Elder Randy D. Funk

Ua paari o Elder Randy Dennis Funk no te pŭpŭ piti o te Hitu Ahuru i roto i te tumu parau ra : « Tiʻaturi i te Fatu e i To’na ra maitai ».

I roto i te toru o te matahiti o ta’na haapiiraa no te ohipa o te ture, ua hapu ta’na vahine no te piti o ta raua tamarii, e e toroʻa hiʻopoʻa ture to’na i taua taime ra a tae mai ai te piiraa ia tavini ei peresideni no te pŭpŭ peresibutero. « Ua farii au i taua piiraa ra i taua taime fifi ra, e ua pure au i te Metua i te Ao ra ia faatupu i te taa-ê-raa », ta’na ïa parau. « Ua hinaaro vau i te tauturu no te rave i to’u piiraa, faaoti hope roa i ta’u haapiiraa, ia itehia te hoê ohipa, e ia aupuru i to’u utuafare apî. Te haamaitairaa ta’u i farii, ua hau roa ïa i tei au ia’u. Na taua ohipa ra i horoʻa mai ia’u i te faaroo rahi i roto i te maitai o te Fatu e Ta’na mau haamaitairaa i niʻa i te feia e faaitoito tamau noa i te tavini Ia’na ».

Ua fanauhia oia i te avaʻe atete 1952 ia C. Dennis e o Rebecca Funk, ua paari i Manti, Utah ; i Madison, Wisconsin ; e i Smithfield, Utah, te mau Hau Amui no Marite. Ua hiʻo noa oia i to’na metua tane i te taviniraa ma te haapaʻo maitai i roto i te Ekalesia e ua haapiihia oia i te faufaa no te faaotiraa i te mau ohipa o te autahuʻaraa.

I muri aʻe i ta’na misioni i Inidonetia, ua faaipoipo oia ia Andrea Clyde i te 29 no me 1976, i roto i te hiero no Logan Utah. E ono tamarii ta raua. Ua roaa te parau tuʻite a Elder Funk i roto i te aamu o te ao, i te fare haapiiraa tuaroru no te tuhaa fenua no Utaha e te parau tuʻite tahua tuatoru (doctorat) no te auaha ture i roto i te fare University o Utah. Ua riro oia ei apiti i roto i te hoê taiete rahi no te ture i Denver, Colorado, na mua aʻe a piihia ai oia ia tavini tamau i roto i te Ekalesia, tei haamata na niʻa i to’na piiraa ei peresideni no te misioni no India Bangalore i te matahiti 2010.

« I te taime ua haere matou i Inidia, ua tiʻaturi matou i te mau parau a te Faaora : « E teie faahou â, te parau atu nei au ia oe e, o ratou ta oe e tono atu i to’u iʻoa nei, na roto i te reo o to oe mau taeaʻe, te Tino ahuru e ma Piti ra, i faaauhia e i haamanahia hoi e oe na, e noaa ïa te mana no te iriti mai i te uputa no to’u basileia nei i te mau nunaa atoa ta oe e tono atu ia ratou raʻ (PH&PF 112:21) ». Ua tavini o Elder Funk ei peresideni no te pŭpŭ peresibutero, peresideni no te Feia Apî Tamaroa, episekopo, peresideni tĭtĭ, e Hitu Ahuru Area.