“मेरा सुसमाचारका सिद्धान्तहरू”
सुसमाचारको सिद्धान्त नैतिक छनौटको धार्मिक अभ्यासका लागि सैद्धान्तिक आधारमा दिशानिर्देश हो।
अक्टोबर १८४९ मा पछिल्ला दिनका सन्तहरूको येशू ख्रीष्टको चर्चको साधारण सम्मेलनमा बाह्र प्रेरितहरूको गणका एल्डर जन टेलरलाई फ्रान्सलाई येशू ख्रीष्टको सुसमाचार प्रचार गर्ने राष्ट्रका रुपमा सुरुवात गर्न बोलावट गरिएको थियो। उहाँको सेवामा त्यो देशमा चर्चको पहिलो आधिकारिक पत्रिका सम्पादन समावेश थियो। एल्डर टेलरले १८५१ मा उहाँलाई चर्चका बारेमा बारम्बार सोधिएका प्रश्नहरूको उत्तरमा एउटा लेख तयार गरी प्रकाशित गर्नुभयो । अनि त्यो निबन्धको अन्तमा, एल्डर टेलरले निम्न उपाख्यान याद गर्नुभयो:
“केही वर्ष पहिले नाभूमा मेरो सुनुवाइका एक भद्र पुरुष, व्यवस्थापिका का सदस्यले जोसेफ स्मिथलाई यस्तो प्रश्न गरे कि उनी यति धेरै मानिसलाई शासन गर्न कसरी सक्षम थिए र यथोचित व्यवस्थाको संरक्षण गर्न कसरी सक्षम भए? अनि साथै तिनीहरूले अरू कुनै पनि ठाउँमा यस्तो गर्न असम्भव थियो भनेर टिप्पणी गरिरहेका थिए। श्री स्मिथले भन्नुभयो कि यो गर्न सजिलो छ। ‘कसरी?’ सज्जनले जवाफ दिए; ‘हाम्रो लागि यो धेरै गाह्रो छ।’ श्री स्मिथले जवाफ दिनुभयो, ‘म उहाँहरूलाई सही सिद्धान्तहरू सिकाउँछु, र उहाँहरू आफैले आफैलाई शासन गर्दछन्। “१
म प्रार्थना गर्दछु कि येशू ख्रीष्टको पूनर्स्थापित सुसमाचारमा सिद्धान्तहरूको महत्त्वपूर्ण भूमिकालाई जोड दिँदै गर्दा पवित्र आत्माले हामी सबैलाई निर्देशन र सिक्षा दिनेछ।
सिद्धान्तहरू
परमप्रभुले जोसेफ स्मिथलाई प्रकट गर्नुभयो कि “यस चर्चका एल्डरहरू, पादरीहरू र शिक्षकहरूले मेरा सुसमाचारका सिद्धान्तहरू सिकाउनेछन् जुन बाइवल र मोर्मोनको पुस्तकमा छन् जसमा सुसमाचारको पूर्णता छ। २ उहाँले यो पनि घोषणा गर्नुभयो कि पछिल्ला दिनका सन्तहरूलाई “सिद्धान्तहरूमा, सुसमाचारको व्यवस्थामा, परमेश्वरको राज्यसँग सम्बन्धित सबै कुरामा सिकाउनुपर्दछ, जुन बुझ्न तपाईलाई आवश्यक छ।” ३
संक्षिप्त रुपमा भन्दा, सुसमाचारको सिद्धान्त छनौटको नैतिक अधिकारको पवित्र अभ्यासका लागि सैद्धान्तिक आधारमा निर्देशन हो। सिद्धान्तहरू व्यापक सुसमाचारका सत्यबाट उत्पन्न हुन्छन् र हामी करारका मार्गमा अगाडि बढ्दै गर्दा, दिशा र मापदण्डहरू प्रदान गर्छन् ।
उदाहरणका लागि, आस्थाका पहिला तीन बुँदाहरूले येशू ख्रीष्टको पुनर्स्थापित सुसमाचारको सिद्धान्तका आधारभूत पक्षहरूलाई चिनाउँछन्: देवप्रमुखको प्रकृति आस्थाको पहिलो बूँदा मा, आदम र हव्वाको पतनका प्रभावहरू आस्थाको दोस्रो बूँदा मा, येशू ख्रीष्टको प्रायश्चितको माध्यमबाट सम्भव बनाइएका आशिषहरू आस्थाको तेस्रो बूँदा मा । ४ र आस्थाका चौथो बूँदाले प्रथम सिद्धान्तहरू प्रस्तुत गर्दछ - येशू ख्रीष्टमा विश्वास गर्ने र पश्चात्ताप गर्ने दिशा निर्देशनहरू — र प्रथम पादरित्व विधिहरू जसले हाम्रो जीवनमा येशू ख्रीष्टको प्रायश्चित्तलाई प्रभावकारी बनाउन सक्छ।५
