Imahe

Elaine S. Dalton

“Ang Manluluwas mianhi sa yuta aron sa pagpakita kanato unsaon sa pagsunod sa plano nga gipasiugdahan didto sa langit—usa ka plano nga, kon sundon, makapalipay nato. Ang Iyang ehemplo mipakita kanato sa dalan sa pagpauli ngadto sa atong Langitnong Amahan. Walay lain kinsa sukad nagpakabuhi nga hilabihan ka ‘makanunayon ug dili mausab’ (Mosiah 5:15). Wala gayud Siya mabalda. Naka-focus Siya sa pagtuman sa kabubut-on sa Amahan, ug nagpabilin Siya nga matinud-anon sa Iyang balaan nga misyon. …

“Kamo kabahin sa talagsaon nga plano nga gipresentar didto sa kinabuhi nga wala pa dinhi sa yuta. Ang inyong pag-anhi sa yuta gipaabut na sukad gidawat ang plano. Ang panahon ug lugar sa inyong pag-anhi dili aksidente. Ang inyong ‘naghingapin nga hugot nga pagtuo ug maayong mga buhat’ (Alma 13:3) kaniadto nakahimo sa pundasyon sa unsay inyong mabuhat karon kon kamo matinud-anon ug masulundon. … Kamo adunay dako nga buluhaton. Aron sa pagtuman sa inyong balaan nga misyon ug pagsunod sa plano sa kalipay, kamo kinahanglan usab nga makanunayon ug dili matarug.”