Niadtong Enero, 147 ka mga miyembro sa Simbahan gikan sa New Caledonia migahin og usa ka bulan sa Hamilton, New Zealand, sa pagtambong og templo didto.

Alang sa kadaghanan kadto ang unang panahon nga sila nakasimba sa templo sa Santos sa Ulahing mga Adlaw. Alang sa uban usa kadto ka tinuig nga hitabo.

“Kami walay templo sa New Caledonia, ug kadaghanan sa mga miyembro naggikan sa labihan ka kabus nga mga pamilya,” miingon si Georgie Guidi, kauban sa grupo. “Ang mga ginikanan nagtrabaho sa tibuok tuig aron makatigum alang sa biyahe.” Ang templo nahimutang kapin pa sa 1,000 ka mga milya (1,600 ka kilometros) gikan sa mga panimalay niini nga mga miyembro.

Miingon siya nga ang hinungdan nganong andam silang moadto sa New Zealand mao nga ang ilang nasinati didto naglig-on sa ilang pagtuo kang Jesukristo ug naghiusa sa ilang mga pamilya.

Si Gerard Mou-Tham, district president sa New Caledonia, midugang nga “ang pag-adto sa templo usa ka oportunidad alang sa daghan sa pagpalambo sa ilang pagtuo ug mas maduol sa Dios.”