Maʻá e Fānau Īkí
Fakamoʻui ʻe Sīsū ha Tangata ne Mahaki Tete
Mei he Luke 5:17–25.
ʻI ha ʻaho ʻe taha ne akoʻi ai ʻe Sīsū ha kakai ʻi ha fale.
Ne ʻi tuʻa ha tangata ne ʻikai lava ʻo ʻalu. Naʻe fata mai ia ʻe hono ngaahi kaungāmeʻá ki he falé ke lava ʻo fakamoʻui ia ʻe Sīsū. Ka naʻe fuʻu fonu e falé ʻo ʻikai lava ai hono ngaahi kaungāmeʻá ʻo fakahū ia ki he falé.
Naʻe ʻave ʻa e tangatá ʻe hono ngaahi kaungāmeʻá ki he funga falé. Naʻa nau fakaava leva e ʻato ʻo e falé. Naʻa nau tukutukuhifo e tangatá mo hono mohengá ki he falé ke lava ʻa Sīsū ʻo mamata kiate ia.
Ne ʻafio ʻa Sīsū ki he tui lahi ne maʻu ʻe he tangatá mo hono ngaahi kaungāmeʻá. Naʻá Ne fekau e tangatá ke tuʻu ki ʻolunga pea ʻalu. Naʻe tuʻu hake e tangatá. Naʻá ne toe lava ʻo ʻalu! Naʻá ne toʻo hake hono mohengá, pea foki fiefia ki ʻapi.
Ne fakahā ʻe Sīsū Kalaisi he ʻaho ko iá Hono fuʻu mālohí ʻaki hono fakamoʻui ʻo e tangatá. Naʻá Ne finangalo ke ʻiloʻi ʻe he kakaí ʻokú Ne maʻu e mālohi ke fai ha ngaahi meʻa fakaofo lahi.