Toeni Luhlahp
Nuhnak Luhk Sruokyac Na Nuhnak Se Inge Ke Jisus Kraist
Toeni Luhlahp ke Eprel 2023

Nuhnak Luhk Sruokyac Na Nuhnak Se Inge Ke Jisus Kraist

Sel Elder Neil L. Andersen

Ke U luhn Mwet Sap Singucul Luo

Ke kom sikwalweni in sruokyac na nuhnak kacl Jisus Kraist, nga olwelah nuh sum kolyuck inkuhsrao ac oacyacpac kuh inkuhsrao.

Ke pacl in Istuh se inge, nga kalweni pruhe ke on fokoko se inge, “Guide us, O thou great Jehovah.”1

Sie sramsram na wo ke Puk luhn Mormon sruhmuhn ke sie mukul fuhsr ke sie sucu etweyuck, inel pa Alma, suc ma suhmuhslah ahkuhtweyac muh el sie mwet suhlahlahlfongi.2 El lahlmwetmwet ke sramsram ac mokleyac, orek ahkluhkuhk in kohllah mwet sahyac in ukwacl. Mwe lut yohk se, ke sie lupufacn sikyang nuh sel Alma ac kawuck lal. Alma el puhtatlac nuh infohk uh ac arulacna muhnahslah oruh tuh utuck el som nuh lohm sin pahpah tuhmwacl. El an tiac etwacl ke lusen lwen tolu.3 Tok, el ahkuhtweyac ke pacl se el an tiac etwacl nuh selos suc raunellah ah. lah nuhnak lal ah orekma mukwikwi uh nguhnal kweok, ke motkoeyacn moul lal ke tiac liyacacng masap luhn God. El ahkuhtweyac lah nuhnak lal ah oacna in “sowack ke mwe acsmakihn luhn ma koluk pucspucs [lal]”4 ac “puhlakihn kweok ma pahtpaht.”5

Ke ahsor yohk lal, el esam ke lutiyuck el ke “tuhkuh luhn sie Jisus Kraist, Wen nuhtin God, in iwaclah ma koluk luhn facluh.”6 Tohkohyang el oraclah sie pohloh kahs in pwen-nuhnak se: “Ke nuhnak luhk sruokyac na nuhnak se inge, nga pruhe ke insiuck: O Jisus, Kom Wen nuhtin God, pahkotwen nuh sihk.”7 Ke el kwacfe ke kuh muhtahl luhn Mwet Lahngo, ma usrnguck se sikyak: “Ke nga nuhnkuh ma inge,” el fahk, “nga tiac sifilpac esam kweok luhk.”8 In kihtin pacl sac na el puhlakihn mislac ac kahlwem. “Wacngihn [ma] ma arulacna upac ac wo oacna engan luhk,”9 el fahk.

Alma el “sruokyac na” ma pwacye kacl Jisus Kraist. Kuht fin orekmakihn kahs se “sruokyac na” in luhmuh nuh ke mukwikwi in mahno, kuht kuh in fahk, “El saplakyang sruokyac na mwe kohsrkohsr ke rel ke el puhtatlac ah,” kalmac pa el sa na saplakyang ac sruhmasruhllah in fokoko nuh ke sie ma simacnlac nuh ke sie pwelucng fokoko.

Ke elyah se lal Alma inge, nuhnak lal ah pa saplakyang ac sruhmasrlah fokoko ma pwacye ke iwaclah ne tok luhn Jisus Kraist. Orekma ke luhlahlfongi ke ma pwacye se ingacn, ac ke kuh ac kuhlwacng luhn God, el moliyucklac liki kweok ac sesesslah ke finsrak.

Sahp ma kuht puhlakihn uh tiac upac oacna ma Alma el puhlakihn ah, ne ohinge ma inge yohk srihpac ma pahtpaht pac. Nuhnak lasr uh oacyacpac “sruokyac na nuhnak se inge” ke Jisus Kraist ac kihsac pahkotwen Lal, ac nguhnasr puhlakihn kahlwem ac engan ma tuhkuh tohkoh.

