Lima ka Bag-ong Templo

Gipahibalo ni Presidente Thomas S. Monson ang plano sa pagtukod og lima ka bag-ong dugang nga templo, nga nahimutang sa mosunod nga mga siyudad:

Brasília, Brazil. Ang Brasília Brazil Temple mao ang ika-10 nga templo sa Brazil, lakip sa unom ka mga templo nga magamit ug ang tulo gipahibalo na o gipangtukod pa. Gawas sa Estados Unidos ug Mexico, daghan pang mga Santos sa Ulahing mga Adlaw (kapin sa 1.3 milyones) ang nagpuyo sa Brazil kay sa bisan asang nasud. Ang Brazil dunay populasyon nga 211 ka milyon.

Sa Greater Manila, sa Pilipinas. Kini nga templo maoy ikaduha sa Manila ug ikaupat sa Pilipinas. Dunay dul-an sa 750,000 ka mga Santos sa Ulahing mga Adlaw sa Pilipinas, sa populasyon nga 104 ka milyon.

Nairobi, Kenya. Ang templo moserbisyo sa kapin sa 30,000 ka mga miyembro sa eastern Africa, lakip sa 13,000 ka mga miyembro sa Kenya, nga ang populasyon 48 ka milyon. Mototal kini sa gidaghanon nga walo ka templo ang gigamit na, gitukod pa, o gipahibalo na sa Africa.

Pocatello, Idaho, USA. Ang Pocatello Idaho Temple mao ang ikaunom nga templo sa Idaho, sa estado nga dunay gibana-bana nga 450,000 ka mga Santos sa Ulahing mga Adlaw ug sa populasyon nga 1.7 ka milyon.

Saratoga Springs, Utah, USA. Kini nga templo makita nga usa ka pinakapaspas nga nagtubong mga dapit sa Utah ug mamahimo kining ika-18 nga templo niana nga estado. Sa Utah, diin ang punoang buhatan sa Simbahan nahimutang, dunay 2.1 ka milyon ka mga miyembro, nga dunay populasyon sa estado nga mga 3.1 ka milyon.

Ang lima ka templo nga gipahibalo mototal sa gidaghanon nga (155) ka magamit nga mga templo ug ang gipahibalo na nga mga templo o gipangtukod/gipang-ayo (27) mototal tanan sa gidaghanon nga 182 sa tibuok kalibutan.

Sukad sa Oktubre 2016 nga kinatibuk-ang komperensya, ang Fort Collins Colorado Temple, ang Star Valley Wyoming Temple, ug ang Hartford Connecticut Temple sa USA gipahinungod na, ug ang Suva Fiji Temple gipahinungod pag-usab.

Ang umaabut nga mga pagpahinungod giplano sigun sa gipakita sa ubos:

Gihimo na ang ground breaking para sa Winnipeg Manitoba Temple (Canada), sa Kinshasa Democratic Republic of the Congo Temple, sa Barranquilla Colombia Temple, sa Arequipa Peru Temple, ug sa Rio de Janeiro Brazil Temple.

Usab importanting mahibaloan, samtang padayon ang pagtukod sa Rome Italy Temple, ang mga estatuwa ni Jesukristo ug sa orihinal nga Napulog Duha ka mga Apostoles gibutang na sa visitors’ center, ug ang estatuwa ni anghel Moroni gibutang na sa spire.