Alam Kong Buhay ang Aking Manunubos

Sa pagbabasa ninyo ng mga banal na kasulatan, nagiging katulad kayo ng ilan sa mga taong nakita ni Lehi sa kanyang pangitain ng punungkahoy ng buhay (tingnan sa 1 Nephi 8). May nakitang mga tao si Lehi na nakakapit sa gabay na bakal at ayaw bumitiw rito. Ang mga tao ay may patotoo kay Jesucristo, at tinulungan sila ng gabay na bakal na lumapit sa Kanya. Ang gabay na bakal ang salita ng Diyos—ang mga banal na kasulatan at mga salita ng ating mga propeta. Nalaman ng mga taong kumapit sa gabay na bakal na si Jesucristo ay buhay. Siya ang ating Tagapagligtas at Manunubos. Naparito Siya sa lupa tulad ng sinabi ng mga propeta, at muli Siyang magbabalik sa lupa.

Habang patuloy ninyong ginagawa ang mga bagay na inyong natutuhan sa taong ito, pagpapalain kayong malaman na si Jesucristo ay buhay. Magkakaroon kayo ng sariling patotoo.