M. Joseph Brough

Panahon sa tulo ka tuig nga si M. Joseph Brough miserbisyo isip presidente sa Guatemala Guatemala City Central Mission (gikan 2011 hangtud 2014), namatay ang iyang amahan ug ugangan nga lalaki.

Bisan tuod og ang iyang asawa mahimo ra untang mouli sa Estados Unidos para sa lubong, ang magtiayon mihukom niining duha ka panghitabo nga siya magpabilin sa Guatemala ug magpadayon sa ilang misyonaryo nga buhat. “Kami nasayud nga mas maayo nga magpabilin ug magtrabaho kutob sa among mahimo,” miingon si Brother Brough, gitawag niadtong Abril 4, 2015, isip ikaduhang magtatambag sa kinatibuk-ang kapangulohan sa Young Men. “Mao kadto ang gilauman sa iyang amahan ug akong amahan nga among buhaton.”

Si Brother Brough natawo sa Siyudad sa Salt Lake, Utah, niadtong Disyembre 11, 1963, ngadto kang Monte J. ug Ada B. Brough. Sa iyang kabatan-on nagtubo sa Farmington, Utah, ug Robertson, Wyoming. Ang pamilya mibalhin sa Minnesota sa dihang namatay ang amahan ni Joseph, kinsa sa wala madugay moserbisyo isip sakop sa Seventy, kinsa gitawag isip presidente sa misyon. Si Joseph anaa sa senior sa high school sa dihang nahuman iyang amahan sa pagserbisyo isip presidente sa misyon. Imbis nga mobalik sa high school, mikuha si Joseph sa high school equivalency exam ug mideretso dayon ngadto sa Weber State University sa Ogden, Utah.

Ang iyang mga ginikanan, hinoon, miinsister nga siya mogradwar sa seminary nga makadawat sa upat ka tuig nga sertipiko. Diha sa pagtambong sa seminary sa Davis High School iyang nahimamat ang iyang umaabut nga asawa, si Emily Jane Thompson. Sila naminyo niadtong Abril 25, 1985, sa Salt Lake Temple; sila ginikanan sa upat ka mga anak.

Sa wala pa maminyo ang magtiayon, si Brother Brough nagserbisyo isip misyonaryo sa Guatemala Quetzaltenango Mission. Ang iyang presidente sa misyon, si Jorge H. Perez, nahimong “pinaka impluwensyal nga tawo sa akong kinabuhi,” miingon siya.

Tigpasiugda [founder] ug tag-iya sa Rotational Molding of Utah, iyang naangkon ang bachelor’s degree sa finance ug master of business administration gikan sa University of Utah. Sa Simbahan siya nakaserbisyo isip bishop, presidente sa Young Men sa ward ug high councilor.