Tatalo i Tua o le Tulaga
O se tasi o mea ou te fiafia lava e fai o le siva Aialani. Ou te taumafai malosi e faataitai lau choreography [koriokalafi] i le fale ina ia mafai ona ou saunia e faafiafia. E matuai maeaea lelei au faataitaiga, ae ou te oo loa i tua o le tulaga e sauni e faafiafia, e masani lava ona ou popole i tua o le tulaga. I tauvaga uma lava, ma te sueina ai ma lo’u tina se nofoaga paganoa e fai ai se tatalo. O nisi taimi o tua o se pupuni po o totonu o se potu e i autafa ane. Ou te iloa e le afaina ia Tama Faalelagi po o fea tatou te i ai, ae tau lava ia tatou faatuatua ia te Ia.
I la’u faafiafiaga mulimuli, sa lei i ai lo’u tina e fai faatasi le ma tatalo. Sa faatalitali o ia i le mea sa i ai le au maimoa. Sa matuai o’u popole lava ae sa ou filifili o le a le afaina pe i ai faatasi o ia ma a’u pe leai. Sa ou laa ese mai a’u uo e fai se tatalo. Sa ou ole mo le saogalemu ao o’u siva, ma ia mafai ona ou faia le mea sili. Sa lelei tele la’u taumafai i lena aso, ma ou te manatua le lagona o le toafilemu na ou lagonaina a o o’u savali atu i luga o le tulaga.
E tatau ona tatou faalagolago i taimi uma i le Tama Faalelagi. E le afaina po o fea tatou te i ai po o le a foi le taimi, e faafofoga mai o Ia i taimi uma.