Apnapan ka Siddhaant

Mai Ishu Masih ka Girjaghar Antim-dino ke Santo ka me apnapan ka siddhaant ke baare me baat karna chahata hoon. Is siddhaant ke teen bhaag hai: (1) Prabhu ke vachanbadh logon ko ikattha karne me apnapan ki bhumika, (2) apnapan me sewa aur balidaan ka mahatwa, aur balidaan ka mahatwa, aur (3) apnapan me Ishu Masih ki kendriyeta.

Ishu Masih ka Girjaghar Antim-dino ke Santo ka apni shuruaati shuruaat me bade paemaane par safed Uttari American aur uttari European Santon se bana tha, jisme mutthi bhar Native Americans, African Americans, aur Pacific Islanders the. Ab, apni sthaapna ki 200th saal gira se aath saal door, Girjaghar ki sankhya aur vividhta(diversity) me Uttari America me aur isse bhi adhik duniya ke baaki hisson me bahut adhik badh gaya hai.

Jaise-jaise lambe-samay se bhavishyevaani ki gayi Prabhu ke vachanbadh logon ka antim-dino ka ikattha hone ki gati tez hoti hai, Girjaghar vaastao me har ek raashtr, jaati, bhaasha aur logon ke sadasyon se milkar banegi.¹ Yeh ek gina gaya ya majboor vividhta nahi hai, balki ek swabhaawik rup se hone waali ghatna hai jiski hum ummeed karenge, yek pehchaante huwe ki susamachaar ka jaal har desh aur har vyakti se ikattha hota hai.

Hum kitne dhanye hai yeh dekhkar ki Zion har mahaduip par aur hamare apne pados me ek saath sthaapit ho raha hai. Jaisa ki Prophet Joseph Smith ne kaha tha, har yug me Parmeshwar ke logon ne aaj ke din ko harshit pratiaasha ke saath dekha hai, aur “hum weh pasandida log hai jinhe Parmeshwar ne Antim-dino ki mahima laane ke liye chuna hai.”²

Yeh visheshadhikaar diye jaane ke baad, hum antim-dino ke Masih ke Girjaghar me kisi bhi jaatiwaad, aadiwaasi tarafdaari, ya anye vibhaajano ko astitva me rehne ki anumati nahi de sakte hai. Prabhu hamein aagya deta hai, “Ek bano; aur agar tum ek nahi ho toh mere nahi.”³ Hamein Girjaghar se, apne gharon se, aur, sabse badhkar, apne dilon se tarafdaari aur bhedbhaao ko jadh se ukhaad fekne me mehnati hona chahiye. Jaise-jaise hamare Girjaghar ki aabaadi aur adhik vividh hoti jaati hai, waise-waise hamara swaagat aur adhik aasaan aur garmjoshi se badhta jaana chahiye. Hamein ek dusre ki zaroorat hai.⁴

Corinthians ke liye apne Pehle Patr me, Paul ne ghoshna kee ki Girjaghar me baptisma lene waale sabhi Masih ke shareer me ek hai:

“Kyunki jis prakaar deh to ek hai aur uske angh bahut se hai, aur us ek deh ke sab ang bahut hone par bhi sab milkar ek hi daheen hai: usi prakaar Masih bhi hai.

“Kyunki hum sab ek Aatma ke dwara ek deh me baptisma lete hai, chaahe hum Jews(Yahudi) ya Gentiles(anye jaati) ho, chaahe hum bandhan me ho ya azaad; aur ek hi Aatma sab ko diya gaya hai. …

“Ki deh me koi algaao na ho; lekin sadasyon ko ek dusre ke liye samaan dekhbhaal karni chahiye.

“Aur chaahe ek sadasye ko kasht ho, sabhi sadasye uske saath peedit hote hai; ya ek sadasye ki mahima ho, aur sab sadasye uske saath anandit hote hai.”⁵

Hamare shareerik, maansik aur dhaarmik kalyaan ke liye apnapan ki bhaaona mahatwapurn hai. Fir bhi yeh bahut sambhao hai ki kabhi-kabhi hum me se har ek ko yeh lage ki hum isme fit nahi hai. Niraash karne waale palon me, hum mehsoos kar sakte hai ki hum kabhi bhi Prabhu ke unche starron ya dusron ki apekchaaon par khare nahi utrenge.⁶ Hum anjaane me dusron par—ya khud par bhi—apekshaae(expectations) thop sakte hain, jo ki Prabhu ki apekshaaen nahi hai. Hum chaalank tariko se jatate hai ki aatma ka mulye kuch uplabdhiyon(achievements) ya callings par aadhaarit hai, lekin yeh Prabhu ke nazar me hamare khade hone ka naap nahi hai. “Prabhu ke nazar mann par rehti hai.”⁷ Woh hamari ichchaaon aur laalsaaon aur hum kya ban rahe hai, iski parwaah karte hai.⁸