Sruokyac na Nuhnak ke Jisus Kraist

Pruhe luhk ke pacl Istuh se inge pa kuht in motko nahwelah, ahkfokokoye, ac sruokyac nuhnak yohk srihpac se emet inge nuh in nguhnasr,10 lwelah tuh in nwacklah nuhnak lasr uh pacl nuhkwewa, kol kuht ke ma kuht nuhnkuh ac oruh, ac acse engan wo ke luhngse luhn Mwet Lahngo.11

Nwacklah nuhnak lasr ke kuh luhn Jisus Kraist tiac kalmac pa El muhkwena pa kuht nuhnkuh uh. Tuhsruhk kalmac pa nuhnak lasr nohfohn elos petsacelah luhngse Lal, moul ac mwe luti Lal, ac iwaclah ac Sifilpac Moulyak. Jisus El tiacna oasr ke sroasrihk muhlkuhnyucklac se, ke srihpen nuhnak lasr Kacl uh kwacna orekma ac oasr ac nohfohn ma oasr [yohrohsr uh luhngse] el!12 Kuht pruhe ac fahk na fahk ke nuhnak lasr uh ma kuht lotwelah ma kolkuhtlac nuh Yohrohl. Kuht suli nuh ke nuhnak lasr uh petsac muhtahl, ma suhmuhslah muhtahl, ac on wowo in ahtolkuht ke moul kahfofo se inge. Luhngse lasr nuh Sel uh tiac na kuhlaswack ahsor ac kweok lasr ke moul suhkawihl se inge, tuhsruhk lwelah nuh sesr in fahsryang nuh ke ma upac ke kuh ma yohk liki na kuhiyacsr.

Jisus, pa in nuhnak uh

Ma wolacna nwacklah insiyuck

Wolacna yohk ke liye motom

Ac in monlgac Yurum.13

Esam, kom tuhlihk nguhn nuhtin Pahpah Lucng. Oacna ke Mwet Sap Paul el ahkuhtweyac, kuht pa “tulik nutin God.”14 Kom tuh moulkihn ohiyac lom sifacna meet liki na [kom] tuhkuh nuh facluh. Pahpah tuhmasr El oraclah plwacn na wowo se nuh sesr in tuhkuh nuh facluh, lutlut, ac fohlohk nuh Yohrohl. El suhpwacma Wen Kuloh se Nahtuhl ke kuh luhn Iwaclah ac Sifil Moulyak kuhlacna Lal, kuht kuh in moul ahluhkwelah kuclyuck uh; ac ke kuht kampare in ahsrosrye luhlahlfongi lasr uh Sel ac auliyak liki ma koluk lasr,15 kuht eis nuhnak muhnahs ac eis finsrak nuh ke moul ma pahtpaht.16

Lohacng Upac nuh ke Nuhnak Lasr ac Nguhnasr

Ke moul suhkawihl se inge, kuht enenuh in lohacng upac nuh ke nuhnak lasr uh ac nguhnasr.17 Nguhnasr lwelah kuht in moul, in sulaclah, ac in nuhnuhnkuh lah meac wo ac koluk.18 Nguhnasr eis ahkpwacye ke loh lah God pa Pahpah tuhmasr, lah Jisus Kraist pa Wen nuhtin God, ac lah luti Lalos pa kol kuht nuh ke engan inge ac ke moul ma pahtpaht tukun kuclyuck uh.

Nuhnak lal Alma sruokyac na nuhnak se inge ke Jisus Kraist. Ma inge ekuhllah moul lal. Toeni luhlahp pa pacl se in kahlwem ke ma Leum El kena kuht in oruh. Oacyacpac pacl in motko ke kapwack lasr. Ke kunohkohn luhk uh usyuc nuh facluh nohfohn, nga liye kuh luhn nguhn ma ahkyohkyeyuck sin mempucr suwohswohs, oaru luhn Alu uh.

Yac limekohsr somlah ah, tuh siyuckyuck sesr in ahkyohkye Mwet Lahngo ke ma nuhkwewa kuht oruh ke [kuht] orekmakihn inen Alu luhn Jisus Kraist luhn Mwet Luhlahlfongi ke Lwen-sahflah.19 Kuht fahklah Inel ke ohi.

Yac ahkosr tari ah, ke ahkfototoye pacl luhn toeni in alu, kuht lihksreni lohacng nuh ke ipeis kuhfa luhn Leum. Kuht nuhnkuh yohk ke Jisus Kraist ac olwelah lasr in esamuhl pacl nuhkwewa.20

Ke srisrilac se ke mas upac se sikyak fin facluh ah, ac kahsruh ke Fahsruh, Fahsr Tukuk, luti luhn Mwet Lahngo yohk srihpac liki na met ah in lohm sesr uh, kahsruh alu luhn Mwet Lahngo lasr ke wik sacn.

Ke kuht ukwe mwe luti lal Prestuhn Nelson in “Lohngohl,”21 kuht ahksasucye ohiyacsr in akihlen puhsren Nguhn Muhtahl ac in liye poun Leum ke moul lasr.

