Ang Basahon nga adunay Yellow nga Hapin

Si Randol nagpuyo sa Bolivia. Ganahan siya nga mag-eskwela, ug iyang giampingan ang iyang mga schoolbook. Ang iyang paborito nga basahon adunay yellow nga hapin ug makapaikag nga mga drowing.

Usa ka adlaw si Randol wala makakita sa iyang yellow nga basahon. Ang iyang mama ug papa mitabang kaniya sa pagpangita, apan wala gihapon sila makakita niini.

Naguol og maayo si Randol. “Mag-ampo ta,” miingon ang amahan ni Randol. “Atong hangyuon ang Langitnong Amahan sa pagtabang kanato.”

Human sa pag-ampo, ang amahan ni Randol adunay ideya. “Atong istoryahan ang imong uyoan,” siya miingon. “Basin ang iyang mga anak naggamit sa samang basahon ug ila kang pahulamon niini.”

“Mao kini ang tubag sa among pag-ampo,” naghunahuna si Randol.

Ang pamilya ni Randol miadto sa tindahan sa iyang tiyo. Nangutana sila kaniya kabahin sa yellow nga basahon. Si Tiyo miingon nga ang iyang mga anak wala gayud maggamit niadto nga basahon.

Karon si Randol naglibog. Dili ba tubagon sa Langitnong Amahan ang ilang pag-ampo?

Nianang higayuna, pipila ka mga tawo miabut ngadto sa tindahan ni Tiyo aron mamaligya og mga libro. Aduna silay basahon nga yellow ang hapin!

Ang amahan ni Randol mipalit sa basahon. Si Randol mipasalamat sa Langitnong Amahan sa pagtubag sa iyang pag-ampo.