Bahan Jodi King ne beete saalon ke apne khud ke anubhao ke baare me likha:

“Maine kabhi aysa mehsoos nahi kiya ki jab tak mere pati, Cameron, aur mai baanjhpan se guzarna shuru kiye the, tab tak mai girjaghar me nahi thi. Jin bachcho aur parivaaron ne mujhe aamtaur par girjaghar me dekhkar khushi di thi, weh ab mujhe dukh aur peeda dene lage hai.

“Mai apni baaho me bachche ke bina ya haath me daepar beg ke bina banjar mehsoos karti thi. …

“Sabse kathin Raviwaar tha hamare naye ward ka pehla waala. Kyunki hamare bachche nahi the, hum se pucha gaya ki kya hamari abhi jaldi shaadi hui hai aur kab hum parivaar shuru karne ki yojna banaa rahe hai. Mujhe in sawaalon ke jawaab dene me mujhe bahut achcha laga tha, bina unse prabhaawit huwe—mujhe pata tha ki weh kasht dene ke liye nahi the.

“Haalaanki, is ek Raviwaar ko, un sawaalon ka jawaab dena vishesh rup se kathin tha. Hum ne haal hi me jaana tha, bahut ummed rakhne baad, ki hum—ek baar phir—garbhwati nahi the.

“Mai vanchit mehsoos karte huwe prabhubhoj sabha me gaya, aur un vishisht ‘aapko janne ke liye’ sawaalon ka jawaab dena mere liye kathin tha. …

“Lekin yeh Raviwaar Kaksha(Sunday Skool) tha jisne waastao me mera dil todh diya. Woh seekh—maataaon ki divye bhumika ke baare me tha—par ab charcha ka vishay badal gaya aur ek niraasha vyakt karne ka samay ban gaya. Mera dil dukhit hua aur aansoo chupchaap mere gaalon par beh gaye kyunki maine mahilaaon ko ek ashirwaad ke baare me shikaayat karte huwe suna jis ke badle me mai kuch bhi de dungi.

“Mai girja se jaldi se nikal gayi. Pehle toh, mai waapas nahi jaana chahati thi. Mai fir se us algaao ki bhaaona ka anubhao nahi karna chahati thi. Lekin us raat, apne pati ke saath baat karne ke baad, hum jaante the ki hum na sirf isliye girjaghar jaaenge kyunki Prabhu ne kaha hai, balki isliye bhi ki hum dono jaante the ki jo anand vachano ko renew karne aur girjaghar me Aatma ko mehsoos karne se aata hai, woh us dukh se badhkar hai jo maine us din mehsoos kiya. …

“Girjaghar me, vidhwa, talaakshuda, aur aviwaahit/ek dampati waale sadasye aate hai jinke parivaar susamachaar se door ho gaye hai; puraani beemaariyon ya paise sambandhit mushkilon se peedit log; sadasye jo saamaanye-ling aakarshan ka anubhao karte hai; laton ya sandehon ko door karne me jute sadasye; haal hi me dharm-pariwartit(converts); ilaake me naye aaye sadasye; woh maata-pita jinke bachche bade ho ke kahi aur rehte hai; aur kayi cheezein in me shaamil ho sakti hai. …

“Rakshak hamein Uske paas aane ke liye amantrit karta hai—chaahe hamari paristhityaan kaise bhi ho. Hum apni vachano ko renew karneke liye girjaghar aate hai, apne vishwaas ko badhaane ke liye, shaanti paane ke liye, aur jaisa Usne Apne jiwan me puri tarah se kiya tha—dusro ke liye dekhrekh karna jo koi apnapan nahi mehsoos karte hai.”⁹

Paul ne samjhaaya ki Girjaghar aur uske adhikaari Parmeshwar dwara “santo ko sidh karne ke liye, dekhrekh ke kaam ke liye, Masih ke shareer ke sampaadan ke liye diye gaye hai:

“Jab tak hum sab vishwaas ki ekta aur Parmeshwar ke Putr ki pehchaan me ekta me naa aa jaae, tab tab ek sidh manushye, aur Masih ki paripurnata tak badh nahi jaata.”¹⁰

Yeh ek dukhad baat hai, tab, jab koi yeh jiwan ke sabhi pehluwon me aadarsh ko pura nahi karta hai, yeh tay karta hai ki weh aadarsh ki or badhne me hamari madad karne ke liye Parmeshwar dwara taeyaar kiye gaye sangathan se apnapan nahi rakhte.