Ke sulkackihnyuck ac ahksahfyeyucklac luhn tempuhl, puhseni pacl kuht ilyak nuh lun lohm sin Leum ac eis mwe insewowo uliyuck Lal. Kuht puhla yohk likina met kahtoiyacn Mwet in Molwelah lasr ac Mwet in Iwaclah lasr.

Prestuhn Nelson el fahk: “Wacngihn ma fihsrwacsr kuh sifacna muhtwacwacack mukwikwi in eklac [sie] [mwet tuhma lutlut fokoko. Lohacng lasr uh enenuh in fungyang nuh sin Mwet Lahngo ac wosasuc Lal. Upac fin tiac fas in kwacfweacng in ngwet nuh Sel ke nuhnak {nuhkwewa22

Ke kuht lohacng na nuh sin Jisus Kraist, ma nuhkwewa ma raunikuhtlac uh—ingena—ac tuniyuck ke luhngse lasr nuh Sel. Ma ma srihk srihpac an ac eflah, ac kuht eislah ma suc tiac fahsr fal nuh ke kahlwem ac ohiyac Lal. Ke kom kalweni srihke in sruokyac nuhnak se inge ke Jisus Kraist, luhlahlfongi in El, ac liyacacng masap Lal, kom ahkinsewowoyeyuck tiac ke kolyuck muhkwena tuhsruhk ke kuh inkuhsrao—ke kuh ma e ahkkweye wuhlweacng lom, mislac nuh ke tihkuclkucl lom, ac engan nuh ke insewowo lom.

Esam Jisus Kraist

Wik puh somlah ah, nga ac Kathy muhtwacta ke lohm sel Matt ac Sarah Johnson. Ke pihsinkac ah oasr sie petsac ke sucu sacohk lalos, na petsac se ke Mwet Lahngo, ac sroal se ke tempuhl.

Tuhlihk muhtwacn ahkosr nahtuhlos, pa Maddy, Ruby, Claire, ac June, elos sramsram engan ke luhpan luhngse lalos nuh sin ninac kiyaclos.

Ke yac se kuhtuh, Sarah el oraclah Sactte in pacl luhn sucu in tuhkweni som nuh tempuhl tuh tuhlihk muhtwacn an in kuh in wi oruh pacptais nuh sin sucu ma misac.

Ke Nohfuhmpuh ke yac tari ah, Sarah el pakiyac pacl luhn sucu in tuhkweni som nuh tempuhl ke wik sahflah se ke Tisacmpuh ke Tuhstuh se, a tiac Sactte se. “Nga finsrak in wona sum,” el fahk nuh sel Matt.

Sarah el mas cancer, tuhsruhk taktuh ah pahngon na muh elac moul sun yac luo kuh tolu ma. Ke wik se emet ke Tisacmpuh, ke toeni ke kuhfa luhn Leum, Sarah el akacsruhi ke luhlahlfongi fokoko lal, fahk lah oacna sie ma e sikyak nuh sel, el luhngse Mwet Lahngo ke insiacl kwewa ac lah “itto se inge kuhtangyucklac tari” Sel. Ke fahfahlac Tisacmpuh sac, Sarah el kweoki, ac utucklac el nuh hospital. Ke lututacng in Tuhstuh, Tisacmpuh 29, in mislac, el ahksahfyelah moul suhkawihl lal. Matt el muhta na siskacl ke fong fohn sac.

Insiacl muhsahlsahluh ac arulacna tohtohlah mahnol ac puhla lal, el som nuh lohm sel ah, el ahsor wi tuhlihk muhtwacn nahtuhl. Ke Matt el ngwetwacng nuh ke phone se nahtuhl ah, el liyacack mwe acsmakihn se ke pacl in muhtwacta lalos nuh tempuhl ke Tuhstuh ma Sarah el tuh pakiyac nuh ke lwen sac. Matt el fahk, “Ke nga tuhfahna in liyacack ah, nga motko, tiac kuh in oraclah.”

Tuhsruhk nuhnak lal Matt ah sruokyac na nuhnak se inge: “Mwet Lahngo El moul. Wacngihn kuhtwena acn kuht ke suculac in oasr we liki na lohm muhtahl Sel.”

Petsac
Sucu Johnson

Matt, Maddy, Ruby, Claire, ac June elos som nuh tempuhl ke pacl pakpucki se ma Sarah el oraclah lalos ah. Ke sronin muhtahl kahklah lihkihn tuhpahl, Matt el wi tuhlihk muhtwacn nahtuhl ah oruh pacptais. Elos puhlakihn luhngse yohk ac inmahsrlo fokoko lalos nuh sel Sarah, ac elos puhlakihn luhngse yohk ac mislac luhn Mwet Lahngo. Matt el akacsruhi fahk, “Ke nga puhlakihn ahsor ac suhpwacr yohk, nga wowoyak ke engan, ke [nga] etuh plwacn wolacna luhn Pahpah tuhmuhk ke molwelah.”

