Douglas D. Holmes
Unang Magtatambag sa Kinatibuk-ang Kapangulohan sa Young Men
“Ang kabatan-onan niining henerasyon adunay mas dakong kapasidad sa pagkamasulundon kay sa bisan unsa nga milabay nga henerasyon. Sa akong hunahuna kabahin kana sa dagan sa panahon [timetable] ug pagpangandam sa Ginoo para sa mga adlaw nga kita mabuhi,” miingon si Brother Douglas D. Holmes, kinsa gipaluyohan niadtong Abril 4, 2015, isip unang magtatambag sa kinatibuk-ang kapangulohan sa Young Men.
Si Brother Holmes natawo niadtong Pebrero 27, 1961, sa Siyudad sa Salt Lake, Utah, ngadto kang Dee W. ug Melba Howell Holmes ug nagdako sa Cottonwood Heights, Utah.
Human og serbisyo sa Scotland Glasgow Mission gikan 1980 hangtud 1982, si Brother Holmes nakadawat og bachelor’s degree sa family science gikan sa Brigham Young University niadtong 1986 ug nagpadayon aron makaangkon og master of business administration degree gikan sa Marriott School of Management sa unibersidad.
Human sa gradwasyon, siya nahimong management consultant sulod sa tulo ka tuig ug dayon mibuhat og malampusong pagpanarbaho sa telecommunications industry, nahimong executive vice president of strategy and corporate development sa Media One group. Gikan 2000 hangtud sa iyang calling isip presidente sa misyon niadtong 2010 ug pag-usab gikan sa 2013, siya adunay negosyo sa investment ug real estate development.
Daghan sa iyang panahon ug talento iyang gigahin ngadto sa mga nonprofit organization, nagserbisyo diha sa mga board sa United Way of Davis County, Utah; Parents for Choice in Education; Safe Harbor Women’s Shelter sa Davis County; ug sa Academy for Creating Enterprise.
Siya nakaserbisyo isip ward mission leader, presidente sa Young Men sa ward, bishop, ug kinabag-ohan isip magtatambag sa kapangulohan sa stake. Siya ang nagdumala sa Michigan Detroit Mission gikan 2010 hangtud 2013.
Gipakaslan niya si Erin Sue Toone niadtong Hunyo 22, 1985, sa Salt Lake Temple. Mga ginikanan sila sa unom ka mga anak.
“Among nakita ang gahum sa pulong sa among kinabuhi, maanaa man sa pulong sa mga propeta o sa kasulatan o sa mga paghunghong sa Espiritu Santo,” miingon si Brother Holmes.