“Hinumdumi usab ang Imong Magbubuhat sa mga Adlaw sa Imong Pagkabatan-on” (Ecclesiastes 12:1)

Ang mga kasulatan nagrekord sa mga pagpangalagad sa mga propeta ug mga apostoles. Daghan niining mga lider nasayud sa Dios gikan pa sa ilang pagkabatan-on. Aniay lima ka mga kasaysayan sa kasulatan nga naghulagway sa mga kasinatian sa pipila niining mga lider sa umaabot.

• Si Juan Bautista, kinsa gitawag aron sa pag-andam sa katawhan alang “sa pag-anhi sa Ginoo,” “na-orden“ pinaagi sa anghel sa Dios sa panahon nga siya walo pa ka mga adlaw ngadto niini nga gahum“ (D&P 84:27–28).

• Si Haring Josias, gikoronahan sa edad nga otso anyos, migahin sa iyang 31 ka tuig nga pagdumala sa pagtabang sa mga Judeo nga makabig sa ebanghelyo (tan-awa sa 2 Mga Hari 22).

• Mga 10 anyos si Mormon sa dihang gipili siya ni Ammaron nga mahimong sunod nga tigtipig sa mga talaan (ang mga palid ni Nephi). Mga 16 anyos si Mormon nga nangulo sa Nephite nga mga kasundalohan. (Tan-awa sa Mormon 1:2–4; 2:1–2.)

• Si David usa pa lamang ka “batan-on” (usa ka batan-ong lalaki) sa dihang iyang gipatay si Goliath, tingali susama og edad sa mga sundalo ni Helaman (tan-awa sa 1 Samuel 17:49–56; Alma 53:22).

• Si Jose 17 anyos sa dihang siya gibaligya ngadto sa Ehipto, diin “ang Ginoo nag-uban kang Jose” (tan-awa sa Genesis 37:2, 27–28; 39:2).