Aaiye hum nyaaye ko Prabhu ke haathon me chodh dein aur jinhe Usne niyukt kiya hai aur ek dusre se jitna ho sake pyaar aur vyavahaar karne ke liye santusht rahein. Aaiye hum Usse praathna karein ki Woh hamein har din maarg dikhaae, taaki “kangaalo, aur apango, aur langdein, aur andhe”¹¹—yaane ki, sab koi— ko Prabhu ke mahaan daawat me le aayein.

Apnapan ka siddhaant ka dusra pehlu hamare apne yogdaan se sambandhit hai. Bhale hum iske baare me shaayad hi kabhi sochte hai, hamara bahut apnapan hamari sewa aur balidaano se aata hai jo hum dusron ke liye aur Prabhu ke liye karte hai. Hamari vyaktigat zarooraton ya apne khud ke aaraam par zyaada dhyaan dene se apanapan ki bhaaona niraash ho sakti hai.

Hum koshish karte ke Rakshak ke dharamsiddhaant par chale ki:

“Aapke beech me jo bhi koi mahaan hai, wahi aapka prachaarak hoga. …

“Kyunki manushye ke Putra jon sewa karawe nahi, balki sewa kare, aur bahuton ke chutkaare ke liye apan jiwan daan dis raha.”¹²

Apnapan tab nahi aata jab hum uska intazaar karte hai balki jab hum ek dusre ki madad karne ke liye aage badhte hai.

Durbhaagye se, aaj, kisi kaaran se khud ko samarpit karna ya kisi aur ke liye kuch bhi balidaan karna prati-sanskritik hota jaa raha hai. Pichle saal Deseret Magazine ke liye ek ansh me, lekhak Rod Dreher ne Budapest me ek jawaan maa ke saath baatcheet ko yaad kiya:

“Mai ek Budapest relgaadi par hoon … ek dost ke saath jo 30s umra ki hai—aao hum use Kristina kahe—jabki hum humse badi ek[Isaai] mahila ka intarviu karne jaa rahe the, uske ke raaste par the jisne, apne guzre huwe pate ke saath us communist raajye dwara utpeedan ka saamna ki thi. Jab rel gaadi shahar ke sadko pe khadkadaate gayi, Kristina apne sagharshon ke baare me baat karti hai ki kitna kathin hota hai apne umr ke doston ke saath imaandaari se batana ek patni aur chote bachchon ki maa ke sangharshon ke baare me.

“Kristina ki kathinaaiyaan puri tarah saamaanye hai ek jawaan mahila ke liye jo seekh rahi hai ek maa aur patni banna—fir bhi uski peedhi ke beech aam rawaiya yeh hai ki jiwan ki kathinaaiyaan kisi ki bhalaai ke liye khatra hai aur ise aswikaar kar diya jaana chahiye. Kya woh aur uske pati kayi baar bahas karte hain? Tab use apne pati ko chodh dena chahiye, we kehte hai. Kya uske bachche use pareshaan kar rahe hai? Tab use unhe day care me bhejna chahiye.

“Kristina ki chinta hai ki uske dost yeh nahi samajhte hai ki parikshan, aur yahan tak ki peeda bhi, jiwan ka ek saamaanye hissa hai—aur shaayad ek achche jiwan ka bhi hissa hai, agar woh peeda hamein dhaerye, dayalu aur pyaar karna sikhaati hai. …

“… Notre Dame University dharm ke samaajshaastri(sociologist) Christian Smith ne buzurgon [umra] 18 se 23 ke adhyan me paaya ki unme se adhiktar maante hai ki samaaj ‘jiwan ka anand lene waale swatatr vyaktiyon ka ek bheed’ se zyaada kuch nahi hai.¹³

Is tatvagyaan se, jo kuch bhi kisi ko mushkil lage “ek tarah ka atyachaar hai.”¹⁴

