Uringa te Tia Kamaiu

Tamnei

Alma the Younger and an angel

Te katoto, ngke ana anera te Atua e wetea Aramwa te teei bwa e na raira nanona, Aramwa e bwaka iaontano ao e aki kona n taetae ke ni mwaing inanon tabeua te bong. N te tai aei, e a taonaki n te nanokawaki n uringan ana bure, ma imwiina e “uringnga … ea tia n ongo n ana taetae ni burabeti tama [na] … ni kaineti ma rokon Iesu Kristo, Natin te Atua, are e na tiringaki ibukin buren te aonaaba.” Ao ngkanne, ngke au iango e iangoa raoi te koaua aio, I tang inanou: O Iesu, ngkoe Natin te Atua, nanoangaai, ngkai I mena n te aro ae kananokawaki ae moan te mao, man otabwaniniaki n ana kabaebae te mate ae aki totoki. And now, behold, when I thought this, I could remember my pains no more” (Aramwa 36:17–19).

Ti uringan Kristo e kaira Aramwa bwa e na tataro ibukin te nanoanaga, kanakoa iangon te bure, kabebetea marakina, ao e buokia n raira nanona. N aron Aramwa, ti kona n anga i maiura nakon Kristo, ao ni karekea te kimwareirei are e reke man maiuakinan te euangkerio. Te waaki aei e moanaki man ara rinerine n uringa Iesu Kristo ao mwaakan ana Mwakuri ni Kamaiu.

1. Tamneina E na Memena Iroura

   Ngkana ti ana te toa n te Tabati, ko kauringaki n te berita are, ngkana ko uringa Kristo, kawakin Ana tua nako, ao ni katoka Arana iaom, e na memena iroum Tamneina n tainako. Bukina ti maeka nte aonaaba ae kaonaki n taian kakaewenako, e rang bebeete bwa kona kamaunaaki. Ma ngkana iai iroum te Tamnei ae Raoiroi, “man mwaakan te Tamnei ae Raoiroi ko na atai koauan bwaai ni kabane.” (Moroni 10:5). Tamnein te Uea e kona n riki bwa kairam ao ni kakabwaiako ni kawaim, kaetieti, ao katanam.

2. E Kona n Anganiira te Korakora ni Kaitara te Kariiri.

   Ara kabanea n tamaroa ao otangara ae matoa ni kaitara te kariiri bon ara onimaki iroun Iesu Kristo (tara Aramwa 37:33). Ngkai ti kabotoa ara iango iaon Kristo, ti kona n atai ana kewe Tatan ao ni kinai ana kamwane are e na keweira iai. Ibukin ngkai Iesu e kaitarai karirii ma e aki konaaki iai, ti kona ni katan irouna ngkana ti kaitarai karirii. Nibwaai e reirei bwa naake a “taua ni kamatoa [ana taeka te Atua] ao a na bon aki mamate; ao a na aki rootaki ni korakoran kanoan ana kainikatebe teuare e buakaka ma ni kamatakiaki nakon te mate” (1 Nibwaai 15:24). Ngkai ti uringa te Tia Kamaiu ao Ana reirei, E kona n tabekiira rake ao ni kakorakoraira ni kaitara te karirii.

3. Ana Banna ni Katooto E na Kairiira

   Iesu e aki tii tuangiira kawaira ae tina nako iai ni karekea te maiu are akea tokina; E kaira te kawai. E taku, “Boni ngai te kawai, ao te koaua, ao te maiu” (Ioane 14:6). Kristo bon ara banna ni katoto ae kororaoi. Inanon Ana tai n reirei ni maiuna n rabwata, Iesu e reirei ao e anga te banna ni katoto n te tangira, nimamannei, tataonannano, ao tatangira. E kabanea Ana tai n reirei, beku, ao n tangiriia tabeman.

   Ni bwaai ni kabane ake E karaoi, E ongotaeka nakon Tamana (tara Ioane 5:30). Ni bwaai ni kabane, te Tia Kamaiu e katea te banna are ti riai ni maiuakinna, ao E kaoira ni kabane bwa ti na ira Ana banna ni katooto.

   Ngkana ko kunea bwa ko aki ataia bwa ko na nakea ke tera ae ko na karaoia, uringa te Tia Kamaiu. E taetae Iesu Kristo, “Otan te aba Ngai: ane irai ao e na bon aki nakonako n te roo, ma e na karekea te oota ni kamaiu” (Ioane 8:12).

4. E Kona ni Buokiira Ni Buokiia Tabeman

   Tamnei

   Jesus Christ

   Iesu n tainako e karimoa moa kainnanoia tabeman nakon kainnanona. E “nakonako ni karaoa ae raoiroi” (Makuri 10:38). E kamarurungiia aoraki ao e buokiia naake irarikina. Ngkana ti uringa Iesu, ti uringa te mwakuri n akoi are e kabwarabwara Ni maiuna. Ti uringnga naba bwa E a tia n tuangiira bwa ti na beku Ibukina ni buokiia tabeman. “Ngkana kam beku ibukiia raomi ao kam bon beku naba iroun Atuami” (Motiaea 2:17).

   Te Uea e buokiiko ni kinaia naake irarikimi ake a kona ni kabongana ami ibuobuoki. Kam na kairaki naba n aromi ni kona ni buokiia tabeman n ae tamaroa. Maiumi a na kakukurei riki ao ni kakororaoaki ngkai ko anga ae uarereke ao te mwakuri n akoi ae beebete. Buokakiia tabeman e na uota namakinan te rau ao te kukurei inanon maiumi.

5. Ti Kona n Rairi Nanora

   Ti na bane n aki kororaoi ni kawakinan tuua, riki ngkana ti kabanei nanora ni kataia, ma bukin maiun ao ana mition Iesu Kristo, iai te kawai n oki.

   Uringakin Iesu e kauringiira n te bwaintangira n te rairannano are e anga rinanon Ana Mwakuri ni Kamaiu. Iesu e kaoira ni kabane bwa ti na rairinanora, ao ti na karekea te kimwareirei ngkai ti rairannano man te bure ao ni nako Ina. Ngkana iai inanora te nano ae korakora ni kan bitaki ao ni kawakin tua, te Uea e berita bwa ane e raira nanona man ana bure ao e na kabwaraaki, ao e taekinna te Uea bwa e na aki manga uringii, “e berita bwa ane e raira nanona man ana bure ao e na kabwaraaki, ao e taekinna te Uea bwa e na aki manga uringii” (D&C 58:42).

   Ngkai ko ana te toa, ko kamatoa ni baireia bwa ko na uringa n tainako te Tia Kamaiu. Mwaitin riki kawakinan Kristo n am iango, mwaitin riki are E na kairiko ao e na kaetiko bwa kona roko ni bwaninin am konabwai. Uringa n tainako te Tia Kamaiu ao ko na kakabwaiaki inanon maium.