ज्ञानका कुरा निर्देशनका रुपमा सिद्धान्तको अर्को एक उदाहरण हो। कृपया यी परिचयात्मक पदहरू सिद्धान्त र करारको खण्ड८९ बाट नोट गर्नुहोस्।
“प्रतिज्ञाका साथ एक सिद्धान्त दिइएको छ, सन्तहरू वा सन्तहरू कहलाउन सकिने कमजोर अति नै कमजोर सबै सन्तहरूको क्षमतामा अनुकूल छ।
“हेर, साँच्चै नै परमप्रभुले यसो भन्नु हुन्छ ’यी अन्तिम दिनहरूमा प्रकाशद्वारा ज्ञान दिएर षड्यन्त्र गर्नेहरूको हृदयमा हुने खराब कार्यहरू र योजनाहरूको परिणामका बारेमा मैले तिमीलाई चेतावनी दिएको छु र चेतावनी दिन्छु।”६
यस परिचयलाई अनुसरण गर्ने प्रेरित निर्देशनले शारीरिक र आध्यात्मिक दुबैको हितका लागि अनन्त निर्देशन प्रदान गर्दछ र सिद्धान्तप्रतिको हाम्रो आस्थावादिता प्रति निश्चित आशीषहरूको गवाही दिन्छ।
सिक्ने, बुझ्ने र सुसमाचारका जीवित सिद्धान्तहरूले मुक्तिदाता माथिको हाम्रो विश्वासलाई बलियो बनाउँछ, उहाँप्रतिको हाम्रो समर्पणलाई गहिरो बनाउँछ र हाम्रो जीवनमा थुप्रै आशीष र आत्मिक वरदानहरूलाई आमन्त्रण गर्दछ। धार्मिकताका सिद्धान्तहरूले हामीलाई हाम्रो व्यक्तिगत प्राथमिकताहरू र स्व-केन्द्रित चाहनाहरू भन्दा पनि पर देख्न सहयोग गर्दछन् किनकि हामीले अनन्त सत्यको अनमोल परिप्रेक्ष्य प्रदान गर्दै नश्वरतामा विभिन्न परिस्थितिहरू, चुनौतिहरू, निर्णयहरूलाई अनुभव गर्दछौं।
सही सिद्धान्तहरू सिकाउनेको समसामयिक उदाहरणहरू
सही सिद्धान्तहरू सिकाउने बारेमा अगमवक्ता जोसेफ स्मिथले दिएको कथन सायद उहाँको सबैभन्दा बारम्बार उद्धरण गरिएको शिक्षा मध्येको एक हो। अनि आज हामी निर्देशनको प्रेरणादायी नमूनाको शक्तिशाली उदाहरणहरू परमप्रभुका आधिकारिक सेवकहरूको घोषणामा पाउँछौँ।
ध्यान भङ्ग नगर्ने सिद्धान्त
अध्यक्ष ड्यालिन एच ओक्सले १९९८ को साधारण सम्मेलनमा प्रभूभोजको तयारी र प्रशासनका सम्बधमा हारुनको पदारित्ववाहकहरूको कर्तव्यका बारेमा बोल्नुभायो। उहाँले गैर विचलनको सिद्धान्त वर्णन गर्नुभयो र सङ्केत गर्नुभयो कि हारुनको पदारित्व वाहकले आफ्नो रुप वा व्यवहारका कुनै कारणले चर्चका कुनै पनि सदस्यलाई उहाँको आराधना वा करारको नवीकरणबाट विचलित गर्न कहिल्यै चाहँने छैन। अध्यक्ष ओक्सले व्यवस्था, सरसफाइ, भक्तिभाव र मर्यादा सम्बन्धी सिद्धान्तहरूमा पनि जोड दिनुभयो।
चाखलाग्दो कुरा के छ भने, अध्यक्ष ओक्सले युवा पुरुषहरूलाई के गर्ने र नगर्ने भन्ने बारेको लामो सूची प्रदान गर्नुभएन। बरु, उहाँले सिद्धान्तलाई ती जवान पुरुषहरू र उनीहरूका अभिभावक र शिक्षकहरूले आफ्नै निर्णय र प्रेरणा प्रयोग गरी यो मार्गनिर्देशनको पालना गर्न सक्ने आशाको साथ व्याख्या गर्नुभयो।
