Q&A uban ni Elder ug Sister Bednar

Ang mga batan-on sa tibuok kalibutan gidapit nga moapil sa live, interactive nga sesyon nga Mag-atubangay sa pagpangutana ug pagtubag uban ni Elder David A. Bednar sa Korum sa Napulog Duha ka mga Apostoles ug sa iyang asawa, si Susan.

Makaapil mo sa interactive chat inigka Mayo 12, 2015, sa alas 6:00 sa hapon Mountain Daylight Time, pinaagi sa pagtan-aw sa live nga sibya diha sa LDS.org, sa LDS Youth Facebook page, sa Youth Activities site (lds.org/youth/activities), o sa Mormon Channel’s YouTube page. Ang sibya hubaron usab nga live sa Spanish, Portuguese, Italian, German, French, Russian, Korean, Japanese, ug Chinese.

Ang mga batan-on giawhag sa pagsumiter og mga pangutana sa Youth Activities site sa dili pa ug atol sa Q&A; sila makasunod usab sa panaghisgutan diha sa #LDSface2face.

“Among giawhag ang mga batan-on, samtang sila mangandam niining Q&A, sa pagtinguha sa giya sa Espiritu sa pagpamalandong sa mga pangutana nga ilang ipangutana,” miingon si Elder Bednar. “Kon maanaa kanato ang Espiritu, kitang tanan dungan nga magkat-on.”