Elder Vern P. Stanfill

Si Elder Vern Perry Stanfill nagtuo nga walay sulagma nga panghitabo. Siya nagtuo nga ang paghimamat sa isigkatawo niining kinabuhi adunay katuyoan ug ang Ginoo makadasig sa Iyang mga anak nga mahimong panalangin sa uban.

Si Elder Stanfill ganahan nga moalagad sa ebanghelyo ngadto sa uban, ilabi na sa tinagsa-tagsa nga pag-alagad ngadto sa ubang tawo.

Natawo niadtong Agosto 8, 1957, ngadto kang Jed ug Peggy Stanfill, si Elder Stanfill nagdako sa ranso sa bakahan duol sa Townsend, Montana. Siya nakakat-on sa bili sa kakugi ug nakapalig-on sa pagpamatuod sa Manluluwas nga si Jesukristo. Ikatulo sa upat ka anak, si Elder Stanfill adunay duha ka magulang nga mga lalaki ug manghud nga babaye kinsa matinud-anong nagserbisyo sa Simbahan.

“Anaa sa among kinabuhi ang kamot sa Ginoo bisan pa sa among mga kahuyang,” miingon siya. “Akong asawa ug ako dili hingpit nga mga tawo. Dili hingpit ang among pamilya. Kami ordinaryo nga mga tawo kinsa naningkamot nga mabuhi kada adlaw ug nagtugot sa Ginoo nga mahimong kabahin niini.”

Human sa pagserbisyo og full-time nga misyon sa Toulouse, France, ug sa pagsursige og degree sa agricultural economics sa Brigham Young University, iyang nahimamat ug giminyoan si Alicia Cox. Sila naminyo niadtong Disyembre 17, 1980, sa Salt Lake Temple.

Human sa gradwasyon, ang mga Stanfill mibalik sa Montana aron makatabang sa pagdumala sa ranso sa pamilya, sa pag-asikaso sa mga baka, uhot, ug lugas. Iyang gibaligya ang negosyo niadtong 1998 ug misugod sa pagdumala og portfolio sa real estate ug financial instruments, ingon man nagpasiugda og mga buhat sa pagtabang sa katawhan [philanthropic] ug sa personal nga mga kabtangan.

Si Elder Stanfill nalambigit sa pagpalupad og eroplano [aviation] sa negosyo ug kalingawan ug nagdumala sa commercial fixed wing ug rotorcraft ratings.

Dugang sa pag-amuma sa upat ka anak nga babaye uban sa iyang asawa, si Elder Stanfill adunay oportunidad sa pagserbisyo sa Simbahan isip presidente sa elders quorum, bishop, high councilor, presidente sa stake, ug Area Seventy. Nagserbisyo siya sa Ikaunom nga Korum sa Seventy dihang gitawag siya sa Unang Korum sa Seventy.