उहाँले वर्णन गर्नुभयो, “म विस्तृत नियमहरूका बारेमा सुझाव दिँदिन, किनकि हाम्रो विश्वव्यापी चर्चका विभिन्न वार्ड र शाखाका परिस्थितिहरू यति फरक छन् कि एउटा खास नियम अर्को ठाउँमा अनुपयुक्त हुन सक्छ। बरु, म सिद्धान्तहरूमा आधारित सिद्धान्त बारे सुझाव दिनेछु। यदि सबैले यो सिद्धान्त बुझ्दछन् र यस अनुरुप कार्य गर्दछन् भने, त्यहाँ नियमहरूको थोरै आवश्यकता हुनुपर्दछ। यदि व्यक्तिगत मुद्दामा नियम वा परामर्श आवश्यक परेमा, सिद्धान्तहरू र तिनीहरूसँग सम्बन्धित सिद्धान्तहरू अनुरूप स्थानीय अगुवाहरूले उहाँहरूलाई प्रदान गर्न सक्नुहुन्छ।”७
एक सङ्केतका रुपमा विश्रामको दिनको सिद्धान्त
अप्रिल २०१५ को साधारण सम्मेलनमा, अध्यक्ष रसल एम नेल्सनले हामीलाई सिकाउनुभयो कि “विश्रामको दिन रमाइलो हुन्छ।” ८ उहाँले विश्रामको दिनलाई पवित्र राख्ने आधारभूत सिद्धान्त कसरी बुझे भन्ने बारेमा वर्णन गर्नुभयो:
“हामी विश्रामको दिनलाई कसरी पवित्र राख्ने? मेरो युवा वर्षहरूमा, मैले अरूको कामको अध्ययन गरें जसले विश्रामको दिनमा गर्नुहुने र गर्नुनहुने चीजहरूको सूची जम्मा गरेका थिएँ । धेरै पछि मैले धर्मशास्त्रबाट सिकेँ कि मेरो आचरण र विश्रामको मेरो मनोवृत्तिले म र स्वर्गमा रहनुहुने मेरा पिता बीचको एक सङ्केत थियो। त्यो बुझाइका साथ, मलाई अब गर्ने र नगर्ने सूचीको आवश्यक पर्दैन। विश्रामका लागि क्रियाकलाप उपयुक्त थियो कि थिएन भनेर जब मैले निर्णय गर्नुपर्यो, मैले आफैलाई सोधेँ। ‘म परमप्रभुलाई के सङ्केत दिन चाहन्छु?’ त्यो प्रश्नले विश्रामको दिनको मेरा छनौटहरूलाई बिलकुल स्पष्ट बनायो।” ९
अध्यक्ष नेल्सनको सरल तर शक्तिशाली प्रश्नले एउटा सिद्धान्तमा जोड दियो जसले विश्रामको दिनलाई सम्मान गर्नु भनेको अर्थ के हो र हामीले के गर्नुपर्छ भन्ने बारे कुनै पनि अनिश्चिततालाई काट्दछ। उहाँको प्रश्नकोले एक दिशानिर्देश र एक मानकलाई सारांश प्रस्तुत गर्दछ जसले हामी सबैलाई विभिन्न परिस्थितिमा आशीषित गर्न सक्छ।
परमेश्वरलाई प्रभुत्व जमाउन दिन इच्छुक हुनुको सिद्धान्त
छ महिना अघि साधारण सम्मेलनमा अध्यक्ष नेल्सनले आफ्नो व्यक्तिगत खुशीको वर्णन गर्नुभयो किनकि उहाँले इस्राएलशब्दका बारेमा नयाँ अन्तरदृष्टि प्राप्त गर्नुभएको थियो। उहाँले हामीलाई भन्नुभयो कि उहाँको आत्मा हलचल भयो जब उहाँले थाहा पाउनुभयो कि “इस्राएल को नामले त्यो व्यक्तिलाई उल्लेख गर्दछ जसले उसको वा उनको जीवनमा परमेश्वरलाई प्रभुत्व जमाउन दिने चाहन्छ राख्दछ।” १० अध्यक्ष नेल्सनले त्यसपछि यस अन्तरदृष्टिबाट उत्पन्न केही महत्त्वपूर्ण प्रभावहरू पहिचान गर्नुभयो।
परमेश्वरलाई प्रभुत्व जमाउन दिने बारेको उहाँको सन्देश सही सिद्धान्तहरू सिकाउने एउटा उल्लेखनीय उदाहरण हो ताकि हामीले आफु स्वयंलाई सञ्चालन गर्न सकौं। जसरी उहाँले सबाथलाई आनन्दमय बनाउने बारेमा आफ्नो सन्देशमा बताउनुभयो, अध्यक्ष नेल्सनका सिद्धान्तमा आधारित प्रश्नहरू उठाउनुभयो जुन हामी प्रत्येकका लागि मार्गनिर्देशन र मापदण्डको रुपमा रहेका छन्।
“के तपाईं परमेश्वरलाई तपाईंको जीवनमा प्रभुत्व जमाउन दिन इच्छुक हुनुहुन्छ? के तपाईं परमेश्वरलाई तपाईंको जीवनमा सबैभन्दा महत्त्वपूर्ण प्रभाव बन्न दिन इच्छुक हुनुहुन्छ?”
