृढताका साथ आग्रह गर्छौं र जोड दिन आग्रह गर्छौं कि राजनीतिक छनौट र सम्वद्धता हाम्रो चर्चको कुनै पनि वैठकमा शिक्षा वा वकालतको विषय हुनुहुँदैन।

पछिल्ला दिनका सन्तहरूको येशू ख्रीष्टको चर्चले निश्चय नै कुनै खास विधान प्रस्तावहरुको समर्थन वा विरोध गर्ने आफ्नो अधिकारको प्रयोग गर्नेछ जुन हामी मान्दछौं कि यो धर्मको स्वतन्त्र अभ्यास वा चर्च सङ्गठनको आवश्यक हित विपरीत छ।

म दैवी रुपमा प्रेरित संयुक्त राज्यको संविधानको गवाही दिन्छु र प्रार्थना गर्दछु कि हामी जो दैवी अस्तित्वलाई चिन्दछौं जसले यसको प्रेरणा दिनुभयो, उसले सँधै यसका महान सिद्धान्तहरुलाई समर्थन र रक्षा गर्नेछ। येशू ख्रीष्टको नाउँमा, आमिन |