Iske alaawa, humse pehle ke purwajo ne mishano ki sewa karne, mandiron ka nirmaan karne, dabaao me aaraamdaayak gharon ko chodne aur fir se shuru karne, aur kayi anye tarikon se khud ko pawitr karne ke liye kiye gaye balidaano ke dwara Masih me apnapan, ekta, aur aasha ki gehri bhaaona aur Zion banane ka apna saadhan praapt kiya. Zaroorat padhne par woh apni jaan bhi dene ko taeyaar rehte the. Aur hum sabhi unke dheeraj ka laabh utha rahe hai. Yahi baat aaj bahut se logon ke liye sach hai jo parivaar aur dostonko khote hai, rozgaar ke aosaron ko khote hai, ya fir baptisma lene ke kaaran bhedbhaao ya na-seh-paana ka shikaar hote hai. Haalaanki, unka inaam vachanbadh logon ke beech apanapan ka ek shaktishaali ehsaas hai. Prabhu ke liye hum bhi balidaan karte hai, woh uske saath hamare sthaan ki pushti karne me madad karta hai jisne apna jiwan bahuton ke rihaai ke liye diya.

Apnapan ka siddhaant ka antim aur sabse mahatwapurn tatva Ishu Masih ki kendriye bhumika hai. Hum sirf fellowship ke liye girjaghar me shaamil nahi hote hai. jo ki mahatwapurn hai. Hum Ishu Masih ke pyaar aur anugrah ke dwara mukti ke liye shaamil hote hai. Hum apne liye aur un logon ke liye jinhe hum parde ke dono or se pyaar karte hai, udhaar aur unnati ke niyamo ko surakshit karne ke liye shaamil hote hai. Hum Prabhu ki waapsi ki taeyaari me Zion ko sthaapit karne ke liye ek mahaan pariyojna(project) me bhaag lene ke liye shaamil hote hai.

Girjaghar uddhaar aur unnati ki vachano ka sanrakshak hai jo Parmeshwar hamein pawitr purohiti ki vidhiyon ke maadhyam se pradaan karta hai.¹⁵ In vachano ko rakhne se hi hum apnapan ka sabse uncha aur gehra ehsaas praapt karte hai. President Russell M.Nelson ne abhi haal hi me kaha:

“Ek baar jab hum aur aap Parmeshwar se ek waada kar leta hai, Unke saath hum log ke rishta pehle se aur mazboot ho jaata hai. Ab hum saath bandhe hai. Parmeshwar ke saath hamare vachan ke kaaran, Woh hamari madad karne se kabhi nahi thakega, aur hum kabhi Uski kripalu dhiraj se vanchit nahi honge. Hum log sab ke liye ek khaas jagah hai Parmeshwar ke dil me. …

“… Ishu Masih un vachanon ka guarantee dene waala hai (dekhiye Hebrews 7:22; 8:6).”¹⁶

Agar hum yeh yaad rakhenge, Prabhu ne humse jo unchi aashaaen rakkhi hai woh prerit karenge, na ki himmat haraegi.

Jab hum vyaktigat aur saamuhik rup se, “Masih ki paripurnata ke kadh ke naap” ka anusaran karte hai, toh hum khushi mehsoos kar sakte hai.¹⁷ Raaste me niraashaaon aur asafaltaaon ke bawajood, yeh ek badi khoj hai. Hum ek-dusre ko upar uthaate hai aur protsaahit karte hai, yeh jaante huwe ki chaahe koi bhi musibat ho aur vaada kiye gaye ashirwaad me koi bhi deri kyun na ho, hum “khush ho sakte hai; [kyunki Masih ne] jagat par vijay praapt ki hai,”¹⁸ aur hum Uske saath hai. Pita, Putr aur Pawitr Aatma ke saath ek hona nissandeh apnapan me sabse zaroori hai.¹⁹

Is tarah, apnapan ka siddhaant niche aata hai—hum me se har ek pushti kare sakta hai: Ishu Masih mere liye mar gaya; Usne mujhe Apne khoon ke laayak samjha. Woh mujhse pyaar karta hai aur mere jiwan me sabhi badlaao laa sakta hai. Jab hum pashchataap karega, Uske mahima hamme badal dei. Mai susamachaar vachan me Uske saath ek hoon; mai Unke girjaghar aur raajye me hoon; aur mai Parmeshwar ke sabhi bachcho ke liye mukti laane ke liye Uske kaaran me hoon.

Mera gawahi hai aap apnaae gaye hai, Ishu Masih ke naam se, amen.