उहाँले निरन्तरता दिनुभयो:
“यस्तो चाहनाले तपाईंलाई कसरी आशीष दिन सक्छ भनेर विचार गर्नुहोस्। यदि तपाईं अविवाहित हुनुहुन्छ र अनन्त साथी खोज्दै हुनुहुन्छ भने, “इस्राएलको” हुने तपाईंको चाहनाले तपाईंलाई कोसँग र कसरी सम्बन्ध गाँस्ने भनेर निर्णय गर्न सहयोग गर्दछ।
यदि तपाईं आफ्ना करारहरू भङ्ग गरेको एक त्यस्तो साथीसँग विवाहित हुनुहुन्छ भने, परमेश्वरलाई तपाईंको जीवनमा प्रभुत्व जमाउन दिने तपाईंको चाहनाले गर्दा तपाईंका परमेश्वरसँगको करार अखण्ड रहिरहने छ। तपाईंको टुटेको हृदयलाई मुक्तिदाताले चङ्गाइ दिनुहुनेछ। कसरी अगाडि बढ्ने भनेर तपाईंले जान्ने प्रयास गर्दा स्वर्गहरू खुल्नेछन्। तपाईंले भौतारिनु वा अचम्म मान्नुपर्दैन।
“यदि तपाईंसँग सुसमाचार वा चर्चका बारेमा निष्कपट प्रश्नहरू छन् भने, जसरी तपाईंले परमेश्वरलाई प्रभुत्व जमाउन दिन छनौट गर्नुहुन्छ, तपाईंलाई पूर्ण, अनन्त सत्यहरू पत्ता लगाउन र बुझ्नका लागि अगुवाइ गरिनेछ जसले तपाईंको जीवनलाई मार्गनिर्देशन गर्दछ र तपाईंलाई करारको मार्गमा दृढ रहन सहयोग गर्दछ।
“जब तपाईं प्रलोभनको सामना गर्नुहुन्छ—तपाईं थकित हुनुभएको वा एक्लै वा गलत अर्थ लगाएको महसुस गर्दाको समयमा प्रलोभन आए तापनि—तपाईंले आफ्नो जीवनमा परमेश्वरलाई प्रभुत्व जमाउन दिने भन्ने निर्णय गर्दा र तपाईंलाई मजबुत बनाउनका लागि उहाँलाई बिन्ती गर्दा तपाईंले समेट्न सक्ने साहसको कल्पना गर्नुहोस्।
“जब तपाईंको सबैभन्दा ठूलो इच्छा परमेश्वरलाई प्रभुत्व जमाउन दिनु हो, इस्राएलको अंश बन्नु हुन्छ, धेरै निर्णयहरू सजिला हुन्छन्। यति धेरै मुद्दाहरू गैर मुद्दा बन्छन्! आफु स्वयंलाई कसरी रेखदेख गर्नुपर्दछ भनेर तपाईंलाई थाहा हुन्छ। के हेर्ने र पढ्ने, तपाईंको समय कहाँ खर्च गर्ने र कोसँग संगत गर्ने भनेर तपाइँले जान्नुहुन्छ। तपाईं के गर्न चाहानुहुन्छ भनेर थाहा पाउनुहुनेछ। वास्तवमै तपाईं कस्तो व्यक्ति बन्न चाहनुहुन्छ भन्ने कुरा तपाईंलाई थाहा हुन्छ।”११
डेटिङ्ग र विवाह, सुसमाचारका प्रश्न र सरोकारहरू, प्रलोभन, व्यक्तिगत कुण्ठा, के हेर्ने र पढ्ने, समय कहाँ खर्च गर्ने , कोसँग सङ्गत गर्ने सहित अन्य धेरै विषयहरू र महत्त्वपूर्ण निर्णयहरू अनि जीवनका अनुभवहरू परमेश्वरलाई प्रभुत्व जमाउन दिन इच्छुक हुने चाहनाले प्रभावित हुन सक्छन् : भन्ने विषयमा ध्यान दिनुहोस् । अध्यक्ष नेल्सनका प्रेरणात्मक प्रश्नहरूले हाम्रो जीवनका हरेक पक्षमा दिशा प्रदान गर्ने र हामीलाई शासन गर्न सक्षम पार्ने एउटा साधारण सिद्धान्तमा जोड दिन्छन्।