Ke pacl in Istuh se inge, nga loh ke ma pwacye fohnlah ac suwohs ke kihsac in iwaclah ma wacngihn ma wo oacna luhn Mwet Lahngo ac ke Sifilpac Moulyak wolacna Lal. Ke nuhnak lom an lihksreni sruokyac ne tok ma pahtpaht nuhnak ke Jisus Kraist, ac ke kom lohacng ke moul lom ke nuhnak se inge, nga uli nuh sum lah kom e fah puhlakihn finsrak Lal, mislac Lal, ac luhngse Lal. Ke inen Jisus Kraist, amen.

Mwe Kahsruh

  1. “Guide Us, O Thou Great Jehovah,” Hymns, nempuh 83.

  2. Liye Mosiah 27:8

  3. Liye Alma 36:10

  4. Alma 36:17

  5. Alma 36:12

  6. Alma 36:17

  7. Alma 36:18. Ke pacl sahyac “in sruokyacna” orekmakihnyuck ke Puk luhn Mormon sramsramkihn mwet suc ma “sruokyacna sahflahiyacn osra soko ah” (1 Nephi 8:24, 30).

  8. Alma 36:19

  9. Alma 36:21

  10. “Mweun upac se emeet ke moul uh pa in acnwuck lain mihs in moul lom sifacna an” (David O. McKay, in Conference Report, Eprel. 1967, 84).

  11. “[Nuhnak an] ahkfahsrye mukwikwi nuhkwewa. Nuhnak lasr pa mwe kuhpahsr, acn in kuhpahsriyac ma uh nuh ke muwkwikwi lasr uh (Boyd K. Packer, That All May Be Edified [1982], 33).

    Prestuhn Dallin H. Oaks el luti: “Kuht kuh in tulokihn kena koluk ac ahollah ke ma suwohswohs. Ma inge weacng lutlut ac pracktis. Prestuhn Joseph F. Smith el luti lah lutlut … ke kena lasr uh pa sie ma srihpac emet (Pure in Heart [1988], 149).

  12. “Praise to the Lord, the Almighty,” Hymns, nempuh 72.

  13. “Jesus, the Very Thought of Thee,” Hymns, nempuh 141.

  14. Orekma 17:29.

  15. Liye Doctrine and Covenants 58:42–43.

  16. Liye Doctrine and Covenants 14:7.

  17. Wacngihn kuhtwena mwet sahyacn God suc etuh nuhnak lom ac srihpac luhn insiom (Doctrine and Covenants 6:16

  18. “Sie mwet wo el fahkak ma wo liki nunak wo su oan insial, ac sie mwet koluk el fahkak ma koluk liki nunak koluk su oan insial. Tuh oalu el kaskas ac fahk ma su inse sesseslah kac.” (Luke 6:45).

  19. Liye Russell M. Nelson, “Ine Pwacye luhn Alu uhLiahonaNohfohmpuh. 2018, 87–89.

  20. Wuhlweacng lasr ke kais sie wik ke pruhe in kuhfa luhn Leum pa lah kuht e fah “esamuhl pacl nuhkwewa” (Moroni 4:3; Doctrine and Covenants 20:77). Puk luhn Mormon ahkkweye kuht in orekmakihn kahs uh pacl luo, sie tukun siepac: “esam, esam” (Mosiah 2:41; Alma 37:13; Helaman 5:9). Esam in nguhn uh tuhkuh ke kuh luhn Nguhn Muhtahl: “El fah luti kowos ma nukewa, ac oru kowos in esamak ma nukewa ma nga fahk tari nu suwos” (John 14:26).

  21. Russell M. Nelson, “PorongelLiahona, Mei 2020, 90.

  22. Russell M. Nelson, “Drawing the Power of Jesus Christ into Our Lives,” Liahona, May 2017, 41. Prestuhn Nelson el oacyacpac fahk lah engan se ma [Mwet Luhlahlfongi ke Lwen-sahflah] elos puhlakihn an tiac arulacna ma ke ohiyacn moul lasr uh tuhsruhk ma ingacn kwewa ma ke [kuht] lohacng ke moul lasr uh (“Joy and Spiritual Survival,” Liahona, Nohfuhmpuh 2016, 82).