Ang mga Tubag sa Komperensya

Sa dihang namatay ang akong Lola Edwards, ang akong igsoong babaye, si Mia, ug ako naguol. Bisan tuod ang akong mga ginikanan misulti kanamo nga among makita pag-usab ang among apohan sa tuhod ug mahimong usa ka pamilya hangtud sa kahangturan, kami nabalaka.

Si papa misulti kanamo nga makahimo kami sa pag-ampo aron ang among mga pangutana mahitungod ni Lola Edwards matubag sa kinatibuk-ang komperensya. Ako nag-ampo aron masayud kon si Lola Edwards nalipay. Si Mia nag-ampo aron masayud kon si Lola Edwards kauban sa iyang bana ug anak nga babaye, kinsa namatay na.

Atol sa sesyon sa Dominggo sa buntag sa komperensya, kami maminaw, ug among nadungog ang propeta nga mitubag sa among mga pangutana! Si Presidente Monson miingon nga kon ang tawo mamatay, mora kini og misulod sila sa usa ka lawak nga puno sa tanang mga sakop sa pamilya nga ilang gihigugma kinsa unang namatay kanila. Mao nga si Mia nasayud nga si Lola Edwards kauban sa iyang bana ug anak nga babaye. Dayon si Presidente Monson mibasa og usa ka parte sa Basahon ni Mormon nga nag-ingon nga ang mga espiritu sa matarung moadto sa usa ka kahimtang sa kalipay (tan-awa sa Alma 40:11–12).¹ Si Lola Edwards kanunay naningkamot sa pagpili sa matarung, mao nga ako nasayud nga siya malipayon.

Si Mia ug ako malipayon kaayo nga masayud nga ang propeta mamulong alang sa Dios ug nga ang Dios motubag sa atong mga pag-ampo. Wala na kaayo kami mabalaka ni Lola Edwards. Kami nasayud nga kon mosunod kami sa iyang ehemplo sa pagpili sa matarung, moabut ang adlaw nga kami makakita kaniya pag-usab.