एउटा धेरै सानो हेलम
जब जोसेफ स्मिथ लिबर्टी जेलको कैदमा हुँदा, उहाँले चर्चका सदस्यहरू र अगुवाहरूलाई निर्देशन पत्रहरू लेख्नुभयो र उहाँहरूलाई सम्झाउनुभयो कि “सन्तुलन नगुमाउने गरी घुमाएर र डुब्नबाट बचाएर आँधीबेहरीको समयमा एउटा सानो हेल्मले एउटा ठूलो जहाजलाई धेरै फाइदा पुर्याउछ ।” १२
“हेलम” भनेको पाङ्ग्रा वा टिलर हो अनि यससँग सम्बन्धित उपकरणहरू जहाज वा डुङ्गा चलाउन प्रयोग गरिन्छ। अनि “हावा र तरङ्गहरूसँगको कार्यमार्ग” ले जहाजलाई आफ्नो सन्तुलन कायम राख्न सकोस् र आँधीबेहरीको समयमा नउल्टिओस् भन्ने सङ्केत गर्दछ।
सुसमाचारका सिद्धान्तहरू मेरा र तपाईंका लागि हुन् जसरी एउटा जहाजका लागि हेल्म हुन्छ। सही सिद्धान्तहरूले हामीलाई हाम्रो मार्ग पत्ता लगाउन र दृढ, अटल र अचल भई खडा हुन सक्षम पार्दछन् ताकि हामी आफ्नो सन्तुलन गुमौं र पछिल्ला दिनका अँध्यारा र भ्रमका विशाल आँधीबेहरीमा नखासौं।
परमप्रभुका आधिकारिक सेवकहरूबाट अनन्त सिद्धान्तहरूका बारेमा सिक्न हामीहरू यस साधारण सम्मेलनका माध्यमबाट प्रशस्ततामा आशीषित भएका छौँ। अब, हाम्रो व्यक्तिगत जिम्मेवारी उहाँहरूले प्रमाणित गर्नुभएका सत्यताका आधारमा आफैलाई निर्दिष्ट गर्नु हो। १३
गवाही
अध्यक्ष एज्रा टाफ्ट बेन्सनले सिकाउनु भयो, “आगामी छ महिनाका लागि तपाईंको सममेल संस्करणको ल्याहोना तपाईंले गर्ने कार्यहरूको मानक र निर्देशन हुनुपर्दछ।” १४
मेरो आत्माको सबै उर्जाका साथ, हामी सबैलाई म धार्मिकताका सिद्धान्तहरू सिक्न, बाँच्न र प्रेम गर्न आमन्त्रण गर्दछु। केवल सुसमाचारका सत्यताहरूले हामीलाई करारको मार्गमा अघि बढ्न “हाम्रो सामर्थ्यमा भएका सबै चीजहरू खुशीसाथ गर्न” र “परमेश्वरको मुक्ति देख्न, र उहाँको बाहिरी शक्ति प्रकट गर्न” सक्षम पार्न सक्छन्।” १५
मलाई थाहा छ कि येशू ख्रीष्टको सुसमाचारका सिद्धान्तहरू हाम्रो जीवनका लागि आधारभूत स्रोत हुन् र नश्वरता अनि अनन्तताका लागि आनन्दमय रहन्छन्। अनि यो गौरवशाली इस्टर आइतबार, म खुशीको साथ साक्षी दिन्छु कि हाम्रा जीवित मुक्तिदाता त्यही सत्यताहरूबाट प्रवाहित हुनुहुनेछ। म यो परमप्रभु येशू ख्रीष्टको पवित्र नाममा गवाही दिन्छु, आमीन ।