Mga Ideya sa Family Home Evening

“Pag-alim sa Espirituhanong mga Samad,” pahina 14: Tan-awa ang mga pangutana sa pahina 18 niini nga artikulo ug ikonsiderar ang paggahin og panahon sa pagpakig-istorya sa tagsa-tagsa ninyong mga anak kabahin sa pornograpiya. Tungod ang mga tin-edyer usahay motan-aw og pornograpiya aron makasugakod sa mga hagit, ikonsiderar sa pagtimbang-timbang sa mga ehemplo nga inyong ipakita kon unsaon pagsugakod sa mga hagit ug mopasalig sa inyong mga anak nga molambo. Para sa inyong leksyon, makadesisyon kamo sa paghimo og mga lagda kabahin sa paggamit sa family computer ug magribyu sa mga pakigpulong sa kinatibuk-ang komperensya kabahin sa hiyas (sama sa Elaine S. Dalton, “Usa Ka Pagbalik sa Pagkahiyasnon,” Liahona, Nob. 2008, 78). Mahimo usab ninyong gamiton ang mga handumanan sa pamilya—sama sa mga litrato sa kasal ug mga sinina sa bata atol sa pagpanalangin—sa pagpakigbahin sa mga istorya kon sa unsang paagi ang hiyas nakapanalangin sa inyong kinabuhi.

“Napulo ka mga Sekreto sa Tinuod nga Pagkainila,” pahina 62: Ikonsiderar ang paggamit sa mga baruganan niini nga artikulo aron sa pagtudlo sa inyong mga anak kon sa unsang paagi sila makahigala. Makahimo mo og 10 ka word strip, ang para sa matag manggiloy-on nga kinaiya sa artikulo (tan-awa usab sa 1 Mga Taga-Corinto 13). Pangutan-a ang inyong mga anak kon sa unsang paagi ang matag kinaiya makahimo nila nga buotang higala. Dayon pag-ila og usa ka tawo nga nanginahanglan sa inyong ward o branch o kasilinganan ug paghimo og paagi nga makaserbisyo niana nga tawo. Mahimo ninyong buhaton ang inyong plano sa pagserbisyo diha-diha dayon ug magsugod pinaagi sa pag-ampo alang sa gugmang putli isip pamilya.