Akong bana ug ako mogamit sa Liahona alang sa family home evening. Kini nahimong usa ka makapabayaw nga kasinatian. Sa mensahe gikan sa Unang Kapangulohan, among gitinguha ang mga pulong sa pagdasig aron sa pagtabang namo sa inadlaw adlaw nga mga hagit. Maingon nga kami mipalig-on sa mga pondasyon sa usa ka panimalay ug kaminyoon nga natukod sa Manluluwas nga si Jesukristo.

Ang mensahe diha sa Liahona nakapalig-on gayud kanako, ilabi na nga ang akong inahan mipanaw na. Bisan diha sa taliwala sa akong kasub-anan, ako nalipay nga mahimong kabahin niining talagsaon nga buhat ug aron maangkon ang tanan nga mga panalangin sa ebanghelyo sa akong kinabuhi. Nakahibalo ako nga kon ako molahutay hangtud sa katapusan ako mahimong makauban pag-usab sa akong inahan.