Gagmay ug Yano nga mga Butang

2011

Abril 2011

Gagmay ug Yano nga mga Butang

Ug gikan sa gagmay nga mga butang magagikan ang mga dagko” (D&P 64:33).

Nagkat-on gikan sa Komperensya

Ang among mga anak karon nanagko na ug aduna nay ilang kaugalingong mga panimalay ug mga pamilya, apan kami nakakita og maayo kaayo nga paagi nga dungang magkat-on sa mga pulong sa mga propeta. Pagkasunod bulan human sa matag kinatibuk-ang komperensya, tun-an nako ang mga pakigpulong diha sa www.conference.lds.org ug mopili og mga kinutlo nga makahatag og direksyon, giya, ug paghupay. Mokolekta ko og igo nga adunay usa ka kinutlo matag adlaw sa sunod unom ka bulan. (Pananglitan, atol sa Abril, mangita ko og usa ka kinutlo para sa Mayo 1–Oktubre 31.) Dayon akong ihatag ang mga kopya sa kinutlo ngadto sa matag usa sa among mga anak.

Isip usa ka tabang alang sa ilang kaugalingon nga pagtuon sa komperensya, kining mga kinutlo alang sa adlaw sa kasagaran mahimong hilisgutan sa pag-istoryahanay sa mga sakop sa pamilya. Kini usa ka talagsaon nga kasinatian sa pagribyu sa tambag sa mga propeta sa mga mosunod nga bulan human sa kinatibuk-ang komperensya, bisan kon kami nagpuyo nga lagyo sa usag usa.

Christine Tippetts, Utah, USA

LDS Employment Resource Services Workshop

Ang LDS Employment Resource Services nagtanyag og usa ka workshop aron sa pagtabang niadtong nangita og trabaho, gusto nga moeskwela, o magsugod og negosyo. Ang workshop makatabang sa mga tawo nga mopahimutang sa ilang mga tumong sa pagpanarbaho ug sa pagpalambo og pagsalig sa ilang abilidad sa paglampos. Gitumong kini nga instructional, interactive, makapadasig ug makalingaw. Ang mga indibidwal nga mogamit sa ilang nakat-unan sa workshop sa kasagaran mas daling makakita og trabaho kay sa sila lang.

Ang workshop naglakip sa mga hilisgutan sama sa pag-ila sa tumong sa pagpanarbaho, pagpangita og mga kapanguhaan aron makab-ot ang mga tumong, pagsulat og mga résumé, ug pagmalampuson sa bag-ong trabaho.

Sa pagpangita sa lugar sa workshop, pangutana sa inyong bishop o presidente sa branch o bisitaha ang www.ldsjobs.org ug i-klik ang “Find a Center.”

IBABAW SA WALA: PAGHULAGWAY PINAAGI NI PAUL MANN; detalye gikan sa Gidala ni Shaphan ang Papel Linukot ngadto kang Josias, ni Robert T. Barrett © 1990, dili mahimong pakopyahan; Si Mormon Giminubo ang mga Palid, ni Tom Lovell © IRI; Si David ug si Goliath, pinaagi ni Steve Nethercott, dili mahimong pakopyahan; Mga Karaang Ehemplo/Modernong mga Saad, ni Jeff Ward