Ang Basahon ni Mormon anaa na sa 110 ka mga Pinulongan

Uban sa bag-ohayng pagmantala sa pinulongan nga Kosraean, ang Basahon ni Mormon nahubad na karon sa 110 ka mga pinulongan. Ang Kosrae usa ka isla sa Federated States sa Micronesia.

Ang giimprinta nga mga kopya sa Basahon ni Mormon sa pinulongang Kosraean maanaa na inigka Hulyo 2015. Ang mga digital version maanaa sa LDS.org, ingon man usab sa Gospel Library ug sa mobile apps sa Basahon ni Mormon, inigka Marso. Ang Simbahan nagpagawas karon sa mga digital version sa mga kasulatan ug sa teksto sa mga basahon nga mahimong i-print. Kini nakapahimo sa bag-ong nahubad nga mga basahon nga maanaa sa mga miyembro sa mas sayo nga panahon.

Pipila sa bag-ong mga paghubad sa mga kasulatan ipahibalo sa sunod nga duha ka tuig. Tulo ka bag-ong gihubad nga Basahon ni Mormon ug lima ka dugang gihubad nga triple combination (ang Basahon ni Mormon, Doktrina ug mga Pakigsaad, ug Perlas nga Labing Bililhon nga gimantala sa usa ka edisyon) imantala sa 2015. Ang mga miyembro nga mosulti niadtong mga pinulongan pahibaloon kon imantala na ang mga digital version.