Mas Maayong mga Misyonaryo, Mas Maayong mga Magtutudlo

Sa tibuok kalibutan nga sibya, dul-an sa, 71,000 ka mga elder ug sister sa 422 ka misyon nakadawat og training kon unsaon nga mahimo silang mas maayong mga misyonaryo ug mas maayong mga magtutudlo. Ang mga kausaban nga giaprubahan sa Unang Kapangulohan ug Korum sa napulog duha ka mga Apostoles gipahibalo atol sa training. Ang bag-ong inadlaw nga iskedyul motugot og dugang nga flexibility kon unsaon sa paggamit sa mga misyonaryo ang ilang oras ug mas dakong paagi nga mapahaum ang ilang panahon sa dapit kon asa sila nagserbisyo.

Ang katuyoan sa dugang nga flexibility sa iskedyul mao ang pagtabang sa mga misyonaryo nga molambo ang inadlaw nilang pagkaepektibo, makahimo og mas dinasig nga mga tumong, makaplano og mas epektibo, makahimo og mas epektibong plano, mas himsug, ug makagamit sa ilang kabubut-on sa paghimo og matarung nga mga desisyon kon unsaon nga magamit og tarung ang ilang panahon. Magtugot usab kini nga manggawas sila sa pagtrabaho sa mas taas nga oras.

Ang laing kausaban nga gipahibalo mao ang pagpamubo sa oras sa “mahinungdanong timailhan [key indicator]” nga gigamit sa mga misyonaryo sa pagreport sa kalamboan sa ilang trabaho. Gipahinumduman usab ang mga misyonaryo nga ang tanang baruganan nga naa sa Isangyaw ang Akong Ebanghelyo mga importante ug kinahanglan nga gamiton.