Tusigāmanatu o le Konafesi o Aperila 2016
“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38 ).
A o e iloiloina le konafesi aoao ia Aperila 2016, e mafai ona e faaaogaina itulau nei (ma Tusigāmanatu o le Konafesi i lomiga i le lumanai) e fesoasoani ia te oe e suesue ma faaaoga aoaoga talu ai nei a perofeta ma aposetolo soifua ma isi taitai o le Ekalesia.
Ina ia faitau, matamata, pe faalogologo foi i lauga o le konafesi aoao, asiasi ane i le conference.lds.org.
“Filifili le faatuatua i lo le masalosalo.”
Bonnie L. Oscarson, peresitene aoao o Tamaitai Talavou, “O O’u Talitonu Ea?” Liahona, Me 2016, 89.
E tuuina mai i konafesi taitasi, e perofeta ma aposetolo ni tali musuia i fesili atonu o i ai a tagata o le Ekalesia. E mafai ona faaaoga lau lomiga o Me 2016 pe asiasi i le conference.lds.org e sue ai tali i fesili nei:
O a ni ituaiga e fa o aufono a aiga ma e aisea e taua ai?—Tagai M. Russell Ballard, “Aufono Faaleaiga,” 63.
E faapefea ona tatou saunia mo le malumalu?—Tagai Quentin L. Cook, “Vaai ia Oe Lava ia i totonu o le Malumalu,” 97.
O a ki o le perisitua?—Tagai Gary E. Stevenson, “O Fea o I Ai Ki ma le Pule o le Perisitua?” 29.
O le a se mea e sili ona tosina ai lo tatou mafaufau nai lo o se tala? O nisi nei o tala mai le tele na faasoa mai i le konafesi:
O le a se aoaoga faavae na tuuina atu se faamafanafanaga i se ulugalii i Amerika i Saute na moomoo ia faamauina le la pepe tama ia i laua?—Tagai W. Christopher Waddell, “O Se Mamanu mo le Filemu,” 90.
O le a se mea na faailoa mai e se tina ao ia lele i se helikopa e aveina atu lana tama laitiiti ua matuā ma’i tigaina i le Falemai o Tamaiti o le Peraimeri?—Tagai Bonnie L. Oscarson, “O O’u Talitonu Ea?” 87.
Na faapefea ona toe aumai e se taitai o le korama a ositaulaga se tasi o ana ositaulaga ina ia toe foi mai i le lotu?—Tagai Mervyn B. Arnold, “I Le Laveai: E Mafai Ona Tatou Faia,” 53.