ʻOku ou fie tala atu ʻoku ou saiʻia hono lau e makasini Liahoná , pea ʻoku ou ʻiloʻi ʻoku ʻi ai e ngaahi lea ʻa e palōfitá. ʻOku ou maʻu ha fakamoʻoni ki hono moʻoni ʻo e Tohi ʻa Molomoná mo e lotú. ʻOku ou houngaʻia ʻi he ongoongoleleí ʻi heʻeku moʻuí, pea ʻoku ou feinga ke hoko ko ha faʻifaʻitakiʻanga ki he toʻu tupu ʻoku teʻeki ke nau ʻilo e folofola ʻa e ʻEikí.

ʻOku teʻeki ke u kau ki homou Siasí, ka ʻoku ou fiefia pea fonu hoku lotó ʻi he nonga ʻi he faifai peá u ʻiloʻi e moʻoní. Ne ʻomi ʻe haku kaungāmeʻa ha tatau ʻo e Liahoná mo e Tohi ʻa Molomoná ke u lau, pea neongo ne u ʻilo e moʻoní ʻi ai ka naʻá ku momou he naʻe talamai ʻe ha niʻihi ʻoku ʻikai ko ha Siasi lelei ʻeni.

Ka koeʻuhí ne u ongoʻi e ngaahi moʻoni ʻa Kalaisí, ne u kamata ke toe lau ia, pea kamata ke u ongoʻi ha nonga naʻá ne nofoʻia ʻa hoku lotó. ʻOku mahino pea langaki moʻui ʻa e ngaahi akonakí—pea ko e ngāue ia ʻa e Laumālie Māʻoniʻoní. ʻOku ʻikai ha ngaahi ʻiuniti ʻo e Siasí ʻi he ngaahi feituʻu ʻoku ou nofo aí, ka ʻoku ou lotua ʻe fakaava ʻe he ʻEikí ha ngaahi matapā ke lava ʻo ʻomi e ongoongolelei kuo toe fakafoki maí ki hoku koló pea lava ke u papitaiso.