Mga Ideya sa Family Home Evening

“Sugdi ang Paglihok,” pahina 42: isip tipik sa leksyon, hunahunaa ang pagdula sa Simon Says aron sa paghulagway sa usa ka tawo nga naghulat kanimo nga mosulti nga lihok. (Sa pagdula sa game, usa ka tawo ang moingon, “Simon says …” ug unya sultihan ang uban sa paglihok, sama sa pag-isa sa kamot. Kini nga tawo mopadayon og pila ka higayon sa ingon niini nga paagi ug mosulay sa paghimo sa uban nga mobuhat og usa ka lihok kon siya wala makauna sa pag-ingon nga, “Simon says.” Sama pananglit: “Simon says iisa ang kamot. Simon says pak pak. Iundak ang usa nimo ka tiil.”) Ihatag ang imong pagpamatuod sa usa ka higayon nga ikaw nagiyahan samtang ikaw mipadayon sa unahan.

“Ang Tubag diha sa Ikawalo nga Bersikulo,” pahina 50: Basaha og dungan ang artikulo ug unya basaha ang Santiago 1:8. Hisguti kon unsa ang ipasabut sa doble nga panghunahuna. Mahimo usab ikaw nga mobasa sa Mateo 6:24 ug Josue 24:15. Unsa man ang gitudlo niini nga artikulo ngari nato kabahin sa relasyon tali sa atong pagpili ug sa atong tinguha? Unsa man ang gitudlo niini kanato kabahin sa atong Langitnon nga Amahan? Unsa man ang buhaton ni Angelica aron mahibaloan ang mga tubag sa iyang mga pangutana? Hunahunaa ang pagpamatuod sa kaimportante sa pagtuon sa kasulatan ug pag-ampo.

“Ang Calling,” pahina 68: Isugilon kini nga estorya. Hunahunaa ang paghisgut kon sa unsa nga paagi nga ang mga talento sa mga sakop sa inyong pamilya makabenepisyo sa uban pinaagi sa serbisyo ug sa mga calling sa Simbahan. Himoa ang pasalig sa pagkat-on o paglambo niana nga talento o kahanas.