Ko ʻEtau Pēsí
ʻOku ako ʻe he fānau he Uooti Kasitaloni ʻi Sipeiní ʻa e lotú ʻi he Palaimelí, ke laukonga mo mahino e folofolá, pea ke tokoni ki he kaungāʻapí.
Kiotano V., taʻu 5, Pelū
Taniela, fai ʻe Tali M., taʻu 10, Mekisikou
ʻOku ou loto ke vahevahe atu ʻeku fakamoʻoní: ʻOku ou ʻilo ʻoku moʻui e ʻOtuá, pea ʻokú Ne fanongo mo tali mai ʻetau ngaahi lotú kapau ʻoku tau maʻu e tuí. ʻOku ou ʻiloʻi ʻoku ʻofa ʻa Sīsū Kalaisi ʻiate kitautolu, pea ʻoku ou ʻilo ʻoku moʻoni e Tohi ʻa Molomoná.
ʻIlisa F., taʻu 11, Palāsila
ʻOku ou loto ke vahevahe atu e meʻa ne u ongoʻi he ʻaho ne papitaiso ai aú. ʻI heʻeku hifo ki he vai faiʻanga papitaisó, ne u ongoʻi ha leʻo ʻoku pehē mai kiate au, “Piuela, ʻokú ke fai e meʻa ʻoku totonú.” Naʻá ku fuʻu fiefia ʻaupito ke papitaiso au!
Piuela G., taʻu 9, ʻĀsenitina
ʻOku saiʻia ʻa Felenisisikou P., taʻu 4, mei Sile, ke ʻaʻahi ki he ngaahi ngoue ʻo e Temipale Senitieko Silé. ʻOkú ne ako ke lea ʻi he Palaimelí mo fai maʻu pē ʻene lotú. ʻOkú ne saiʻia ke fai ha tokoni lolotonga hono fai ʻo e efiafi fakafāmili ʻi ʻapí.
Ko ha kiʻi tamasiʻi poto mo mata fakatokanga ʻa Keiki M., taʻu 5, mei Palāsila, neongo ʻa e ʻikai ke ne lava ʻo lué koeʻuhí he ʻoku mamatea. ʻOkú ne saiʻia he ʻalu ki he lotú. ʻOkú ne saiʻia he ngaahi himí pea hiva maʻu pē he lotu sākalamēnití. Ko e fuofua himi naʻá ne akó ko e “Fānau Au ʻa e ʻOtuá.” Ko e tokotaha ʻofa ʻa Keiki, saiʻia ke fakaongoongoleleiʻi, pea ko ha tāpuaki lahi ia ki hono fāmilí.